((( الدان )))

[بن عوبث]

خل الشاجاعة لاتهد د=صاحبك بالعرف لصيدة
عندي جمال المعاصر=بد خل بهامن حيث ريد

[بن عوبث]

ذ لحين صاحبكم تـــــمرد=عاارضناقد طالت ايدة
والشعب من حكمةتجور=وهويطالع لرصـــــــيد

[بدر لجهر]

بوجودكم أفرح وأسعد =عسا لياليكم سعيدة
باقولكم تحلى المسامر=هاتوا من القول المفيد
لا يا مجمل لا تمجد = وشعارنا ثورة مجيدة
وشعبنا مسكين حاير =بين الافندم والعميد
آمالنا لليوم والغد =لا خوك تطبيق الشريعة
والفسد في كل الدواير=والشعب شف ريقه عصيد

[طالب النعماني]

هههههههههههه
نعم الشعب ريقه عصيد احسنت يابدر

[مجمل]

الله على ماقول يشهد = ان اليمن عانا مكيده
شل الثمن مخلوق فاجر = من ذي حصل هو مستفيد

[بدر لجهر]

ماحد في الدنيا مخلد=والله با ينصف عبيده
والله يمحق كل جاير=يا ويلهم يوم الوعيد

[مبروك بن ماضي]

نظامنا العربي مهدد = تعـصف به الريح الشديده
والمشكله الكل خاسر= مافيه حاكم مستفيد

[ابورائد النعماني]

اليوم حالي منكد=ياذي فيكم المديده
والموت باغت كل مسافر=باتبيت في القبر مديد

[عامر باتيس]

غن يامغني وردد =والدم حامي في وريده
خذ رساله من معاصر= وحلان شاشات البريد
قصدي ومطلوبي مجرد= السمر لحكم قصيده
بينكم بابيت ساهر= والقلب سا لي وسعيد
بيجيه وقته دي تمرد= الحل في ثوره مجيده
الشعب ياناس ثاير = والبخس في ام سويد

[مجمل]

شار العرب لاقد توحد = باتصبح الامه سعيده
باينقهر كل شخص كافر = لاشافنا ليدا بليد
ذا فصل ذه ليله نويره = يابن حسن قود المسيره
شارك بقوه في سمرنا = انت المعلم والقبيل
حاجات في بالي كثيره = الهيج باتسمع هديره
والله يأن لحنا حزنا = على مبارك بن عقيل

****