سباق أجمل قصيده !!!

[جمال الليل]

السلام عليكم ورحمة الله وبركاته

شباب عندي راي ودي أطرحه عليكم الا وهــــــــوا :-

لماذ لا نعمل تصويت على أجمل قصيده

في سقيفة عذب القوافي ..

ياريت تساعدوني وترشحو 10 قصائد من قصائد شعارنا الاعضاء فقط ..

ودي أعرف رايكم وترشيح بعض القصائد ..
حتى نعمل على التصويت ..

خواتم مباركة
وكل عام والجميع بالف خير ..

[جمال الليل]

((1))

شبام

من ما يحب قال عبد الله مبارك شبـام=من ما يحب طينهـا لصفـر وبنيانهـا
من ما يحب الأدب فيها وعذب الكـلام=من ما يحب نرجس الصفراء وريحانها
من ما يحب الشهامة والرجال الكـرام=من ما يخلـد بذهنـه مجـد شيبانهـا
من ما نهل من مناهل علمها ع الدوام=من ما قراء الشعر في صفحات ديوانها
النور فيها على العالم يشـع والظـلام=ماله محل في صحاريهـا وصيطانهـا
والعلم فيها عيونه ساهـرة مـا تنـام=وان نامت العين صاحي دوب وجدانهـا
اجمل مدينة يهيم القلـب فيهـا هيـام=و الجود رمز أهلها والطيـب عنوانهـا
فيها رجاجيل في العالم حضوا باحتـرام=فيها اُسر حيث ما حلت عـلا شانهـا
فاقت في الوصف لندن هي وبرمنجهام=والقاهرة لي حكـم فرعـون سكانهـا
ام اليتامى اذا قـل ع الفقيـر الطعـام=يابخت من يرتمي ساعة في احضانهـا
ما للحسد شي محل عند أهلها والخصام=فيها شروع المروءة قامـت أركانهـا
من ما دخل يوم للمسجد وصلى وصام=ماله محـل عنـد شيبتهـا وشبّانهـا
يحماك رب البرية من عيـال الحـرام=يحماك من انسها الخالق ومن جانهـا
لي ما هدفهم في الدنيا سـوا الانتقـام=من كل شي زين للصفـراء وحلانهـا
سلام مردوف لك يا ناطحـات الجهـام=عد برقها قال بـن لجـذم ورعدانهـا
واهلك لهم كلهم مليون منـي سـلام=واسلام ثاني علـى بطحـاء وكثبانهـا

قصيدة مشرفنا الاستاذ / عبدالله الجعيدي

[جمال الليل]

((2))

الـلـقـاء

قال بوراضي هـلا بـك ياهـلاء=ياحياة اللقلب مـن بعـد الهـلاك
مسكنك في العين ياسيـد المـلاء=ياملـك قلبـي ويااغـلا مــلاك
مرحبا بك يالـذي جبـت الـدواء=خاف صوب القلـب بيفيـده دواك
بعد ماسمحت ضروفـك باللقـاء=التقيناء رغم لـي منعـوا لقـاك
بان ضؤ البدر في كبـد السمـاء=والتقـاء نجـم الثريـاء بسمـاك
واختلط في العشق صبحي والمساء=بعد ماقد قلت لي يسعـد مسـاك
اسألـك بالله تـزقـل بالغـطـاء=مبسمك براق يلمع مـن غطـاك
بعد ماسمحت ضروفـك باللقـاء=التقيناء رغم لـي منعـوا لقـاك
انت هـذا اليـوم قـد المستـوى=فوق كل الناس عالـي مستـواك
اجتمعنـاء عالمحبـه والصفـاء=واصطفينا كانـا ساعـة صفـاك
تكفي العاشق فقط كلمـة رضـاء=تضحك الدنيا معي ساعة رضـاك
بعد ماسمحت ضروفـك باللقـاء=التقيناء رغم لـي منعـوا لقـاك
من فراقك حس طرفـي ماهـداء=للمحب عودت ربـي قـد هـداك
ايش هـذا الـود كلـه والغـلاء=كل مافي الكون يغلاء من غـلاك
لابغيـت القلـب عاشانـك فـداء=شل قلبي قـال بوراضـي فـداك
بعد ماسمحت ضروفـك باللقـاء=التقيناء رغم لـي منعـوا لقـاك

***
***

2

- حن له قلبي

قال بوراضي عسـاء الله يجيب=خلي فـي الدنيـا وحشنـي فراقـه
يومنـي حبـه محبـه رهيـبه=مـش محبـة كـذب والاصداقـه
لا دعانـي كيـف مابستجيبـه=خلي علـى شانـه بنيـت العلاقـه
كل ماقالـوا لـي النـاس سيبه=حـن لـه قلبـي وزاد اشتياقـه
مـن يحـب مابايتـرك حبيـبه=هلو يحز القيد فـي عظـم ساقـه
والعسل في الجبح ماشـي يعيبـه=شوا عسل جردان يعجـب مذاقـه
من رحيق الزهـر كـون صبيبـه=لاسرح يجنـاء علـى كـل باقـه
ياحبيـب القلـب ويـن المغيبـه=مامعـي للصبـر يازيـن طاقـه
حالتي في البعـد حالـه صعيبـه=مامعي للشـرب والقـوت فاقـه
بعدكـم يـازيـن اكبرمصيـبـه=قد قلبـي مثـل مـؤس الحلاقـه
كـل ماشفـت المسافـه قريبـه=واشتغل الارسـال داخـل نطاقـه
ينطلق فكـري بسرعـه رهيبـه=تحسبه صـاروخ وقـت انطلاقـه
مثل لي تعبـان لاحصـل طبيبـه=كيف لاشـاف الـدلا والرشاقـه

