وهم الحب

[المحضار]

	قررت ترك الجزيره وهجرك اوطاني *** ونويت ارحل لابعد ارض ً وديره خلاص بجفى البشر واعيش وحداني *** وانسى زمان ً مضى بشره وخيره قررت انساك وارحل قبل تنساني *** وان قام غيري بذكرك بقفل السيره وان كان قلبي على ذكراك وداني *** احاول ( بأمر عقلي ) شل تفكيره يكفي عذابي ويكفي منك ماجاني *** برحم خفوقي كفاني منك تعزيره بالصد والهجر تجزى الطيب واحساني *** وتقابل البسمة بوجهك بتكشيره كلمة احبك ابمنعها عن اللساني *** وحبك بقلبي نزعته من حذافيره وسحرً بعينك إلاهي منه نجاني *** ولاعاد لك يجذبن سحرك وتاثيره حبك خطاي وعطاني درس وعاني *** وخلاصة الدرس حبك صعب تكريره ضيعت عمري ووهم الحب اشقاني *** وقلبً اسرتية حان اليوم تحريره