من ذاكرة سبع الليل

[سبع الليل]

هذد الابيات لسالم بايعشوت يمدح في جاوه ويذم في حضرموت
---------------------------------------------------------------------------------------------------------------

ما لجاوه بدل ذالا مكاتيب يا أحمد=تسمع الا البقش تمطر وتصهل وتعتد
والسرج مرشنه في كل بقعه توقٌد =والطرش والروش والعيش بارد مبرد
أمنا الباره كل من خرج منها رد=زايده مايده ياحاسد اذكر محمد
من دخل ماخرج بند ولنحى ولصعد=باتردك من اوطانك اذا باتعهد
عانك الله عالغيبه وعالجول لسود=جول كسرى جبل من ريح صرصر مسهد
لا انطرح من نشِب نقله من الصٌد للِرد=أيش تلقي اذا قد جاك بدوي تمرود
يفتح الباب بالحجره اذا هو مقلد=وان لحق بابكم مجدور فتٌح وقلٌد
وان لقاء شي دهل له عاد دايم تردد=وان عرفكم وخامركم عليكم تنٌشد
حالك بالكم وايشكم وايش انتم بل ازيد=حد صماده على راسه وحد راسه اكرد
ياعذابك اذا بيٌت وشرك اذا أبرد=يحتمونك على شاتك مع التان والشد
والمرده على الهده شعرها المعقد=ينقرونه ويمسي كل خاطر منكد
لكن الفضل يامحسنه لي ربنا سد=او سقيت الضمانه او جبت طبخه لمقعد
كم فضيلتك لي مديت لقمه لمسعد=او تصدقت او زكيت واجب مؤكد
باتوافقد وباتشكر عليها وتحمد=ربي وفق وسدد واعطنا كل مقصد
واصلح الشان كله بالنبي المحمد=البشير النذير الشافع المصطفى احمد
الف صلوا عليه الاف ماطير غرد=واله الكل واصحابه ومن قام عل حد

[بومحفوظ]

جمعة مباركة

[سبع الليل]

هذه القصيده للشيخ ( احمد بركات )
++++++++++++++++++++++++++++++++++++++++++++++++++ +++++++++++++++++++++++

الله بلانا بالنساء البايرات= أهلكننا اهلكننا
يصبحن بكره بالوجيه المغلسات=يوقضننا يوقضننا
من يوم تغبش يعمدونك هات هات=طرف لنا طرف لنا
قرب لنا لي مابعادهن طارفات=قرب لنا قرب لنا
وان كان شي في السوق يصلح للبنات=هاته لنا هاته لنا
وان كان ماشي في ثيابك زايدات =خذك الضنا خذك الضنا
والله لاهن ياجماعه داريات=باحوالنا بحوالنا
يبغين لي يبغينه لا هن عالمات=أه شغلنا أه شغلنا
هاتوا وهاتوا مالهن غير اللفات= هاتوا لنا هاتوا لنا
ذا تم ذا غلٌق وذا من سمح فات=لي عندنا لي عندنا
هت ذا وقرب ذا وذا له تاقنات= يلفتننا يلفتننا
وان قد قبضن اقليد يلقين البهات= في دارنا في دارنا
الله يرشدهن ويرزقنا الثبات= هو ربنا هو ربنا
والخاتمه نسد بها عند الممات=في لحدنا في لحدنا
معنا محمد ذخرنا زين الصفات= يشفع لنا يشفع لنا
عليه صلى الله عدد حب النبات=لي يجتنا لي يجتنا

[سبع الليل]

هذه القصيده للشاعر عبيد باشامخه التريمي
--------------------------------------------------------------------------------------------------------------

بني مغراه قال الذي من ناس محنون=ومن دوله وساده على الضعفاء يجورون
وجابوا لي تحاريج وقال لا تخدمون=وانا مسكين مثل الغنم في الدرع مرصون
ومن لا له مفلٌس قتله الجوع والهون=والوقيه وربع ثمنها شطر مفنون
ومن ذا الحكم جمله من البلده يفرون=على التغليط ضعفاء البلاء مابايصبرون
تلقيها السوري والا لارض دمون=تقع عشرين خطوه في الجامع يصلون
ولا هذا الجزى يومهم بالليل يبنون=نشوا جملة محايل وجمع اكوات وحصون
رجاجيل الخلاء في الجبل سرحوا يحطبون=وفي لعقاب غدراء نصوف الليل يدحون
ولا لي غير بالجود ملجا مالك الكون=ويافتاح عز العرب من قبل يدنون
عسى راعد وبارق وبالبكره يسقون=وتعفر به مواسم ومن المواسم يصربون
يسر القلب لي هم في الصرى يدقون=وانا باضلي اذلح اذا قد نسنس العون
عسى بالجود يعطي ابو شماخ مليون=يحج البيت سغف الذي هم يحجون
وبازور النبي سعفهم لي بايزورون=وصلى الله على احمد عدد ملتنبت اغصون
عدد الحروف لي في المصاحف يوم يقرون=وأله واصحابه ومن للناس يدعون

[خالد بن مهنا]

اسف اذا ازعجتك ياسبع الليل لكن ماجاني صبر..من الرد..الله يعطيك العافيه ومتابعينك اول بااول لاحرمنا الله منك اخي الفاضل,,,
اخيك:خالد بن مهنا

[سبع الليل]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

اسف اذا ازعجتك ياسبع الليل لكن ماجاني صبر..من الرد..الله يعطيك العافيه ومتابعينك اول بااول لاحرمنا الله منك اخي الفاضل,,, اخيك:خالد بن مهنا

حياك الله ياخالد بالعكس لا ازعاج ولا غير ذلك انت تأمر وبس ونحن حاضرين
في اي وقت انت اخي عزيز ومحبوب لدي الجميع وحضروك معنا يعزز من قدراتنا
وتحفيزنا على الاستمرار في الاداء واكثر من ذلك الله يبارك فيك ويحفظك

وجمعه مبارك على الجميع

[سالم عاشور حسنون]

[align=center]سبع الليل انت شاعركبيرلا جدل في ذلك
والله انا معجب بنقلك وحفظك لهذا الاشعار
الله لا يحرمنا منك
ولكن لي طلب اذاكانت عندك قصيده الشاعرمستورحمادي
ابديت بك يالفرد لكبر[/align]

[سبع الليل]

اقتباس : المشاركة الأصلية كتبت بواسطة سالم عاشور حسنون [ مشاهدة المشاركة ]

[align=center]سبع الليل انت شاعركبيرلا جدل في ذلك والله انا معجب بنقلك وحفظك لهذا الاشعار الله لا يحرمنا منك ولكن لي طلب اذاكانت عندك قصيده الشاعرمستورحمادي ابديت بك يالفرد لكبر[/align]

هذه قصيده معروفه ومشهوره ياسالم غناها بوصالح الله يرحمه ( بدوي زبير )
ابديت بك يالفرد لكبر في السماء سبحان متعلي
عبدك محمد شفيعاٌ لمته يوم القيامه
ياغافر الزلات تغفر لي ذنوبي
ياعظيم الشأن حلت طيات لكفان
_________________________
ولكن ابشر بكتبها كامله انشاءالله طلبك عالعين والراس
اذا ماهي الليله بكره باذن الله

[بومحفوظ]

جمعة مباركة

[سبع الليل]

ناسف ونعتذر لكم لعدم الاستمرار وذلك لظروف خارجه عن الاراده
وانشاءالله نواصل عماقريب وارجوا المعذره والسموحه من الجمبع وشكرا