من ديوان شاعرنا ومشرفنا الاستاذ / طالب باتيس النعماني (أبوراضي)

[جمال الليل]

((3))

سهران مانمت وأهل المملكة نائمين

!!

سهران ما نمت واهل المملكه نايمين=حد بايساعده بو نشوه ضنـاه السهـر
لانامو الناس بن غانم يبيت حزين=خفو علينـا شـوي ياضالميـن البشـر
هذا من الله خلا كلشي فيك زين=مافيـه داعـي تكبـر ياحسيـن النضـر
صحيح اناحضرمي وانته سعودي يقين=لنك سعودي تباني دايمن في كـدر
لايفتهم لك غلط نحن العرب لولين=نحن الحضاره ونحن الي نقص ال اثـر
منشان تعريف و الا اصل متفاهمن=وسط الجزيره ولا ظن حد بسطح القمر
مسكني رخيه حميناه من الضالمين=فل عطفه العاصيه عطفت وعول النتر
ذي يقهرون العدوفل حرب متفوقن=للخلـف ماعندهـم حنـان ولا انكسـر
هم راس مالي وهم لي حصن عالي زبن=وهم كناني متى ماحط مزن المطر
ذي يرعضون السيول الكابره داهلين=يتعرضون الغوارب لا قد اسيل مـر
مادام خيرتني صافحتني بليمين=بطلعك ضهـر الكروزرماتشـوف الكفـر
من الوكاله وبمشي به ميه واربعين=في عشر ساعه وزلينا حـدود الخطـر
با تد خل العبر حيث البدو متواجد ين=فلله بنزين ول وضع الخطير استقـر
عبره بلقايمه كثبان فيها وطين=مايحسب ارمل مثل اضبـي روس اشحـر
بدخله رخيه حدوداهل اسلب عاصيين=على اشحابل سلامي عشره الاف كر
مر ع البليث ذي فلقبوله ماهرين=ذي قنصو الوعل باقشعه جليـل العجـر
برمي علوجه وربعي كلهم حاضرين=بدخل عليهم مع المغرب قريب السمر
عشرين مخزن وبات الدقم ملقي حنين=ميشان باينشد الحاضر وذي ماحضر
بسكن بلادي ورزقي بايجي يافطين=ماحد من الجوع قالو مات والانتحر
اختم صلاتي على ذي يرشد المسسلمين=عساه يشفع لنا من هول وادي سقر
محمد المصطفى واصحابه اتابعين=ذي قامو الدين في روما وشرق المجـر

للشاعر المعروف / صالح يسلم بن عكعوك بن غانم ..

[جمال الليل]

سامحوني ياشباب ..
أخترت لكم حسب معرفتي 3 ثلاث من أجمل قصائد المنتدى .

ياريت تساعدوني وتضيفو السبع القصائد المتبقية ..

للتصويت مطلوب 10 قصائد من أجمل القصائد ..

تقبل شكري
وتقديري ..

[أبوعدنان بن شحبل]

((4))

كل مابعدوه مني يرتدف عشقة وشوقي له يزيد

صوتكم ممتاز فني=قرب افكاري وانا عايش بعيد
قل صوتك يالمغني=واستلم نظم القوافي والقصيد
ياحمد صالح دركني=واطلق العبره وريقي في الوريد
والمحب لو ماسمعني=برسل ابياتي بصنوق البريد
كل مابعدوه مني=يرتدف عشقه وشوقي له يزيد
قال بوراضي وحشني=ذي على بابه ثلاتعشر قليد
يحرم الله من حرمني=من لقاء المضنون في جمعه وعيد
والمحب لو مارحمني=بحترق بالنار ذي توقد وقيد
وقتي الظالم ظلمني=مايجي العاشق على ماهو يريد
اه ياوقتي رحمني=جدد امالي وحلمي من جديد
يادموع العين شني=قيدوني قيد ماكن من حديد
والمحب لو مانشدني=برتمي كالشيك ذي ماله رصيد
كن مابي خيب ضني=طالما روحي ودمي في الوريد
مرحباء به لو زهمني=بتبعه خسرلن والا مستفيد
وان قصر شرعه تركني=بنتحر من قرب والا من بعيد
بارع القامه اسرني=سرت له طايع وانا راسي عنيد
واسمحوا له لو قتلني=واكتبوا عالقبر من فوقي شهيد
كلما بعدوه مني=يرتدف عشقه وشوقي له يزيد

قصيده للشاعر طالب باتيس أبوراضي ..

