الواثق بالله وبلعور بدع وجواب الثلاثاء

**الواثق بالله** · 03-29-2011, 09:24 PM


	اخواني في سقيفة الشبامي اليكم هذا البدع والجواب الذي كان بيني وبين الاخ بدر بلعور اليوم الثلاثا 24-4-1432هجريه بدع الواثق بالله النوب ذي قيد مكانه مافرق=وابوته تتصايح وفي جبحه تزوم والعلب فيه الغصن زاجي والورق=وذا السنه ماضنها تقفي بلوم بلعور انته من اول ماتجيب اللا القلق=ولاتصلي فرض وايضا ماتصوم يعجبك صوت البوم لاسمعته نعق=واهل التطير بايقولوا صوت شوم بلعور ماطبك الا ذا السلاسل والحلق=من شان بالسلا المشاكل والهموم لكن في الدنيا يقع باطل وحق=وابليس قد حضرت له ضرسين ثوم الواثق بالله خل الشحن والعتوره هي والحنق=وقد كسرت الحلي من فوق السنوم قد جيت بالعين الضويه والشفق=وانته ترجم بالحصاء هي والرزوم بلعور جوكرك خليته بيدك واحترق=لو باتصل عند الثرياء والنجوم مابايقع لك تمر من سيلة عنق=مسوى المسالي والكرب هي والجزوم الواثق بالله الغيث بالقبله وبالمشرق برق=وحول الحراث بالوادي عموم وانته بركت اليوم ياهيج الغرق=ولعاد باتقدر تحرك او تقوم بلعور الهيج بارك للحموله والحلق=والعلو بايشله الى وادي رضوم وان كان حد فزعه نفاض السلق=لايقول ذه رعدان والشاره تعوم بلعور وهمك تبى ترجع الى زام الفرق=لالفوا الموسم يقع خمسه قسوم ولاتشوف الرز في القدر احترق=ياحزن من في الدار ياحزن اللقوم الواثق بالله ذاطست ياصاحبي مامنه مرق=وانته معاين للمقاسم واللحوم ماشي يتمي غضف من بعد السرق=ومن غبيه الشار بايمسي يعوم بلعور صاحبي لو كاذب رفيقك ماصدق=عادك تبى توفاه لاقلت القحوم وانك مع اين الشرخ ذي في الطبق=من دونها كسار بايقع في العظوم الواثق بالله الكذب في صاحبك له عدة طرق=منه نشد اهل المسيله والحموم اتعوذوا منه بطاها والفلق=ياغارة الله لاقد الباطل يدوم بلعور يرقع بجنبه من بايده قد شعق=لايقول غيري بايمدون الرسوم قد كنت في حصنك مقلد بالغلق=واليوم في الصحراء معد تهنا بنوم الواثق بالله رويد بكلامك وبلسانك رفق=مابا تفزعني المحازي والحلوم ناعراف السوقه وعارف من نطق=وذي خرس اسبوع مامنه علوم بلعور انا تعب واشقاءوخرطت العرق=وانته بغيت ارزاق للناس النيوم لكن كيف القي بصكه والحمق=بايهدم المبناء وعاتر بالقدوم الواثق بالله صبرت كن الصبر من كثره دفق=وقلت باتفهم وبعد اليوم يوم لكن ماذلحين دور لك نفق=واللا مهر في البحر لو تعرف تعوم بلعور لاشفت ثعبانك على على راسه دحق=عارف ثعابينك معد فيها سموم وولد بانواس مايهاب الغرق=يعمل مع لاراض ماحدد بسوم الواثق بالله شف ولد بانواس في الزنقه زنق=والطير عاراسه ومن حوله يحوم دارت عليه الدايره من كل شق=ولعاد بايشوف المدينه والتخوم الواثق بالله الفجر قد شوع وبشعاعه شرق=على المدن هي والبوادي والصروم واماطيور اليل تبقى في قلق=وايش بايطفي الجمر والنار الضروم بلعور انته تعاين شهر شوع واختنق=والا تلف لف لك قصب ماله حزوم الدرب متشعب علينا وافترق=والجوا صافي مابلجوا شي غيوم الواثق بالله شف ربنا الخلاق غيره ماخلق=خالق شهب لابليس ملقيها رجوم واحنا مع الشيطان مابالتفق=حتى لاخر يوم والساعه تقوم بلعور ربك خلق لنسان اصله من علق=وان حد مخالف ياضيومه بالضيوم وبليس لاقد جاك يسرح بك نسق=لكن لاتتبعه يومه وجه لوم الواثق بالله لاتتكل عاكل من جنبك صفق=والعاقبه شفها تقع لك بالختوم جرو النمر يحتد من اعيال الوشق=والصقر مايبقى مع البط والرخوم بلعور غلق علينا الزاد ماباقي طلق=وانته حسب به صقر قابض طير بوم وختمها الهادي بنوره ذي شرق=من عند حلان الجبل جنب الجموم