الديوان الملكي لشعراء الشِعر الشعبي .

[ولي العهد]

السلام عليكم ورحمة الله وبركاته

[سبع الليل]

خرج ذا فصل ماظن شي في الوحده أمان= ولا في التغيير حد يقيضك يالكرسي أمين
الحق ضيعناه والباطل ظهره كله وبان=وعاد لي ماهو في الحسبان بكره بايبين
كم من صليب الراس من هذا الخبر وطى ولان=الراضه الراضه وياما روس كثره باتلين

[نجم سهيل]

وصل فصلك يالمري كفو والله

[عيبون]

خروج طاري جونا ضيوف والله

[بن بريك]

السلام عليكم ورحمة الله وبركاته

[نجم سهيل]

القافيه باللام والياء مفصلي=ان كان عندك عقل عوّد للصواب
شغل الدلل ياصاحبي ماهو علي=تاليه باتحرق هدومك والثياب
انا عرف نفسي وقومي مع هلي=والكل يشهد في حضوري والغياب
وعرف خروجي قبل معرف مدخلي=والنوب عا مجناه في روس الشذاب

[طربق بن صرفق]

السلام عليكم ورحمة الله وبركاته

[دقم الدفين]

فصل جديد

ذا فصل يسهيل طالع شوف من حولك=فتّح عيونك سوا واصحى وتم ذاهن
ليتك قبل ماتقول اتشوف وش قولك=الناس تتصيدك في وقتنا الراهن
هت حجتك يبن عمي هي ومدلولك=روّح نشد عالمطوّع هو ويالكاهن
احسب حسابك وشف عرضك مع طولك=انته صغيّر وعظمك يابني واهن

[نجم سهيل]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد ذا فصل يسهيل طالع شوف من حولك=فتّح عيونك سوا واصحى وتم ذاهن ليتك قبل ماتقول اتشوف وش قولك=الناس تتصيدك في وقتنا الراهن هت حجتك يبن عمي هي ومدلولك=روّح نشد عالمطوّع هو ويالكاهن احسب حسابك وشف عرضك مع طولك=انته صغيّر وعظمك يابني واهن

يامرحبا الدقم جانا اليوم مرسولك=جاني ونا منتظر له قاعد امساهن
ياحي بها افصول تعجبني ترى فصولك=لا فرق مابين اولهن واخراهن
يالدقم شوف ايش كسبك ويش مدخولك=ثنتين باخيّرك واختار احداهن
اما صداقه وهت حملك ومحمولك=واما عداوه ولا تختار في سواهن
باجيب انا الصيد لو انّه على جولك=بندقي انا لا طلقته ماتعداهن

[صوت سيبان]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

يامرحبا الدقم جانا اليوم مرسولك=جاني ونا منتظر له قاعد امساهن ياحي بها افصول تعجبني ترى فصولك=لا فرق مابين اولهن واخراهن يالدقم شوف ايش كسبك ويش مدخولك=ثنتين باخيّرك واختار احداهن اما صداقه وهت حملك ومحمولك=واما عداوه ولا تختار في سواهن باجيب انا الصيد لو انّه على جولك=بندقي انا لا طلقته ماتعداهن

أقولها بالفم المليان وبدون إستحياء والله العظيم أنك شاعر يشار له بالبنان إلى الأمام وفوق ذلك أقسم لكم بالله العظيم فاطر السموات والأرض أنني لاأعرف هذا الشاعر ولكن كلمة حق لوجه الله