[أبوعدنان بن شحبل]

((5))

قصيده غزلية متواضعة ..

يلعن ابو الزيـن ضيعنـي وضعيتـه=وأسقاني السم من كاسه وانا اسقيته
من كاس باقي معي من وقت زهبتـه=غديته الـي مـن ايداتـه تعشيتـه
يضحك علي يحسب اني صدق صدقته=مادام كـاذب انـا بلكـذب غطيتـه
ضيعت سنتيين من وقتي ومن وقتـه=وبعدهـا راح خـلانـي وخليـتـه
والكرت لـي بينـا مكتـوب قطعتـه=في وقت غلطان جا كرتـك وشليتـه
كشفت مكنون طبعك يـوم ترجمتـه=وعرفت ريحان خطك يـوم خطيتـه
منك خطـا سـار واجـد ماتحملتـه=سويت لك مثل منتـه فـي سويتـه
ثمرت غرورك وطيشك قـد توقعتـه=من وقت محنـا تلاقينـا وخاويتـه
ذلحيـن حصلتلـك غيـري وكلمتـه=في السوق يمشي على هونه وناديته
كتبـت لـه رقـم جوالـك وسلمتـه=وناس خلفك وشهدو وقت ما هديتـه
مبروك مبروك لـك مـادام حصلتـه=والعب بقلبه لعـب عجـل بتشتيتـه
عليك به جرعه مـن كـاس جربتـه=من قبل عامين مـن يـدك تقهويتـه

قصيدة للشاعر صالح يسلم بن عكعوك بن غانم ..

[ابو يوسف بن شحبل]

جميل جداً ولا كن وين العرب

أبويوسف بن شحبل

[سالم عوض باجخيف]

فكره جميله الاخ جمال

[سالم عوض باجخيف]

غفار يا رحمان يـا قيـوم يـا واحـد أحـد =عسى بغفرانك يـوم النـار تصلـى بالوقـد
إغفِر وسامحنا وندخل جنتك كـل شـي يجـد =ثم قال المهجوس بويوسـف بدعنـا بالـردد
من بحر بانغرف ما عـوّل أنـا دايـم بحـد =من بحر فيه اللول والمرجان والعنبـر يجـد
من غبة الهندي وبحر الروم في روس النجـد =قد لي عوائد سوق بالأقوال فـي كـر وجلـد
عُدنا وعاد أيام با ننفـخ علـى كيـر الحـدد =حتى وله عامين طافي بـان بالعيـن الرمـد
يالمعتني صل لي إلى الدمام وإنشد مـن ولـد =في حي سكيكو حطو العزبة على عـد وعـدد
وإن كنت با تغلط أكبر عزبـه شفهـا عـدد =من كبرها تشطير فرّقهـا ولا كـن مـا بعـد
إنشد على راشد شف صوته يقـد البيـت قـد =راشد غصيني من نسول أوعال رابي في الريّد
يردع ويعبر في محاجي يـوم مـارده مـرد =ينسى ويتجاهـل بقـول الـرد دايـم بالعمـد
ذا مؤجز أول راح والثاني علـى بابـك ورد =يش الخبر ياصاحبي مليت مـن دنيـا النكـد
وينـك ويـن أقـوال مـا نسمـع شـي ردد =ولا معـك حالـه نفسيـه وتخفـي يـا سنـد
بسئلك وإنته شيخ بل دكتور توفي مـن قصـد =بسئلك عن حالات في العالم ومن ربي المـدد
دجله ذهب قالوا وإبـن الخواجـه فـي سعـد =عبى له الأكياس وبـا ينفـش ذيلـه بالمهـد
وعاده يبا العاصي وبعد النيل يسردهـا سـرد =راعه تشل إبليس جاب الخوف لأبطال العنـد
الزير متكبّر ويتعمـد علـى الحـارث عمـد =لما جاء له يوم حط الحِمل فـي مـاه الركـد
والحارث إلا شيخ شيبه مـا يقـارن بالولـد =وفرسان جم راحوا وفي الساحه قِله من صمد
طوفان جارف با يشل أخيولهم هـي والمشـد =وذا مؤجز الديره يا راشـد صاحبـك أنكبـد
خرجت في شهريـن عـوده وزيـاره للبلـد =وحصلت فرق القوف والسرحان وعيال الأسد
ولعاد لها قائد يسـر الحـال حالـه والعمـد =وضباع تتباطر وتتمهطر علـى ولـد الأسـد
والثعل والقنفود والفخسوس ترهـش عالسـدد =ذا وضع مؤلم يا صديقي حل نبغاء لـه يجـد
معاد تأمـن لا تبيّـت ضبـع لا دارك تهـد =والختم صلوا عالنبي أعداد ما الراعـد رعـد
وأعداد ما الأفلاك في الأبحار مرفوعـة بنـد =عالهاشمي صلوا رسـول الله الفـرد الصمـد