الى ابو راضي

[حسن النعماني]

لايـا بن حسن شوف حالي مـكـدر=والقول في السقيفه بانت فصوله
وفي شانك شفني ابـد مـابـاتعـذر=ومن قـال شي ياصاحبي خـله يقوله
وبـالـقي انا مثل عبله هي وعنتر=ذي من قـدم شـلو صيت الرجـوله
وبغينا يالخو كل مختفي لازمأيضهر=وكل من طلع نبغاه يعرف نزوله
وانت عارف سلوب الغربه والمهجر=ومن زمان شليت كاس البطوله
نبغى طلب منك وراجينك لا تعذر=والا كـل واحـد منا بايحمل حمـوله
نبغى خبر واضح فالوانيت المصدر=ذي قـد راح كـله هـو وحـمـولـه
ان عـنـدك علم والا عنه تخبر=وهـت لي خـبر عـاجـل فـي مقـولـه
ولازلت انا راكب الجيب لصفر=وحصل حـنـدي واقف على كل جوله
والعدو بانذيقه الموت لحمر=وبـالـقي انا دولـه كما ثلاثين دولـه

[طالب النعماني]

شكرا لك
كلام جميل والخبر الاكيد قد سبق قصيدتك

[حسن النعماني]

كـل من بـدع يـاطـالـب لاتعـذر=وخـل الـوراء لا اهـل البخـولـه
شـف كـوتي عـلىجسمي مـقـتر=والثوب باذرع عرضةوطوله
وكل من عمل ماظنتي انه بيخسر=وكل من زرع بيحصد سبوله
وانت بايجيك يوم مثل لموت لحمر=وباتـبـيع مالك زاحـي وخوله
وخل الصفو لايوم البعث والمحشر=ومن قال شي يالخو خله يقوله

[بوصقر]

	كلام كلام يابو عمار جميل ورايع ولاتبخل علينا من ابداعاتك وفي انتضار جديدك

[العاشق(المولع)]

يابو راضي وينك قول العشق مابايوديك مكان

[طالب النعماني]

مااتوقع انه يوديني مكان ولا اريده يوصلني مكان
طالما القصد تحقق والمراد

[ولد قبايل]

جبت القول
الله يعطيك الف عافبه

[حسن النعماني]

نعم يابو راضي القصد والمقصود تحقق
وكلام الحواسد والشواني ماله مكان ولانحسب له
ولانفكر فيه ولا في قائله وخل من بايقول شي يقوله يابوراضي
وتقبل خالص تحياتي وتحيات الاصدقاء والزملاء
حماك الله يابو راضي وكثر من امثالك

[طالب النعماني]

شكرا لك اخي حسن