*****بدع وجواب ******

[ابو يوسف بن شحبل]

بدع وجواب دار بيني وبين الشاعر الأخ/ راشد بن شحبل
عسى إن يحوز على رضاكم

سلام من عندي على أصحاب السمر=أعداد ما ترعد وما المِنشي يثور
محنون وأعظامي من الحَنه طيّر=وش باينسيني نحيفات الخصور
يا مرحبا بالقول من راشد صدر=يذكر في الفتنه وليمون الصدور
ياويل من هو تو فالعشقة طمر=يمسي طريح الفرش وعظامة كسور
ذا فصل والثاني مع سود النمَر=بضرب على الآساد وأشبال النمور
مابا البطل ينداس من تحت الكفر=والناس تتعامل بدقلات الخشور
كماً بطل داسوه ويا كماً نمر=نقــّرو لنياب وخلوها جخور
والقصد والمقصود نبغاء شي مطر=يصّـفي الفِسلان وييقون النمور
معاد شي عِليا ولا بارق عطر=مُسوى العجائز تفحّس عالعطور
روّح زمان العِز فاللحد أنقبر=وأغلب رجال الجود قدهم فالقبور
ماباقي إلا من لهم دعس الكفر=راعه تشل من هو عينه عالقدور
في ساعة الحاجات كلاً با يفر=وبا تبقى الآساد تظللها الصقور
كلام قد جاني بحلقي ما عبر=وأنا معي فيلق على خط العبور
قالو مرض فتـّاك فالناس أنتشر=ما صدّقو بالبعث وأيام النشور
هُم سادة الشرك ورؤس الكـَفر=لي يلعبون الحين ما بين النهور
وألقو مشاويف تضرب من قطر=كل من رفع رأسه ممنوع الظهور