((( الدان )))

[طالب النعماني]

الا ياهل السقيفه عندكم بالعقد الصفقه=ويامسكين من مثلي يتم الريق في حلقه
اسرني بارع القامه نظرت الطول في عنقه=كما عنق العزاله حين مايطلع في العرقه

[طالب النعماني]

اقتباس : المشاركة الأصلية كتبت بواسطة راس البركه

يادانه دان يادانه يادانه دان يادانه =لادانه دان يادانه يادانه دان يادانه خرج ذا فصل والثاني بغينا قول في العشقه=تركني بارع القامه بلا رحمه ولا شفقه

هذا البدع نرجوا التقيد

[طالب النعماني]

اقتباس : المشاركة الأصلية كتبت بواسطة طالب باتيس النعماني

الا ياهل السقيفه عندكم بالعقد الصفقه=ويامسكين من مثلي يتم الريق في حلقه اسرني بارع القامه نظرت الطول في عنقه=كما عنق العزاله حين مايطلع في العرقه

وهذا الرد عليه

[مجمل]

وادي العشق لاجيته ضروري ريض الدحقه = طريقه شوك كم مثلي اخذ له فالهواء علقه
بغينا قصر ياطالب فسحنا مالبى الشقه = وبالجنا من اشجار العنب والتين والمنقه

[طالب النعماني]

انا ما با الملز لا قد ضويت العصر للرقه=لا بيغيت الكنب والزل لا حصلت لي سلقه
الا يافرحت الخاطر نهار الرعد والبرقه=ويافرحت صحاب النوب لاقد زانة الورقه

[بدر لجهر]

يقول الزقر بلجهر الا يا مصعب الفرقة= سلامي عالوطن مليون من غربة الى شرقة
فراق الأهل عذبني ومنه عالكبد حرقة= ولكنه مقدر من كريم الجود على خلقه

[طالب النعماني]

كلام كلام يابوعبدالرحمن
ابداع اعجزني عن الجواب

[مجمل]

مجمل قال يالخوان شلو العزم لابرقه = وفيها الخير وافر والزبد للنوب والعلقه
وفيها جامعه ياناس للعشاق والعشقه = بغينا درس باشل القلم بيدي مع الورقه

[طالب النعماني]

خرج ذا فصل والثاني معاكم واصل الرحله=وكل من حب مضنونه يحط رجله على رجله
ابا شربه كرع بالله ودوني الى دجله=حبيب القلب والخاطر رخصت الروح من اجله

[مجمل]

امانه قل لبوراضي معك حتى على السله = ابا سعفك ابا شربه تنسمني من العله
وباسلم على مخلوق قالوا ساكن الحله =ابا لقياه لو ساعه وباقي اليوم له كله