مساجلات الزامــــل الشعبي

[محمد سعيد بن مخاشن]

بو صقر ليه أبطى وكنـّــه ما إستهل
الضرب لا ذا الحين عقـْــطيع الوعول؟

شايب في السبعين لكنـّــه حَـقـَــل
يسواه كم من شاب يتفوّه كسول

[سبع الليل]

بوصقر يابوصقر هل عاد شي أمل=بايزهر البستان لي جاه الذبول
الطير لا برّح ولا هولي استقل=وحصان بوكندان في الجربه يصول

[محمد سعيد بن مخاشن]

اقتباس : المشاركة الأصلية كتبت بواسطة بانصيب [ مشاهدة المشاركة ]

من ساير الجاويد ماتهاون وذل = والعيب كل العيب في راس الفسول يابن حسن صيتك الى اعلى وصل = مابيننا معروف يازين الاصول

يا با نصيب أرحبت يا الهشم الجبل
قد لي زمان إسأل على شبل الشبول

وأرسلت لك بالخاص دبّلته دبل
مكتوب لك لكن تعثـّـر في الوصول

[ابو صقر..]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

بو صقر ليه أبطى وكنـّــه ما إستهل الضرب لا ذا الحين عقـْــطيع الوعول؟ شايب في السبعين لكنـّــه حَـقـَــل يسواه كم من شاب يتفوّه كسول

يالمخشني صاحبي ماشفته قبل=بوناصر الشاعر وتعرف مايقول
لا قد توصل لا العضيده باوصل=بندق نباْ بيجيبني ولا رسول

[الواثق بالله]

العفو لا قصرت واللا شي زلل=يالمخشني شف كل شاعر بايقول
وان كان قد زليت ذي شوع وهل= قد زل عامرساه واحنا بانزول

[سبع الليل]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

العفو لا قصرت واللا شي زلل=يالمخشني شف كل شاعر بايقول وان كان قد زليت ذي شوع وهل= قد زل عامرساه واحنا بانزول

الادمي من قام عمره ماكتمل=البار عالنيه وتحسين الدخول
وان شي قصر بتبدله باحسن بدل=انت لها يابورجاجيل الفحول

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

بوصقر يابوصقر هل عاد شي أمل=بايزهر البستان لي جاه الذبول الطير لا برّح ولا هولي استقل=وحصان بوكندان في الجربه يصول

حصان بن كندان دايخ لو صهل
يصول في الجربه ولكن به كلول

ما تدري ألاّ قد تقلفع وإزتقل
ما دامه إتربى على خس الدلول

[محمد سعيد بن مخاشن]

قال المأذن ( حي على خير العمل )
وبعدها شفناه يمضغ تامبول

وإللي وعدني بالعسل جاب البصل
والقدر حق مندي ولكن فيه فول

[محمد سعيد بن مخاشن]

تصبحـون علــــــى خيــــــــــــــر

[طالب النعماني]

وانته من اهل الخير