الديوان الملكي لشعراء الشِعر الشعبي .

[محمد سعيد بن مخاشن]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

الليلة البارحة ( الثلاثاء مضوى الأربعاء ) النت كان معصلج في جده إلى ساعة متأخرة من الليل. ما حد دخل من أهل جده لكن دقم الدفين الظاهر إنك تدخل من منطقة جغرافية أخرى

يا خير هذا الصوت جاني بعد ما ليلي حلك=دقم الدفين الشاعر إللي دوب في السمره يصول
شاعر يجيب القول مرصوص المعاني ... وإمتلك=سر القوافي ما بدا جاب حمل مايل في العدول
بنشدك ألا يا الدقم من عزّت ومن خوه البُلُك=لُمّا متى إمعاينين النجم ذي ما له أفول؟

عزّت والبلك = من الأسماء المصرية الشهيرة

[حسن محمد سالم باقديم]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

باشل زامي سعف دقم دفين في هذه وذك=وانا جمل باشل حملي وقت مايحين الحمول
وحذين هذا الوقت تطحس بي سرع خذني معك=شليت زنوبه 00 كلف 0 وعرف طلوعي والنزول
وان حلقوا الرميان عاروس الشوابي والحبك=ذي داهل الوبران ماطير بقشعات الوعول
حسب النوايا والعمل مطروح قسمك في المشك=ومن صرطهن غفر ماله عذر يخرجهن سبول

[عيبون]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

هرجك عجبني كالعسل له ذوق يبقى فالحنك=وهموم يجليها ويجلي من وسط جوفي كلول
واحنا طرقنا الباب وطلعت الشوابي والضرك=ضاري عليها شف جمل باداس ماجاه الخمول
حد بايرحّب او رجعنا عادحوقي والصرك=باشلها بالعز لا مالقيت فالمجلس قبول

[حسن محمد سالم باقديم]

اقتباس : المشاركة الأصلية كتبت بواسطة عيبون [ مشاهدة المشاركة ]

هرجك عجبني كالعسل له ذوق يبقى فالحنك=وهموم يجليها ويجلي من وسط جوفي كلول واحنا طرقنا الباب وطلعت الشوابي والضرك=ضاري عليها شف جمل باداس ماجاه الخمول حد بايرحّب او رجعنا عادحوقي والصرك=باشلها بالعز لا مالقيت فالمجلس قبول

يامرحبابك عد مالمروس في الوادي فتك = وفرح به الموال وسقى به جروبه والحقول
لا ماوسعك البيت والديوان خذ مجلسي لك=ماحمل القاضي صلاتي يوم صلي عاالرسول
في الحال والخاطر وسع وجواهر الدنيا حتك= ودعي لكم بلخير كل صاحب عسى عمره يطول
شي باه للدنيا وشي للاخره من دون شك = مادام عدني شوف ياعيبون ودحق عاالرجول

[عيبون]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

يامرحبابك عد مالمروس في الوادي فتك = وفرح به الموال وسقى به جروبه والحقول لا ماوسعك البيت والديوان خذ مجلسي لك=ماحمل القاضي صلاتي يوم صلي عاالرسول في الحال والخاطر وسع وجواهر الدنيا حتك= ودعي لكم بلخير كل صاحب عسى عمره يطول شي باه للدنيا وشي للاخره من دون شك = مادام عدني شوف ياعيبون ودحق عاالرجول

حياك ربي عد مايوجد في البحر السمك=وعداد ماوسط الغبب ياصاحبي جوهر ولول
هرجك عجبني قال صالح حي من شاعر حبك=وحكم وشيّد فالقوافي منها جاني ذهول
لجلك سرجت الخيل واما الهيج عاده مابرك=يطلع حسر وعره ولا هم الوعر هي والثقول
كل من يرحب بي وقلّطني على شحم الورك=لاقد دعاني بانجي حتى في انصاف اللّيول

[حسن محمد سالم باقديم]

وقت صلاة العفو منكم

[حسن محمد سالم باقديم]

اقتباس : المشاركة الأصلية كتبت بواسطة عيبون [ مشاهدة المشاركة ]

حياك ربي عد مايوجد في البحر السمك=وعداد ماوسط الغبب ياصاحبي جوهر ولول هرجك عجبني قال صالح حي من شاعر حبك=وحكم وشيّد فالقوافي منها جاني ذهول لجلك سرجت الخيل واما الهيج عاده مابرك=يطلع حسر وعره ولا هم الوعر هي والثقول كل من يرحب بي وقلّطني على شحم الورك=لاقد دعاني بانجي حتى في انصاف اللّيول

ياذي سرجت الخيل سر فوق المذره والصرك=فوق القديه من دحق نسهن بلوغه والوصول
ومعا المقدر والقضاء لقمتك تنشب في ثمك=ياباالكرم لا تحدني من حيث عرباني حلول

[نجم سهيل]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

يالدقم حيابك دخل ياصاحبي حقك ولك=شاعر ولك بصمه ولك قدره تحكم ف الفصول
لكن انا يالدقم في خاطري ودي تسالك=الورد يانع ياطويل العمر اوجاه الذبول
احسب حسابك ونتبه شف مخرجك من مدخلك=وامسك عنان الجامحه مخصوص لو كانت جفول
ونته مقامك فوق وبقلبي محلك منزلك=ياراعي العليا قفلنا الباب بثنينه قفول
بعض العرب لو كان خاويته تراه يجملك=والبعض منهم من ردي فعله يصيبك بالذهول
ساعات انته تحمله واحيان هو بايحملك=هذه طباع الجيدين اهل الشرف واهل الاصول

[نجم سهيل]

كلام يابو الجويد كلام

[محمد سعيد بن مخاشن]

يخوان أظن الكاف هو واللام ملكوكين لك=مسواه نجم إسهيل جاب الرد مبني عا الأصول
والقول لج وأبلج وأمّا ذي يزن يمضغ علك=في حلّها يشرد حمد يغدي مثيل البازمول