وداعيه للشاعر حسن سعيد بن سويدان

[ابن وادي عمد]

اخواني الاعضاء حبيت ان اطرح لكم قصيده متواضعه للاخ الشاعر حسن سعيد بن سويدان (ابو عمر) بمناسبه سفر الاخ ربيع بن سويدان لارض الوطن ارجوا ان تنال ااستحسانكم

ابدي كلامي بذي عاكل حجه قدير = انصر عبادك الاهي وانت نعم النصير
قال الفتئ بو عمر بي صوب دامي خطير= من بعد لي عزهم طرفي يبيت سهير
ريت السفاره بيدي قفلها والسفير= بالقي حراسه علئ ربيع مثيل الوزير
من شان لاقد عزم من عندنا بايسير= مايلحق التذكره للحجز لو بايطير
لاني بغيته علئ جالي وجنبي شوير= لاقد ذكرت المواقف والكلام الغزير
يزيد قدره وقد له قدر عندي كبير= قدره مثيل الذهب تاج الملك والامير
مش قدر جلجل يقع في المعصره للعصير= صغير سنه ولكنه بعقله كبير
محد مثيله ذكي في كل حجه بصير= الله يسهل دروبه حيث مابايسير
لاياربيع سمع من شخص عاقل خبير= مادام تاجك علئ راسك مثيل الامير
دور حروف الذهب مالك ومال العشير = وان جيت سوق الكساء دور مطرز حرير
وان باتشاور بحث ع شخص عنده ضمير =طويل شرعه حذر من شخص شرعه قصير
ذا شعب كله خطر ياذيب خلك حذير= لاتقول وقتي معي وش الذي بايصير
يوسف رمو به خوانه غدر في عين بير = وختمها بالنبي بشيرنا والنذير
محمد المصطفئ كالبدر وجهه منير= يامن سمعني يصلي علئ رسوله كثير

[مبروك بن ماضي]

اللهم صلي وسلم وزد وبارك عليه وعلى آله وصحبه
أخي الفاضل / ابن وادي عمد :
قصيده جزله من رأس شاعر جزل
صح لسان شاعرنا حسن بن سعيد
وتسلم على النقل يابن الوادي
وحفظ الله ربيع في الحل والترحال
تقبل تحياتي واحترامي ،