من روائع الشاعر:عمر سالم باسهل..ابو وليد

[خالد بن مهنا]

يالله يا مولى القدر هو والقضاء =مرسي الشوامخ والسماء بانيها
يا ماسك العصفور في جوا السماء =والفلك في غزر الغبب مجريها
ند عيك ما غيرك سميعاً للدعاء =سالك همومي كلها تجليها
والنفس أماره رحمها بالتقى =والمغفرة لا قابلت باريها
ألفي صلاة الله ما لقاري قراء=في أول الختمه وفي تاليها
على رسول الله طه المصطفى =مرسول بالحق لأمته يهديها
يقول من يمسي ويصبح في شقاء =والنفس محنونة الى ماضيها
وقت الطفوله والبراءه و الصفاء =ما صّور الدنيا ولا من فيها
وأيام وقت الطيش و أيام الهوى =كاس الهوية ترتشف صافيها
وش با يرد الوقت لي هو قد مضى =صفحه مضت وإذا مضت نطويها
ما ليوم بيت في همومي عالوقا =فكر في الغربة وكيف انهيها
لما متى لما متى ياهل ترى =با تنتهي و ألا النهاية فيها
و ألا التعب دائم وماله منقضى =ولذة الدنيا الشقاء لي فيها
حتى أرضنا أخبارها ما هي سوى =كل محكمة تلعن على قاضيها
والجار يتربص لجاره في خفاء =والخو على إخوانه خطط يلقيها
ماحد ولد من لي يردون الخطاء =لاشاف بلوى با تقع يمحيها
ويحيزها قدام تتلهض لضاء =ماهو اذا لهبت حضر يطفيها
لأن الوقاية خير من صنع الدواء =أمراض بعض أحيان ما يشفيها
كل من يحب لصلاح يقدر لا نوى =يدخل بنيه صافية ينويها
ما البعض يدخل لجل كشاف الغطاء =ماله طلب غير القصص يرويها
دايم يقدم ذا وذا يرجع وراء =ويصيب هذيّه وذك يخطيها
ما قول ذا داري وهذا ما درى =وكلمة الحق لوم من يخفيها
كل من خفاها شل قسمه بالوفاء =واصبح قسيم اثنين في ماسيها
ياللأسف يللأسف من لي جرى =في ارض ماشي لايمة تضويها
حلانها عالجود والعز و الوفاء =ربيوا قبايلها مع قرويها
ياتبرعه لو فيش أي عضو اشتكى =حسيت أعضائي البلاء فر فيها
ارض الشهامه والتقى هو النقى =قلعه حصينه ركنها يحميها
لا غبها الماطر اذا البارق سرى =من كل سريه لا سرت ترويها
وبعد قال الشيخ با سهل الفتى =يا سامع أقوالي ويا قاريها
مساكم او صبحكم الله بالرضى =عندي لكم محزاه من يفتيها
بحزيك من حبه كريهة في الثرى =من سمح مدفونه بغت ساقيها
أبليس يزحيها ويغوي من غوى =واثمارها عيفه على جانيها
والختم باصلي على خير الورى =صلاة ما تعتد و لا نحصيها

[صالح باعمران ابو زايد]

صح لساااان الشاعر باسهل ...كلام من ذهب...
والف شكر لك يالمري على ما نقلته لنا...
سجل اعجابي بكل ما تكتبه و بكل ما تنقله
اخوك صالح باعمران

[علي بن طالب الحامد]

صح لسان الشاعر الكبير باسهل..
وان ما زليت حل الحزاه الفتنــــــــــــــــــــه
صح لسان قايلها وناقلها
تقبل مروري واعجابي

[خالد بن مهنا]

اقتباس : المشاركة الأصلية كتبت بواسطة صالح باعمران ابو زايد [ مشاهدة المشاركة ]

صح لساااان الشاعر باسهل ...كلام من ذهب... والف شكر لك يالمري على ما نقلته لنا... سجل اعجابي بكل ما تكتبه و بكل ما تنقله اخوك صالح باعمران

حيا والله وسهلا ومرحبا..
باالاخ العزيز..صالح باعمران ابو زائد..عشت يااستاذنا ومشرفنا الفاضل..
شكرأ على مرورك..واطراءك..
اخيك:خالد بن مهنا

[عدنان ابوبكر بن عفيف]

صح لسان شاعرنا القدير ابو وليدالشيخ عمر بن سالم باسهل ،، ونتمنى سماع المزيد من هذه الدرر والجواهر الثمينة
التي نتعلم منها ونستفيد ونطلع على الشعر الحقيقي النابع من القلب ،، والشكر موصول للعزيز الأصيل الشهم أبو سالم ،،

[صوت سيبان]

الشاعر القدير خالد بن مهنا
مبدع حتى في أختيار ماينقله القصيده ملانه بما يدور
في بلادنا من التباغض بين الجار وجاره والخو لخوه وهذه حقائق مره
صح لسان قائلها
سؤال هل حل اللغز( الفتنه )
تقبل مروري وتحياتي

[علي بن ماضي]

الاخ العزيز خالد بن مهنا
نشكرك على اطلاعنا على هذه القصيده الروعه
للشاعر باسهل فهي بحق لوحه عقلانيه مميزه
لك كل التقدير والاحترام يالغالي
احيك علي بن ماضي

[عزيز النفس]

	ماهو غريب الابداع عن المشايخ من قاموا وهم مبدعين واهل الشعر واسالوا من هو اعلم بذلك قصيده في منتهى الروعه وفيها مشاكل الناس وحلها وصح السانك ابو الوليد ونشكر اخونا الناقل والمبدع حتى في نقل القصيد ينقل القصيد الرايع والجميل الف شكرياباسهل والف شكر يابن مهناء تقبلوا مروري واحترامي اخوكم عزيز النفس ابومهدي

[ابوهاني1]

صح لسااان الشاعر
وصح نقلكـــ اخي الشاعر القدير ابو سالم
اختيار موفق ورااائع وذوووق شعري وفني اروع

تقبل تحياتي ومروري

[عبدالله الجعيدي]

شكرا ياخالد على اتحافنا بهذه الدرة وكم نتمنى ان يكون الاخ العزيز عمر باسهل بيننا وهل هو في مكة او غادرها . تحياتي