<<هنا المدروف الغياضي والساحلي <<الدان >>

[أبونمر]

اقتباس : المشاركة الأصلية كتبت بواسطة الطير المعلي

بغينا بنسمر معكم سمر لي نحن نعتاده =على المدروف والمغنى ننقح حسبما نعتاد وبايصلح سمرنا لالحق جمهور وقياده =ودنيه لاقبلت شوها بشعره ياخوه تنقاد

رحب بالشاعر اللي ضاعف اعداده=وعده حيث عشره ساعة الأعداد
بانغير الفصل

سمر يالطير عالمدروف سمعني =لحونك ياصليب الرأس
لأنك في السمر هذا نته المعني =مرشحنا لحمل الكأس

[البكري]

اقتباس : المشاركة الأصلية كتبت بواسطة أبونمر

رحب بالشاعر اللي ضاعف اعداده=وعده حيث عشره ساعة الأعداد بانغير الفصل سمر يالطير عالمدروف سمعني =لحونك ياصليب الرأس لأنك في السمر هذا نته المعني =مرشحنا لحمل الكأس

انا شو الطير هذا مايفزعني =ولاحب الفشل واليأس
ولا باطاوعه حتى يطاوعني =بعدت الشك والوسواس

[محمد سعيد بن مخاشن]

ألا يا طير لخضر لا تقاطعني=ترى بُغضك عديم الساس
أنا حبّك إذا غرّدْت وِتْغنّي=وإن نقّفتني لا باس
أنا بن عم ماني ذلك الجني=ولاني منتسب لا شاس
وأنا قانع وأنا بالقل متهني=لك المضبي ولي البسباس
وإنته إيه قصدك با تعذبني=خبارك في وكالة تاس؟

محمد بن سعيــد بن مخــاشــن

[أبونمر]

بارك الله فيكم منه هو ذا الوزن الثقيل ياشعار

[البكري]

اقتباس : المشاركة الأصلية كتبت بواسطة أبونمر

بارك الله فيكم منه هو ذا الوزن الثقيل ياشعار

ذا فصل والثاني بسمع حنينك = وعسى كل مخطي يصيب
دان يابونمر وقت السمروينك = عالفصل ذا سمرنا بايطيب
والجود والمعروف بيني وبينك = ومن تمسك بصاحبه مايخيب
والمخشني قله بانسمع لزينك = والطير قله الغراب مايشيب

[أبونمر]

مابانبيعك يالدان شفنا شاريينك = علبوه حظك والنصيب
لاحل له كل من يذلك اويهينك=يبغاك كل ساعه تغيب

[البكري]

اقتباس : المشاركة الأصلية كتبت بواسطة أبونمر

مابانبيعك يالدان شفنا شاريينك = علبوه حظك والنصيب لاحل له كل من يذلك اويهينك=يبغاك كل ساعه تغيب

لانته تحب الدان لقه في يمينك = ما يفيد البكا والنحيب
ما معي قول غير ربي يعينك = تشوف العين كل مبعد قريب

[العكبري]

السلام عليكم ورحمة الله وبركاته

حياك يابو نمر

[مضارب بني نعمان]

حيا وسهلا بالعكبري لباك تشنطب في موضوعك وكتبت في اكثر من مكان في السقيفه ان جلسات الدان قد سبق بها بانمر ومن سبق لبق يالاصلي وهت مامعك والشعار على ركبه .

[عمر الذيب]

اقتباس : المشاركة الأصلية كتبت بواسطة مضارب بني نعمان [ مشاهدة المشاركة ]

حيا وسهلا بالعكبري لباك تشنطب في موضوعك وكتبت في اكثر من مكان في السقيفه ان جلسات الدان قد سبق بها بانمر ومن سبق لبق يالاصلي وهت مامعك والشعار على ركبه .

ولنا الشرف ان ندخل مع العكبري
وسبق وشاركنا هنا يا مضارب بني نعمان
وانا مالقيت مجلس عمر الذيب الا يوم حسيت ان الدان مات في السقيفه بغياب بو نمر مع العلم ان لكل مجلسه والناس حره
من بغا مجلس حد بيجيه وانا باكون اول الحاضرين هنا
عمر الذيب