السقيفه من الالف الى الياء

[سبع الليل]

[poet font="Simplified Arabic,4,indigo,bold ,normal" bkcolor="" bkimage="http://www.alshibami.net/saqifa//backgrounds/10.gif" border="solid,2,deeppink" type=0 line=200% align=center use=sp char="" num="0,black"]
أ-أول شي صلات الله على الهـادي= محمد عدماطلعت مخيله وأمطرت
ب-بشارت خير عالمسيال والــوادي= بأمـر الله لادارت سحابه بشـرت
ت-تهانينا لرواد السقيفه عالاجتهادي= وبجهــودهم كـــل المـواقع نـورت
ث-ثبت كل ماتمنيناه وحققنا المرادي= كل الفخر للمشرف جهوده أثمرت
ج-جمع مابيننا وحد صفوفه والايــادي= عقـيل لي خلا الشـباب أطـورت
ح-حدث تاريخي وموقع يفيد العبادي=في موقع شبام الصحافه أنشرت
خ-خذمايفيدك عندهم حسن الافادي =اوبالبريداتصل تلقىالخواطرتجبرت
د-دلوك عالموقع وفتحوا لك لعتمادي= وفي ظرف لحظه المطالب تحضرت
ذ-ذهب أصــلي يـنادي به المــنادي =عقيل ومحمدلي خلوبلادي اطورت
ر-رضيناوبالرضاءلي بيننا سادالودادي =وبعاونهم معانا كل شجره خضرت
ز-زيادة خير لقيت العلم شربي وزادي =في بحوره سفينتنا شبام أبحرت
س-سني مرت في ظروف لنحيادي = بين التخلف والتقدم البلادأدهورت
ش-شهدواعلى ماحصل في بلادي =من مأسي على اليتامى تكاثرت
ص-صبرناعلى الماضي وجورالاعادي =ولازلنا نعاني من حكومه تجمهرت
ض-ضعنابين بوزايد ومكسور العضادي =ولعادبانقدرنبتّي في حبال ازرزرت
ط-طبايع في نفوس الناس ولكبادي =تجري في دماهم بالعروق تبلورت
ظ-ظهور المبعده نورعلينا يوم لعيادي =ويوم النصر والفرحه غصونه ازهرت
ع-علىالله توكلنا وبانطلبك يالـبادي =عظيم الشان بتقديره وبامره جرت
غ-غزر لبحار ولنهار العميقه والعتادي =وخرت الروس الكبيره بالتراب تعفرت
ف-فــرق مابين العـمايم والــروادي =والسيوف الهندوانيه ذاالزمن تكسرت
ق-قنع ولاتركن على عنتر وشدادي =ياما ناس من بعد المصالح دبرت
ك-كفى هاتــوا لنا مخلوق سدادي =يبرد عالخواطر والنفوس لاتكدرت
ل-لزوم الوقت يتغيربعشراته والاحادي =وكم من جيل فتح قنواتها لاتشفرت
م-مريرالقوت باحسه لالاقيت حسادي =والحاسدعيونه في غرضها تفجرت
ن-نواياهم خبيثه هذا شعب حقادي =قلوب الناس لاعــافت علينا تكبرت
ه-هلاله ضاع وتجاوز في الدنيا بلبعادي =وأهل المرقعيه بالعــذارأتعـذرت
و-وشايه لاتصدقها دويله قبل ميلادي =لها خمسين سنه لليوم ماتصدرت
ي-يويّد قــع نصـــيحه قالوا جـدادي =وعالنبي صلوا عدماكواكب دورت
[/poet]

[الشبامي]

قصيده في قمة الروعه ياسبع الليل
ومشكور من الأعماق على الكلمات الجميله
وفعلا مثل مايقولون مايبطي السيل الا من كبره فأنقطاعك عن سقيفتك اتى لنا بهذه التحفه الجميله
لاتقطع السقيفه من قصائدك الرائعه ايها السبع
وتقبل تحيات
اخيك
الشبامي

[سالم محمد بلفقيه ((الشرقاوي))]

صح لسانك سبع الليل وقصيده جميله جدا ومعانيها واضحه
وربنا يعين ويصلح الامور والصبر زين وعقبه عسى ان نشرب
من الحالي ((الحلو)) 0

والفرج يأتي بعد شده وانت افهم مني ياسبع0

ربنا لايحرمنا من قصايدك الرائعه0

سلامنا لاهل الاحساء طيبين الارواح 0