تشكيلة من فساتين السهرة .

[قمر بن هاشم]

انشا الله تعجبكم .

[عطرالعود]

جدا حلوه الفساتين يا قموره .
لكن عندي عتب هذي الفساتين ما فيها عرينه لانكم قفلتو موضوعي وهو كان موقع للمكياج
والشبامي بعد اقفله لكن اشوف حلال علينا وحرام علي غيرنا ولا لانكم مشرفين تفعلو ما بدا لكم وعلي كل جزاكم الله خير

[قمر بن هاشم]

افا عليكي مو قلتلك برساله اش الاسباب ؟؟؟


قلتلك عشان ممنوع بالمنتديات نحط روابط للمواقع لأنه هذا كترويج للمواقع..


بعدين أنا ماقفلته لان فيه شي مو زين بس لأنه ممنوع الترويج لأي موقع في أي منتدى ..

أنا بقولك .. انتي دحين هتي صور من ذاك الموقع وركبيها هنا زي ماسويت ووالله مابحذف شي

وأعتقد الشبامي أقفله لانه لما حذفت الرابط للموقع مافي فايده بالموضوع بدون الرابط فهمتي ؟؟

الله يهديكي بس ماتزعلي مني كم عطوره عندنا ؟؟

يلا بلاش تكشيره ..

ماأدري بس حاسه أنك حايسه في تركيب الصور فيه طريقه سهله بدون ماترفعي الصوره

شوفي :

روحي لأي صورة واضغطي على شمال الماوس بتطلعلك قائمه اخر شي فيها خصائص روحي

للخصائص واضغطي عليها بتلاقي عنوان الصوره او الأدرس تنسخي العنوان وتجي على صورة الشجرة

اللي موجودة في الأدوات تبع التنسق وتمسحي الموجود وتحطي العنوان المنسوخ وتطلع الصورة ..

لاتزعلي ياعسل ومشكورة عالمرور ..

[عطرالعود]

يا قلبي يا قموره
ماهو زعل يا قلبي بس يقولون العتب غسيل القلب صح وانا اعزك واعز كل واحد في سقيفتنا يا غاليه
وبعدين انا حاولت علي الصور مثل ما قلتي بس برضه ما جات ما ادري ليش ابحاول كذا مره وتصيب انشاء الله

[قمر بن هاشم]

الحمد لله مازعلتي .. وأعتبي على كيفك مايجيك العتب الا من أخوانك بس شوفي بعيد الشرح تاني ..

1-الصورة اللي تبغي تأخذيها من اي موقع جيبي عليها سهم الماوس واضغطي على الزر الشمال للماوس...

بيطلعلك قائمة آخر شي بالقائمة خصائص ..

2- دحين وصلنا عند خصائص ولو كان بالأنجليزي بتلاقي بدل خصائص proparities تضغطي على خصائص

بيفتحلك بكس تاني ..

3- في هذا البكس بتلاقي عنوان الصورة أو addres وبتلاقي تحته رمز (URL) وبتلاقي قدام العنوان

كلام روحي ظلليه كله ولاتسيبي حرف واضغطي عليه بزر الماوس الشمال وهو مظلل بتلاقي مديكي خيارات

من ظمن الخيارات نسخ وتضغطي على نسخ ..

4- دحين تروحي عند الادوات اللي موجودة في الوضع المتقدم تلاقي الرابط الالكتروني وبجنبه عاليمين

بريد الكتروني وبجنبه مربع عليه صورة لو اشرتي عليه بيقولك صورة هو هذا اللي تضغطيه بيطلعلك

بكس تمسحي اللي فيه وتحطي الماوس على الفراغ وتضغطي على الزر الشمال للماوس بيطلعلك قائمة

وموجود فيها لصق اضغطي على لصق بتلصقي العنوان اللي أول عملتيله نسخ وبعدين أضغطي موافق
..

وتوته توته خلصت الحتوته ...

[عطرالعود]

تسلمي يا حلوه تراني سويت كذا بس ما طلعت الصور ما ادري ليش لكن ما ايئس ابسويها مرات عده

[قمر بن هاشم]

الله يسلمك ..انشا الله تظبط ..

[همسات قلب]

السلام عليكم ورحمة الله وبركاتة اختي قمر بن هاشم :heart:
انا سعيده جدا بيكى مشرفه لسقيفة الاسرة وانتى بتمتعينا بالمواضيع الجميله والرقيقة التي هي علي مستوى رقتك انتى
وانا فعلا استمتعت بالفساتين روعه ورقيقة جدا وزوقها علي واكثر فستانين عجبوني جدا هما الاسود والموف الهادي فعلا روعه:heart:
اشكرك علي الموضوع الجميل ده ودائما تبدعي لنا بالاجمل
باااااااااااااااى;wavey

ماشاء الله الفساتين مره حله مع ان عيبها انها معرينه
اسمعي ستريها الله يسترك ترانا مو لحالنا بنات فيه معنا رجال هنا ومتل هذه الفساتين فتنه
ومشكوووووووووووره على تعبك الدائم في ايجاد كل ماهو جديد ومفيد

[قمر بن هاشم]

اقتباس : المشاركة الأصلية كتبت بواسطة همسات قلب

السلام عليكم ورحمة الله وبركاتة اختي قمر بن هاشم :heart: انا سعيده جدا بيكى مشرفه لسقيفة الاسرة وانتى بتمتعينا بالمواضيع الجميله والرقيقة التي هي علي مستوى رقتك انتى وانا فعلا استمتعت بالفساتين روعه ورقيقة جدا وزوقها علي واكثر فستانين عجبوني جدا هما الاسود والموف الهادي فعلا روعه:heart: اشكرك علي الموضوع الجميل ده ودائما تبدعي لنا بالاجمل باااااااااااااااى;wavey

وعليكم السلام ياعسل ..

الله يسعدك يارب أنتي الأحلى .. قلتي رقة .. .... مافيه رقة ياريت تجي الرقة خخخخخخخخخ

الحمد لله أنها عجبتك وتسلمي ياذوق فعلا الفساتين اللي اخترتيها ناعمة ..