10-16-2009, 09:26 PM
|
#1 |
|
حال متالّق
|
تسجيل حصري لسقيفة الشبامي جلسة دان المحضار وباجراد وباجعاله وغيرهم
تسجيل صوتي ونادر لجلسة دان جمعت كل من :
الشعار حسين ابوبكر المحضار شاعر كبير وغني عن التعريف عبيد باجراد (( ابوعمر )) لايذكر الدان (( الهبيش )) وجلساتة في ساحل حضرموت الا وتجد أسم باجراد مقرناً به , فأن اشهر قصائد والحان الدان الساحلي هي لباجراد , كما كانت هناك علاقة حميمة بين باجراد طال الله عمرة والراحل حسين المحضار كما كانت لا تروق جلسات الدان للمحضار الا بوجود باجراد فيها وهو من سكان مدينة الشحر . سعيد سالم باجعاله (( ابوشاكر)) اطال الله في عمره : شاعر متمكن يجيد الشعر على اصوات الدان الساحلي ورقصات الهبيش من سكان مدينة الديس الشرقيه . عبدالله محسن والوحيري : رحمة الله عليه من مواليد الديس الشرقيه يجيد الشعر على اصوات الدان وبرعود : لاتوجد لدي معلومات عن هذا الشاعر وبن شحنه :لاتوجد لدي معلومات عن هذا الشاعر والحداد :لاتوجد لدي معلومات عن هذا الشاعر من لديه معلومات عن هاولا الشعراء فلا يبخل علينا من خلال الردود هذا الشريط استغرق مني البحث ثلاثة أيام بين الشحر والديس والحامي وبعد عناءطويل تم الحصول عليه , لذا نهيب بالاخوه ممن يرغبون في نقله الى منتديات أخرى نرجوا منهم الاشاره الى مصدر النقل وهي سقيفة الشبامي . للحفظ من هــــــــــــــــــــــــــــــــــــنا الوحيري خط داري معي ماضاع مكـتوبي وانته طمع ما كفاك جهدك تصطاد وسط العكر لمّا متى يا سعيد نتخاطب مع من قال لك مرحيب ولعون ******* المحضار ليش تحكم وتلقي حكم مقلوبي زليت وتخطيت حدك كل من قفز ينكسر بكويك لا نته بك الحالب بغاله جبس شف كسرك ومعجون ******* برعود باجعاله طمع عينه على ثوبي لا شفت شي مديت يدك يومك بنادم خـــــــــــــــــــــــــــــــــــــــور ولعاد با سايرك يالعايـــــــب عيال الديس من عيبك يصيحون ******** الوحيري انت يرضيك لا قد قال مسبوبي والكذب والتزوير سدك ولعاد تغض النظــــــــــــــــــــــر ما قلت شي في حق بوطالب مكانه صاحبي والسر مكنون ****** بن شحنه قل البصر دقيت عرقوبي وتقول لي هذا نصيبك قدنا مدفف عـــــــــــــــــــــــــــــــــــــــــــور وخطيت عالسبعين والشايب ماحد يعزه لاسقط يلي تسمعون ****** المحضار لا تلوم علي فارقت محبوبي حذرك تفارق من يحبك با تبات ليلك سهــــــــــــــــــــــــــــــر الا اذا انته في الهوى كاذب ولا لك قلب عا صاحبك محنون ****** باجراد كلفونا قطع نخلتي وعلوبي وانت حذر عادوم علبك مادام عاده خضـــــــــــــــــــــــر والحكم يمشي لا حكم غالب رضو ولا عساكم ليس ترضون ****** المحضار لاتكدّر علي اليوم مشروبي لا كدروا الصبيان شربك والحلو خلوه قـــــــــــــــــــــــــــر ولعاد حد بايصلح الخارب ولاحد ها هنا في الشحر يبنون ******* باجعاله با نغض النظر لا قدك هبهوبي ما با مسك يدك وزندك حتى ان فعلت شــــــــــــــــــــــــــــر يا حسين نا لي نعرف الواجب نغض الدف ونحافظ على النون ****** الحداد نا كما الناس بفضايلي وذنوبي وانت