نيران وسط الجوف تلهب بالحشى* والشوق هز القلب مابين الجنوب

[بوطارق]

أبديت بك يافرد عالي في السماء=ياحي ياقيوم علام الغيوب
مابدعي غيرك عسى تغفر لنا=يااللة عسى عفوك وغفران الذنوب
عسى تجازينا بخير اعمالنا = عالم بضاهرنا وماتخفى القلوب
تقبل دعانا ماتخيب آمالنا=انت لوحدك مالنا غيرك يدوب
ياهاجسي وشفيك ملقي هكذا = ماهي كذا عادتك مانت مثل دوب
هتلي خبارك والحقائق كلها= واهرج لنا بالصدق ماحب الكذوب
الكذب عمرة مايبلغك المنى=قايس تقهقر لاتدحرج لي صلوب
خلك من اهل الصدق واصحاب الوفاء=مايكتمل انسان خالي من العيوب
قدها مقالة صدق من قالها=مايمتلي مصرا بلقاط الحبوب
أحذر من الدنيا يغروك اهلها=ذيهم على الميراد بيحطون طوب
لاتخلي الشيطان يدخل بيننا=تلقاة لك واقف على كل الدروب
ياكم وكم قاسيت انا من وقتنا=من جور هذا الوقت قد راسي شيوب
ذى فصل والثاني فتح باب الهوى= والباب ذا قفلة من جور الهبوب
نيران وسط الجوف تلهب بالحشى= والشوق هز القلب مابين الجنوب
كم لي وانا تعبان ماذقت الهناء=ولاعاد ذوق العيش والعضمان شوب
قلبي يحن مثل العذيبي عالجناء=تلقاة بالباكر يزوع بالعلوب
اما لبو في الجبح يدرج عالبناء=والنوب في مبناة بيصب الطنوب
فية الشفاء للناس مامثلة دواء= لو كان هو موجود مبغيت الحبوب
ولايفوتك صفو او ساعة سلاء= ماحد على الدنيا مخلد بايدوب
لاماسمعت الدان واصوات الغناء=رعشة تجي في الجسم وتزيد الضروب
قم يالمعنى بالرسالة شلها=لاتلتهي لليل من قبل الغروب
هذة تحياتي ولاباخص بها=بلغ سلامي لة من اعماق القلوب
من يستمع او كان فيها قد قراء= مني عددماوراق تنبت في العلوب
والختم صلواعلى الحبيب المصطفى= ذي دائماًذكرة على الخاطر يلوب