ذي خلّت الثعلب على راس النمر يلطم لطيم \\ موجه للشاعر طالب باتيس النعماني

[يسلم صالح بن عكعوك]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

اعذروني على الغياب الطويل لان عندي ضروف خارج ارادتي
وهذا القصيده موجه للشاعر الكبير طالب بن حسن النعماني

من عبر لنترنت باوجه رساله عاجله = لاعند بن بلخير فالشرقي يرحب بالحشيم
ودي سلامي له ومن عنده رجال الطايله = ماسرّحت عليا وماعدا في الوادي هميم
اهل الشروع الوافيه ذي يلحقون الجافله = ومكرمين الضيف لاجاهم في الليل البهيم
ودي سمرهم باتعرف عالقروم الباسله = وان عاد حد شيبان من ذي يطرحوها فالصميم
شوقي لهم شوق الجرامل للمقوب ترسله = لمست كما الخانات مابين المطالب والغريم
راحو من الدنيا ولفتهم عصور(ن) زايله= راحو ولا باقي سوا الا ذكرهم مكسب عضيم
وبعد ذا قولو لطالب والنبي ماجامله = حتى ولانا حب طالب عندي الليله خصيم
جا للزياره عندنا وقعت زياره شامله = وانا نسيني راح لاصحاب المشالح والعميم
هو ضيف في الديره ويعزمني عزومه كامله = يبغاني اتعشى معه ومضيّفه جاهل غشيم
الذيب عزت نفس عنده مايجي للحاصله = حتى وهو جيعان في راس الجبل ينهم نهيم
للعز في غار النمر عندي تقول الفاضله = بصبر على خوفي ولا بلهون في قصرن نعيم
والله لا باظل خيمه والشرف فالقايله = وان عندي الرمضه دوا تشفيني القلب السقيم
الله بايكفاش يادنيا دنيّه جاهله = ذي خلّت الثعلب على راس النمر يلطم لطيم
حبيت وضحلك ودرسلك دروس الحاصله = حتى ولو مانا معلم فاهم المنهج فهيم
وانته مثقف ولد شاعر له مواقف فاعله = والصدق عنده والنقا مايتبع ابليس الرجيم
بو راضي الصمصوم ماهو من جماعه فاشله = مايتبع الكاذب وللقاصر على القصره يشيم
يرضيك بو صالح يدن راسه لحجه زايله = الحصن بايغلب ويمكن ينهدم غلبه هديم
وصوني الشيبان قالو لا تجي في خامله = ولا تساير كل من يغزل من الصوفه بريم
ولا تمدح شخص لك بالمدح مطلب تاصله = والرزق ذي مقسوم لك في عهدت الفرد الكريم
قولو لبو راضي ترا رجلي مريضه عاطله = وان شي دوا عندك يجد باشر ترا عضمي سقيم
حاولت في حاولت غافل وانت عادك حاوله = قد ربما يسمع كلامك لا نشمته يستقيم
مانا شطح عني لاني ماعرفت اتحايله = عقولنا متخالفه بين الحداثه والقديم
ان جيت باخليه قلبي يستعر من داخله = اتقول حد يقلاه في مقلى على نارن هشيم
غشيم عاده ماعرف للبارحه والقابله = ولعاد يبغاني خوي اخوته قدهم بالقصيم
لابد ياتي يوم يعرف موقفي من باطله = ويعرف اني ناصحنله مثل لقمان الحكيم
وانا بدوري منتظر للرد منك ترسله = واحذر من الشطحه تراني بسالك في سين جيم
وان جيت جمب الخط قدني بعتبرها مهزله = وانته من اهل الصدق ماعدك يريمي من يريم
لاقلتها كلمه صراحه يازعيم القبوله = قسمت بني ناشد المحضار فالغنا تريم
يدون اشعارك وتبقى في سجله امسجله = تستاهل الناموس ياباتيس يالراس الحشيم
ختمتها ابسورة الرحمن ذي هي منزله = عالمصطفى اترنم بها مابين زمزم والحطيم

يسلم صالح بن عكعوك بن غانم


19 \ 1 \ 2010م

[علي فدعق الهاشمي]

ياحياك الله ياعم يسلم قصيدة رااائعة وشهادتي فيك مجروحه باِنتظار الرد من شاعرنا بو راضـــــــي لك التحية

[عمر الذيب]

اهلا وسهلا ومرحبا
انست وارحبت يابن عكعوك والله لك وحشه على قول اخواننا المصريين
المهم الحمد لله على السلامه
اما القصيده معد تحتاج كلام
يكفي انها موقعه بهذا الاسم
يسلم صالح بن عكعوك اسم لامع في عالم الشعر
لك كل التحيه على ماصاغ فكرك وخط قلمك
وبانتظار الرد من بو راضي
عمر الذيب

