العيد السعيد

[سبع الليل]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/49.gif" border="none,2,gray" type=1 line=200% align=center use=sp char="" num="0,black"]
حيا وسهلا قال سبع الليل باالعيد السعيد=العيد ماهي عيد اذاماهي في الصفراء شبام
من عادت المخلوق يوم العيد يلبس كل جديد=يفرح ويتمتع بعيد الفطر من بعد الصيام
يابختكم يااهل العوايل باالمصبغ والعصيد=اما العزوبيه نهار العيد في المطعم قيام
طابور عل كبسات لي تشهف حلوقك والوريد=تابس حلوقك مايجيك النوم لاحل الظلام
مكتوب ومقدر قفاء الارزاق جينا من بعيد=مثل الصقور الطايره تسعى قفاء لحم الحمام
ياكم وكم مخلوق جاه الموت في الغربه شهيد=من اجل لقمه عيش وافته المنيه والختام
والبعض شل نفسه جاه الضيق من كثر الوقيد=بطل في الغربه وزرزر على العمامه والحزام
يسرح مع العمال في المبناء وفي حمل الحديد=مستور حاله لاضواه الليل في داره ينام
ولاشرقت البيضاء قعد في الفاي لي تحت البريد=من كثر لي هو فيه لاسلم ولارد السلام
ولعاد عنده مقدره يخدم ولا عظمه شديد=دايم يفكر في الغلاء فترت عروقه والعظام
الاسعار تتزايد وسعر اللحم كل ساعه يزيد=حتى اللبن والزيت ماذلحين يتكلم كلام
كانت ميه واحده تجيب اللحم وتجيب الحنيد=وتجيب مصروف واجد اذا حسبتوها تمام
والختم صلوا عد ماصياد في بحره يصيد=صلوا على المختار خاتم الانبياء سيد الانام

[/poet]
;flow ;crying2

[بنت المكـــــــــلاّ]

الله يسلمك سبع الليل انا قرأت قصيدتك مره وثاني وثالث وبصراحه قصيده معبره ومايحتاج لها كلام بس كان ودي لو ختمت القصيده بكلمات تدخل فينا الفرح لانك تترك للانسان الذي يقرأ القصيده هم وغم واسفه انني اقول كذا اتمنى من الله يغير احوال الفئه التي ذكرتها من حال الى احسن حال امين0

نتمنى ان نطالع لك قصائد فيها تفاؤل والى اللقاء0

[سالم محمد بلفقيه ((الشرقاوي))]

هلاااااااااا والله بسبع الليل
وينك يالقاطع عسى ماشررررررر
ايه والله انا اشهد انك صادق بكلامك الغربه تقطع القلب والله ياكم وكم واحد معاد رجع لبلاده لكن هذه سنه الحياه ياسبع الليل وهذا هو الجهاد ياخي على لقمة العيش بس ياخي ماتشوف اننا ياليمنيين
من متى ونحنا مغتربين كل واحد اقل شي وله عشر سنوات مغترب الى متى ياناس والله الحاله معاد تحتمل عسى ان شاء الله ربنا يفرجها ياسبع شفك كل كلمه قلتها صحيحه والله 0
اما انتي يابنت المكلا معك حق بكلامك وماعليك لوم تدرين ليه لانك ما عانيتي ولاتعانين طبعا باللي نعانيه نحنا من شقى وتعب لكن نقول الحمد لله على كل حال وربنا يحسن بلادنا السعيده
قصيده رائعه بحق سبع بع 0

[ابن الأحقاف]

صـــــــح لســــــانك!!!!!!

[شيخ القبايل.]

صح لسانك يا بن جمعان

قصيدة ممتازة .. امتعتنا بها

وربنا يقطع عنا وعنكم بلاوي الغربة

ويرزقنا و اياكم من واسع فضله

وكل عام وانتم بخير

[الشبامي]

كل عام وانت طيب ياسبع
ونلتقي الأعياد القادمه في ربوع السعيده وفي العاليه شبام
قصيده معبره بحق عن اوضاع المغتربين
لافض فوك ايها السبع!!!!!!