مساجلات الزامــــل الشعبي

[باكعيكعوه]

ماهو مسلسل رأفت الهجان =ولافتح ابواب سمسم
والا حكاية كان ياماكان =او مسرحية عادل ادهم
الزامل الشعبي يقع له شان =ع حسب مانسمع ونعلم
لكن جوله شوفهم شبان=يقصد وهو لطعه ملجم
ياجاء مقرح فيه ياخرمان=وإن قلت له غلطان صمم
ومعه نسم من قائد الأركان =لو ما معه مابيتنسم

يقصد وهو لطعه ملجم (اقصد هنا مليان قات ولم يستطيع النطق الصحيح )
كلمة( مقرح ) بنشديد (ر) خاصه بالمخزنين وعلى ما اعتقد انه لما يكون في غاية الأنتعلش بالقات
حفظنا الله والقارئ منه ومن شره

[باكعيكعوه]

اسمحولي افصل عن اذنكم واذا كان عدكم معكم شي كلام على الفصل السابق كملوا واعيدوا فصلي فيما بعد

علموك الدلع ياسعد قومك وربعك =وأنكشف امرهم بين الجموع الغفيره
ونت ماكان ذا دلك ولا كان طبعك =كنت كل يوم تعرض في نيوز الجزيره
ونته إ لا ذكي دايم بعقلك وسمعك =ايش خلاك تدخل في مسائل خطيره
لو تبصرت من اول معد سال دمعك =ع خدودك ولاجات المصيبه كبيره

ارجو المعذره عن اي خلل املائي وارجو ان يجبر القاري اي كسر اذا اختلفت طريقة القراءه

[عبدالله الجعيدي]

لي يخرج الكلمة بلا حسبان = يزعل على نفسه ويندم
ويبات من فوق الوقا سهران=عينه من الغفوات تحرم
من لا عرف شعبان من رمضان = بعطيه ما يوجب ويلزم
كل البشر تكسب وهو خسران = امي وجاهل ما تعلم
نشرته هملهن في الخليان=لي ما معه فالغار محزم
شق جوع قد ماتن وشق سرحان=يسري لهن فالليل لظلم
بندقه ناره مالها دخان = لا ما قصر نذخه تقدم
لي حاسب انه للادب عنوان = كل ما بغا يكبر تقزم
هاجس معي لو شاف حد غلطان = قرر على مسحه وصمم

[عبدالله الجعيدي]

[QUOTE=باكعيكعوه]

علموك الدلع ياسعد قومك وربعك =وأنكشف امرهم بين الجموع الغفيره
ونت ماكان ذا دلك ولا كان طبعك =كنت كل يوم تعرض في نيوز الجزيره
ونته إ لا ذكي دايم بعقلك وسمعك =ايش خلاك تدخل في مسائل خطيره
لو تبصرت من اول معد سال دمعك =ع خدودك ولاجات المصيبه كبيره

هزني ياصليب الراس طرحك وجمعك = فالبيوت الزيان الكاملات الغزيرة
بعد ذا الهرج ما بسمح بردعك وقمعك = من قبلّ ناس جم ما عندهم شي بصيرة

[جمال العطاس]

اقتباس : المشاركة الأصلية كتبت بواسطة باكعيكعوه

اسمحولي افصل عن اذنكم واذا كان عدكم معكم شي كلام على الفصل السابق كملوا واعيدوا فصلي فيما بعد علموك الدلع ياسعد قومك وربعك =وأنكشف امرهم بين الجموع الغفيره ونت ماكان ذا دلك ولا كان طبعك =كنت كل يوم تعرض في نيوز الجزيره ونته إ لا ذكي دايم بعقلك وسمعك =ايش خلاك تدخل في مسائل خطيره لو تبصرت من اول معد سال دمعك =ع خدودك ولاجات المصيبه كبيره ارجو المعذره عن اي خلل املائي وارجو ان يجبر القاري اي كسر اذا اختلفت طريقة القراءه

المدلّع وراه اليوم قد بات يدعك=بعد ماكان فايش كن وسْطه خميره
كلما جاء الى قالودة الشعر عكعك=مافتحها لأنه مقدراته يسيره
ذاك يومه يقلّد في كلامك وسجعك=وأنت ياصاحبي أدري بأنك مديره
أنت وافي ووافي في قوالك وشرعك=والخنا صاحبه يابوك ماحد يجيره

[باكعيكعوه]

[QUOTE=عبدالله الجعيدي]

اقتباس : المشاركة الأصلية كتبت بواسطة باكعيكعوه

علموك الدلع ياسعد قومك وربعك =وأنكشف امرهم بين الجموع الغفيره ونت ماكان ذا دلك ولا كان طبعك =كنت كل يوم تعرض في نيوز الجزيره ونته إ لا ذكي دايم بعقلك وسمعك =ايش خلاك تدخل في مسائل خطيره لو تبصرت من اول معد سال دمعك =ع خدودك ولاجات المصيبه كبيره هزني ياصليب الراس طرحك وجمعك = فالبيوت الزيان الكاملات الغزيرة بعد ذا الهرج ما بسمح بردعك وقمعك = من قبل ناس جم ما عندهم شي بصيرة

