>>>>> حـبـيـبــي - إهـــدى <<<<<

[ابوهاني1]

>>>>> حــبـيـبــي <<<<<

حـبـيـبـي يـا ثـقـل دم اللـقافـه واسـمها الـكاتـم =عـلى انـفـاس الــتـواضـع والأدب والـذوق وبـحـوره
ويـاشـيـن الـكـلام ان كان فعـلـه جايـر وظـالـم =ما غـيــر إنـدج بـه مـن غـيـر ما نــفـهـم بـدسـتـوره
انا مليت من كـثـر الــشكوك وجـوهـا الغـايـم =وصـرت اشـك بـعـض احـيـان في عقلي وفي شوره
وكثر الـزن سـبـب لـي بـلاوي وهـمها عـايـم =وخـرّج صـادق الإحـسـاس مـن مـوده ومـن طـوره
وتـرا شـكـكـتـني في شي اسـمه ود وتـفاهـم =خـلاص ارحـم مـشاعـر ارتـسـم في عمقها صـوره
جـميـلـه نـادره حـلـوه مافـي منـها بهالعـالـم=ونـا بـالــذات لا يــمـكــن اراهـا غـيـر محــفــوره
بقلبي بالحشاء بإحساس فـيها ذايب وهـايـم=بـعـمـري بـأجـمل اوقاته وبحلا صـمت وشـعـوره
حبيبي تدري ان الـهـرج لا زل حـده الـقايـم =عـلـى الـمعـقول يـصـبح هرج فاضي منتهي دوره
ما غير يشعلل الفتنه ويحيي شـرها الـنايـم =ويـتـجـراء عـلـى الأخـلاق بـحـكـايات محـضـوره
حبيبي والزعل ممنوع امرٍ(ن)نافذ وحاسم=لأن الـدنـيـا مـا تــسـوى دقـيـقـة هـم مـكــسـوره
ويـكفيك ان لي خفاق لـيل إنـهار بك حالـم =وانـا يـكـفـيـني اني صـرت في خـفـاقك اسـطوره
احبك واعشقك واموت في تفكيرك الحالم=عـلـى أطـلال الـظـنـون اللي تسبب دوم بـذعـوره
حبيبي يا عسى دايم تكون برفـقتي سالـم=وتـفضـل سـيـد الـذوق الـرفـيع وقـائـد إحـضـوره
وعسانا بالوفاء نصبح كناري لحنها والم=صـداهـا يـطـربــك كِـنـه عـبـيــر اقـوال مـأثـوره
ترفع عن ظنون السؤ وارمي بُعدها الآثم=تـراها تـقـتـل الإخلاص دوم وتـنـسـف إجـسـوره
وأعطيني الرِضى من دون غيره او جزع دايم =وانا اعـطـيـك الـغـلا كِـلـه وصافي الود وزهـوره
ونجعل من محـبـتـنـا نموذج طيب مسالم =اسـاسـاتـه مـشـاعـرنـا بـروح الـحـب مـعــمـوره
وفي الآخر ترا رب القلوب بكل شي عالم = يحـاسب كل من جـاوز حـدوده واضـمحـل نـوره

تحياتي / ابوهــــاني