روح وخلانــــــــــي ! ! !

**ماجد العمودي** · 10-14-2010, 02:01 AM

روح وخلاني مثيل الطاير المذبوح=تنزف جروحي قال ماجد من حبيبي دم
روح وخلاني وانا ماقلت له مسموح=مليت من حبه وعيشني حيات الهم
روح وخلاني ولا فكر ونا مجروح=واسقاني العلقم ولا يكفيه جاب السم
روح وخلاني ولا قدم لي المنصوح=مايرحم المحبوب يرميني بسهمه جم
روح وخلاني ودمع اعيوني المفضوح=نازل على خدي وهو يلطم كموج اليم
روح وخلاني على فرش العناء مطروح=واحرمني النظره مع المتعه بحضن الضم
روح وخلاني ولا رابح ولا مربوح=خسران في حبه صديقي واخوتي والعم
روح وخلاني وله ليت الامل مايروح=صلي في الكعبه وشربي شهد من زمزم
روح وخلاني حبيبي سيدي المملوح=ماباقي الا العطر ذي في وارد الكلثم
روح وخلاني ولا له فالبعد مصلوح=لكن يجيله يوم يبكيني على يندم
روح وخلاني وغلق بابه المفتوح=يعبر ونا ناضره يا للهول ماسلم
روح وخلاني وانا ناضر حمام الدوح=ذي كنت في حبه مولع هايمن مغرم
روح وخلاني نزع مني حيات الروح=فرحان مستانس ولا ينشد ولا يهتم
روح وخلاني اصيّح وانتحب وانوح=واصواب في قلبي بحاجه تطرح البلسم
روح وخلاني وسره حافظه مابوح=في منهج العشاق مجبورن وبه ملزم
روح وخلاني شعوري يا الغضي مشروح=ترجم على القافي بصوت الحزن هو قد تم

**بن احمد** · 10-14-2010, 02:42 AM

روح وخلاني وانا ماقلـت لـه مسمـوح=مليت من حبه وعيشنـي حيـات الهـم
مسيكين ياماجد الحب والله مذله ويسوي اكثر من كذا
الله يقويك ويفلك لك وحيابك

**علي بن ماضي** · 10-14-2010, 01:48 PM

ياهلا بذواق الشعر ماجد العمودي
كلام عاشق وكلام سلس وجميل
تمنياتي لك بالتوفيق
لك كل التقدير
اخوك علي بن ماضي

**خالد بن مهنا** · 10-14-2010, 07:19 PM

اهلا وسهلا ومرحبا,,بالحبيب,.,الصديق الغالي جدأ..شاعرنا القدير ماجد العمودي..

وقوفي امام نص فاخر من نصوصك ..يزيدني حبأ في الشعر الحقيقي..

انت شاعر مبدع وتستحق منا كل تقدير واحترام يالنشمي.,.

تفضل بقبول ارق التحايا القلبيه

من اخوك:خالد بن مهنا

**علي فدعق الهاشمي** · 10-15-2010, 11:22 PM

الشاعر العذب / ماجد العمودي

سلمت ياشيخنا الاصلي

والله لايهينك يالاجودي

نص رااااائع جزل من راس جزل راعي اوله

صح الله لسانك يابن الاجواد والله لايهينك

لك التحية