معك شوكك وورودك مقبول يا بو عمــــــــــــــــــــــــــــر أحيان نتباعد ونتقارب ولا شي طول يتغير في الكون ****** باجراد صبرهم ما يضر قدنا صبر دوبي ووعود جم من غير وعدك لكننا منتظــــــــــــــــــــــــــــر ومن السهر قد صابنا الضارب ولا بشكي وبعض يشكون ****** الوحيري الوفاء يشتكي ويقول حروبي يوم الدلل مايعرفوا قدرك ونشوف وجهك غــــــــــــــــــــــــــبر ظلم الزمن قد بيض الشارب ولا شي قد نفع من طب عبدون ****** المحضار ان معك لي عسل نبغاه من نوبي بفرح اذا مديت يــــدك لو جات أربع قطـــــــــــــــــــر نا وياك با نذكر الصاحب ولا با ينتسي صاحب ومضنون ****** بن شحنه يومنا ماقدر شديت مركوبي با عطيك مقدارك وعزك ما نسيت كل ما عبــــــــــــــــــــــر ولعاد باقاضي وبا حاسب ونا الآ زين فك ليهم يحسبون ******* المحضار كل من جاء صبن عاحجرة الدوبي والبز من كاكي ومن دك وايش بايذوب الحجر ماشي أنقلب في صاحبك قالب يسكتون العرب ولآ يصيحون ******* المحضار كل من جاء مبني عا مصرف النوبي واللبس من كاكي ومن دك وايش با يروب البحــــــــــــــــر ماشي أنقلب في صاحبك قالب يسكتون العرب ولآ يصيحون ******* باجعاله خلنا خلنا با عبيد بعيوبي ما بغيت شي من مال جدك خليه لك يندخــــــــــــــــــــــــــــــــــــــــــــــ ر ما حد مع المغلوب عالغالب وان بغيت الصدف وسط الطين مدفون ******** باجراد السنين انطوت ما شلت اغروبي تشكي الزمن ما نته لوحدك صابر وعادك صــــــــــــــــــــــــــبر لي من صلاة الصبح لا المغرب ولا جو ناس فوق البير يسنون ***** المحضار يوم صوبك اذا تصوبت من صوبي لا غلطت لازم بانردك لكن حكم القـــــــــــــــــــــــدر لا قد نزل يوقف كما الحاجب يلي بايؤخرونه ما يقدرون ********* بن شحنه ما قطعت السهن من أهل بانوبي وانت معك حقك وقسمك والليش تصطقر وتصبح دوب الوقت وتطالب وشي غافل وشي بالواق موزون ******* باجعاله يوم طربت بك ما سمعت تطروبي ايش الذي هو قل سمعك لمّا خذاك الصـــــــــــــــــــــــــّور نا نعرفك ما تنفذ الصائب وغير الشر منك ما هو مسهون ******* المحضار عادهم عادهم مارسلوا لك اللوبي وانت كبير ما بلغت رشدك فكّر ودير الفكــــــــــــــــــــــر ان جات شي غلطه من الكاتب مشقه ما تقع غلطه بمليون ******** بن شحنه لا تكلمت جالوا لي وزرو بي ولي بغالك جم بزورك وصبرت عــا كــــــــــــــــــــل زر الحبل ما خلوه على عالغارب ولا تنسمت ليله بات مرصون ***** الحداد نا من زمن عا حسب ترتوبي وانته تغيّر ثوب جادك وعساك لا نلت الوطـــــــــــــــر وانته مع الأيام تتجاوب وقادر كل ساعة تنقلب بلون |
|
التعديل الأخير تم بواسطة محمد التميمي ; 10-16-2009 الساعة 09:28 PM |
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| باشراحيل ورحلته الى 000 أشجان العشاق المحضاريه | محمد التميمي | سقيفة عذب القوافي | 19 | 07-06-2010 03:13 AM |
| كتاب رجال حول الرسول للداعي الاسلامي خالد محمد خالد | قائد المحمدي | مكتبة السقيفه | 61 | 07-26-2009 01:15 AM |
|
|
العرض الشجري