05-10-2009, 10:48 AM | #1 | |||||
شاعر السقيفه
|
>>> بـــاقــة حـنـيـن <<<
(( باقة حنين ))
الجميل اللي زرع حب الغراميات فيني =ذكرياته عذبتني وإذبحت قلبي سهومه
وبالي المشغول دايم فيه يظنيه الأنيني = كل ما نسنس نسيم الصبح وتجدد هجومه صرت في حيره ولا ادري كان له رغبه يبيني = ليته ينور طريق المتعب ويقضي لزومه نفسي اكتب له قصيده بس فيه شي مبتليني=يوقف إبوجهي يقول أوعى تقرّب من رسومه لو تجمّع كل شعاّر الهلالي والهجيني = ما استطاعو يوصفو فيه اللطافه والنعومه كيف لو وصف العيون ولمعة الخد والجبيني = والجسم اكبر حكايه سرها يفرض علومه كل واحد سانتي في الجسم متميز رزيني =ما تهمه فوضة الإحساس وشعور الخصومه نظرة إعيونه أشعة إكس(x) تحجب نور عيني=عن تنعمها بموجات الأناقه في شحومه ممتلي بقياس مديّم لا نحيف ولا بديني = ولا طويل ولا قصير ولا مجرد من حلومه وصفته (إعلان حربٍ(ن) طاحنه من كل زيني= بكل بساطه لأنه أزين زين هو من يوم يومه كود نتسلى بأطراف الحديث إبكلمتيني = نرتجل بعض الكلام ولا نهوّب من سلومه لأن تحديد المزايا فيه يحتاج إلسنيني = لا / ويمكن ما تكفي وصف وضعه وقت نومه المهم ان الهوا الطلق لنفاسه قريني = والخيال الخصب جايز يوصف إشراقة هدومه وغير هذا من تجرا رد منهار وحزيني = كنه اتوهق بتهمة أمن في سجن الحكومه لو أمير(ن) للقوافي مستعد في كل حيني = لا طرا طاريه روّح زوم تركيزه بكومه ورغم كل اللي تقدم يعتبر( باقة حنيني) = لو توزع عطرها عالكون تتبدد همومه |
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
>>> الـفــــــراق <<< | ابوهاني1 | سقيفة عذب القوافي | 24 | 04-25-2010 11:15 AM |
>>> لا تــلــومــونـــي <<< | ابوهاني1 | سقيفة عذب القوافي | 12 | 12-26-2009 09:10 PM |
>>> >>> ســــالــفــــه <<< <<< | ابوهاني1 | سقيفة عذب القوافي | 42 | 12-14-2009 10:21 AM |
>>> يـا حـســــافة <<< | ابوهاني1 | سقيفة عذب القوافي | 18 | 10-14-2009 10:51 AM |
>>> كــذب الـتـجـمــل <<< | ابوهاني1 | سقيفة عذب القوافي | 21 | 10-05-2009 10:21 AM |
|