[ماجد العمودي]

كــــلام يا بو صالــــح كـــــــــلام
لله درك مـن شاعـــر كبيـــر وقديــــــر

تقــبل مـــروري يا بــن عكعــــــوك
ونشوف رد بو راضــــــــي

[صرخة جنوبي]

يشهد الله بأنك شاعر من الأوائل.....والكلام الي قلته يلين جبل....ومن مفهومي إنك أصيل وربنا يعطيك على قدر نيتك..تحياتي

[سالم السقاف]

قصيدة جميله من شاعر جميل

في انتظار رد الشاعر طالب النعماني

دمتم بحفظ الرحمن

[سيف رخيه]

صح لسانك (شاعر بني ظنه ) مثل ماتعودناك نجم ساطع في سمأ الشعر تسلم يابوصالح (اتمنأ لك كل السعاده والعافيه وطول العمر وفي انتضار الشاعر $ابوراضي باتيس $تقبل مروري

[العائد1]

[FONT="Arial"]

الله بايكـفـاش يادنـيـا دنـيّـه جاهـلـه
ذي خلّت الثعلب على راس النمر يلطـم لطيـم[

/FONT]

صح لسانك قصيده معاد تحناج وتسلم با يوصالح

تحباتي

اخوك العائد1

[الواقعي]

اقتباس : المشاركة الأصلية كتبت بواسطة يسلم صالح بن عكعوك [ مشاهدة المشاركة ]

بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين اعذروني على الغياب الطويل لان عندي ضروف خارج ارادتي وهذا القصيده موجه للشاعر الكبير طالب بن حسن النعماني والله لا باظل خيمه والشرف فالقايله = وان عندي الرمضه دوا تشفيني القلب السقيم يسلم صالح بن عكعوك بن غانم 19 \ 1 \ 2010م

الله اكبر الله اكبر
بعقل وقلب واحساس تأملو هذا البيت
لله درك

يا مشرفين اذ هذا المستوى من الابداع ما يستحق التثبيت
يا قلب لا تحزن

[مسرور]

جا للزياره عندنا وقعـت زياره شامله = وانا نسيني راح لاصحاب المشالـح والعميـم
هو ضيف في الديره ويعزمني عزومه كاملـه =يبغاني اتعشى معه ومضيّفـه جاهـل غشيـم

@@@@@@@@@@@@@@@@@@@@@@@@@@@@@@@@@@@@@@@@@@@@@

الله بايكفاش يادنـيـا دنيّه جاهـله = ذي خلّت الثعلب على راس النمر يلطم لطيم

@@@@@@@@@@@@@@@@@@@@@@@@@@@@@@@@@@@@@@@@@@@@@

قولو لبو راضي ترا رجلي مريضه عاطله = وان شي دوا عندك يجد باشر ترا عضمي سقيم
حاولت في حاولت غافل وانت عـادك حاولـه = قد ربما يسمع كلامـك لا نشمته يستقيم
مانا شطح عني لانـي ماعرفـت اتحايلـه = عقولنـا متخالفـه بيـن الحداثه والقديم
ان جيت باخليه قلبـي يستعـر مـن داخلـه = اتقول حد يقلاه في مقلى علـى نارن هشيم
غشيـم عاده ماعـرف للبارحه والقابلـه = ولعاد يبغاني خوي اخوتـه قدهم بالقصيم
لابد ياتي يـوم يعـرف موقفي مـن باطلـه = ويعرف اني ناصحنلـه مثـل لقمان الحكيم
وانـا بـدوري منتظـر للرد منـك ترسله =واحذر من الشطحه تراني بسالك في سين جيم
وان جيت جمب الخط قدني بعتبرهـا مهزله = وانته من اهل الصدق ماعدك يريمي من يريم

طالب باتيس النعماني

أنت مطالب بتوضيح وفتوى .... التوضيــــح لن يكون سهلا ويسيرا .... أما الفتوى فهي لا تخرج عن حدود الرد على المشاكاة .


لا حظ ياسيدي التحذيـــــــر



إن جيت جنب الخط قده بايعتبرها مهزله ويعقبه الإقرار لك بالنباهة والصدق ..... وانته من أهل الصدق ما يعدك يريمي من يريم ...... لقد أحاط بك الرجل من كل الجهات فماذا أنت قائل ؟


جائزتك ستكون :

لاقلتهـا كلمه صراحـه يازعيـم القبوله =قسمت بني ناشـد المحضار فالغنا تريم
يدون اشعارك وتبقـى فـي سجله امسجلـه = تستاهل الناموس ياباتيس يالـراس الحشيـم

سننتظر الرد على أحر من الجمر



سلام .