يحتمك ياصليب الرأس اصلك وشرعك =من زمن قدك في يدك خطام القطيره
والمفاتيح ذي عندي مع ذاهي امعك = بالمهمه تراها يارفيقي جديره
والذي ماطعم نبعي ولا ذاق نبعك = قال هذا شوي زايد وهذه قصيره
عانه الله عالطمي وكفك وصقعك =والطرق نعرف السهله وذاهي عسيره

[باكعيكعوه]

اقتباس : المشاركة الأصلية كتبت بواسطة جمال العطاس

المدلّع وراه اليوم قد بات يدعك=بعد ماكان فايش كن وسْطه خميره كلما جاء الى قالودة الشعر عكعك=مافتحها لأنه مقدراته يسيره ذاك يومه يقلّد في كلامك وسجعك=وأنت ياصاحبي أدري بأنك مديره أنت وافي ووافي في قوالك وشرعك=والخنا صاحبه يابوك ماحد يجيره

ذه شهاده معي منك وفي الشعر ورعك = عادني مابلغت الرشد عاد المسيره
مبعده عادها بامشي على نور شمعك =والمصابيح لما رأس وادي حويره
والذي قال ناشاعر بشعره تعكعك=بعدما راح من عند الذي يستشيره
قال له ليش لك تعور عيونك بصبعك =لاتعارض جبل شمسان ياحيد صيره

[البكري]

بافتح لا سمعت على الباب قرعك = قبل تدخل عطرك قد شميت عبيره
يهناك ياالكعكعي لاقدزاد جمعك = بذا الجمع بابات وعيني قريره
فقع عالطار كلين بايسمع لفقعك = حويت الفن كله في مده قصيره

[طالب النعماني]

اقتباس : المشاركة الأصلية كتبت بواسطة عبدالله الجعيدي

لي يخرج الكلمة بلا حسبان = يزعل على نفسه ويندم ويبات من فوق الوقا سهران=عينه من الغفوات تحرم من لا عرف شعبان من رمضان = بعطيه ما يوجب ويلزم كل البشر تكسب وهو خسران = امي وجاهل ما تعلم نشرته هملهن في الخليان=لي ما معه فالغار محزم شق جوع قد ماتن وشق سرحان=يسري لهن فالليل لظلم بندقه ناره مالها دخان = لا ما قصر نذخه تقدم لي حاسب انه للادب عنوان = كل ما بغا يكبر تقزم هاجس معي لو شاف حد غلطان = قرر على مسحه وصمم

ياهاجسي لاتقفل البيبان=لهل الوفاء قدر وحشم
وادي قظاعه مطرح الرميان=ذي يعاملوا الباروت لدهم
وابن الجعيدي ركن من لركان=يوزن كلامه لاتكلم
من زام جده لاطم الفردان=مافيه شي مكلم ومفهم
واحنا معه لاقد بدا له شان=ماحد من العكرات يهتم
واللي يقول انه معه برهان=دجال ومشعوذ ومجرم
نحنا قبائل لكرم الطرشان=كلن بناموسه مكرم
واما الطلب ذي هم مع الوديان=كلن بهم يدري ويعلم
قل للجعيدي ناصح الغشمان=ذي هرجهم ماهو محزم
مايليق بي قاصد مع هبلان=شفني مقدم بن مقدم
وين العمودي مقصع العمدان=والمخشني الذيب لشهم
وابن الوزيري نسل بن عثمان=يوقف معك بروح والدم
واعيال فدعق جدهم قد كان=يامر في ابلاده ويحكم

[محمد سعيد بن مخاشن]

اقتباس : المشاركة الأصلية كتبت بواسطة مسرور

أنا من اكتسب شرف المرور على مساجلات الزامل لشعراء السقيفة . وفقا للأعراف القبلية السائدة في بلادنا فإن تفاخر المتزمل بنفسه وببني قومه وارتقائه بهم إلى عنان السماء لا يعطيه الحق بالمقابل في الحط من شان الآخرين أو التقليل من مكانتهم واحتقارهم . لاحظت أن الغازي والمخشني قد نحيا هذا المنحى . نرجو التفضل بإصلاح العطل الواضح في شوكة الميزان التي غدت تعكس الأوزان ( الحقوق محفوظة للشاعر المحضار يرحمه الله ) سلام .

يامسرور دام سرورك...

سؤال واحد فقط أجب عليه على الشاشة هناوهو: إبتداءًا من أي صفحة لاحظت أنني أنا والغازي قد نحونا نحو التنابذ ... إلخ؟ إرجع بالراجع إلى الوراء حتى تصل إلى صفحة رقم ( 1 ) لترى من بدأ بتدحيق العمل ورد لي خبر.

محمد بن سعيــد بن مخــاشــن