02-23-2005, 03:58 PM | #1 | |||||
حال متالّق
|
قصيده بن عبدات بعد الوحده علا طول
يا من بتقديرك تجنبا المصايب وسبب***يارب سالك لادعاك العب منه تستجيب
والفي صلاه على احمدعد ما محبوب حب*** الله يتكفاه كل من لايصلي على الحبيب والال والاصحابه في الميدان ياساحب سحب*** كل ما سقط كافر على بطنه يسحبونه سحيب سلام لك يابيت لي ساسك مسوس عالصلب*** مولاك له كلمه صليبه تكسر العضم الصليب تحتك خضيره راويه سيلك من المعيان صب***واسقا جبوح النوب ذي تلقي عسل صافي صبيب واسلام عاقريه نويره خلت المبعد قرب***في شانها خليت وادي بن على يرجع قريب من بن عبدات والغرفه تحافض على النسب***مابا نفرط فا لنسابه بخت من فيها نسيب من زام دق يانوس موسمها حميمه مصطرب***وايام صرب المال ماقدرويصربونه صريب ذا فصل رشنت نار والحداد شب الكير شب***الاخبارلي ماباتصلني جابها لي بن شبيب الوقت ذامقلوب كل ساعه على لون انقلب***شامير صاع الناس ملقي فاقره في تل ابيب يوم استقالت تاتشر مافستقالتها عجب***حسبت حساب من قبل مايدرج بها الموج العجيب والبدو ذي في شعب دوعن جالو اليماشعب جب***جابو غنم واكباش ذي هم ماء يحسبون المجيب بايوعدو العرس في شعبان ولا في رجب***العام لول في يانير قد لقو واجب وجيب واليوم جاء مايو فرحنا به وقلنا النود هب*** وبعدها بايام صاعوها ونهبوها تهيب لما متى نشكي من الرشوه ومن شغل الحطب***الشعب كله مرتشي حتى المهندس والطبيب وعاد خصله ثانيه لابت مسافر وغترب***يرجع بشوه من حرض لمان عبدالله غريب هذا سببه القات صاع اهل المغاني والطرب***لى على الكرسي يوكلون الا من الغصن الرطيب والفاليوم والخمر في الاسواق ياشارب شرب***والنهب والسرقات من لي يشربونه شريب والمشكله منغوليا ذي حبلها رم ونقطب***عيالها لشعهم الحصبه وقد فيهم قطيب حكامها الاثنين مره بايمرون الغبب***والعذرماشي عذر لازم راس واحد بايغب ركبو في السنبوك والسنبوك وقع في مطب***ان قلت بعد وان قلت قرب ما بينهم ما بايطيب اثنينهم مره عاى مذهب مقاطيع الحقب***واحد ملازم من عيال ابليس والثاني نقيب نصبو لنا واحنا على نيه طمرنا في النصب***وفي البدايه ماحسبنا يسر با يتبع نصيب قلنا عيال اعمام بايعطونها حسب الطلب***لكن كل من ساير السارق يقع سارق لبيب وسعيد ساير سعد وادخل في عصابه بو لهب***وبع صاعوها وخلو نارها تلهب لهيب لكن لهيب النار با يوكل حطبها والقصب***ولعاد شي حل غير هذا المقدر والنصيب وعاد حجه باتقع بين الجانب العرب***الله يكفاكم مصيبه امرها كله مريب قالو حدود الهند فيها نفط وخنادق ذهب***بن الشراقي والقبالي ذيب بايوكله ذيب والراهده فيها القبايل لي يشلون السلب***كل من تسلب بافينه بايردونه سليب حافظ على ضرع المنيحه لي لبنها محتلب***يبست على دور السنه ولعاد درت بالحليب والليل يالشعار حت اليف كله والكرب***يطلع لها كل من يباء القرع المحزق والربيب |
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
جميع حلقات رحلة القبائل الناقلة إلى حضرموت في موضوع واحد | الحضرمي التريمي | تاريخ وتراث | 12 | 09-07-2017 11:03 AM |
جميع حلقات رحلة القبائل الناقلة إلى حضرموت في موضوع واحد | الحضرمي التريمي | سقيفـــــــــة التمـــــيّز | 1 | 04-20-2011 01:52 AM |
هل تتلاقي أرواح الأحياء وأرواح الأموات أم لا | الشباميين | سقيفة الحوار الإسلامي | 2 | 01-13-2011 05:41 PM |
الحضارم السلفيون | ابوسعدالنشوندلي | سقيفة إسلاميات | 0 | 12-12-2010 02:24 PM |
الجنوب الجديد (66 سؤال وجواب) للجنوبي / علي هيثم الغريب، | حد من الوادي | سقيفة الأخبار السياسيه | 0 | 10-29-2010 12:35 AM |
|