ليالي العــــــــيــــــــــــــــــــــــــــــــد

[سبع الليل]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/49.gif" border="none,2,gray" type=0 line=200% align=center use=sp char="" num="0,black"]
قدكردنا راس جعفر بالجنابي والشفار=ريت باشغفف يساعدنايسن شفارها
بانسبر لصغير قبل تسبور الكبار=والدلاله باتقع لك ضعف في تكرارها
عيد الاضحى مقبله الغيث فيها والمطار=رحمه المولى قريبه ابشروا بأمطارها
في ليالي العيد باترشن تنانير الديار=والتباسي جملوامن عزهاومقدارها
والشاهي السموار في مابينهم يعطي خبار=في السمر يرطن ويتحدث بزين اخبارها
عيدماهي في بلادي كل شي بطعمه قار=هكذا الدنيا وهذا حكمها واقدارها
فرقت بين الحبايب طيرتهم في القفار=حد قداء صحراء وحد بين المدن وقفارها
وعادني لاقد ذكرت الاهل وعيالي الصغار=قامت اللقمه وسط حلقي وقام خصارها
قاتل الله الفقر والغربه وشدت الاعتسار=رب تيسرها تنسم قيدها واعسارها
كلما فرحت فرحنا بالفريجه والعمار=هب عليها شعف عكر صفوها وعمارها
مامعي خاطر ولابسلاءبليلي والنهار=من غروب الشمس بحسب لاطلوع نهارها
شقت علي كثر المطالع والمنادرو السفار=من قام بوحضرم مهيم في دروب اسفارها
ثوبه على كتفه يخاير بين جاوه وزنجبار=وحيد ابادايضا مع الصومال برضه زارها
هذا من المولى مقدرياجماعه واختبار=وهذه القسمه قسمها ربنا واختارها
والختم صلوا عالنبي عد الرواسي والصبار=وعد مادارت كواكب فوق روس اصبارها
[/poet]

[ود احمد]

والختم صلوا عالنبي عد الرواسي والصبار وعد مادارت كواكب فوق روس iiاصبارها
اللهم صلي وسلم وبارك على سيدنا محمد صلى الله عليه وعلى اله وصحبه وسلم .
احسنت اخي سبع الليل على هذه الابيات المتواضعه واشكرك من اعماق قلبي وتقبل تحياتي وعيدكم سعيد مقدما واسال الله ان يعيده على الجميع بكل الخير يا ابن الخير واحسنت وجزاك الله خيرا .

[الشعف]

[poet font="Simplified Arabic,3,darkblue,bold ,normal" bkcolor="" bkimage="http://www.alshibami.net/saqifa//backgrounds/45.gif" border="none,2,gray" type=0 line=200% align=center use=ex char="" num="0,black"]
شعللت يالسبع في وسط الحشاء جمرة ونار= من يمد ايده يساعدنا نطفي نارها
عيد عرفه اقبلت والشعف ما سافر وسار=لو بيده كان للصفراء برجله سارها
له زمن مبطي من الساده ومن ذكرالقرار=مامعه غير الصبر عا حلوها و عا قارها
مايبدل طول بالصفراء .. ولو هو الدهر جار=هي بلاده لي خلق فيها وعاش جوارها
طالت الغربة كما غيره .. وحتى الفكر حار=ريت يابوالليل ..تهونها تبرد حارها
ذا من المولى مقدر .. لا تقع موذي وضار=واصطبر ياخوي عالعيفه وعااضرارها
ذا وقت يبغى صبر..هلل وزيد بالذكار=استعن بالصبر ياصاحب وقر اذكارها
طير ابو جعفر بايسقط .. لو على عالي وطار=كذ عيال الخير خرقوها وشعقوا طارها
كردحوله .. قطّبوا ريشه .. وشعره لي هو فار=وانقلب حاله كما الهره ترندح فارها
طايرة سقطت على القبة .. وفي وسط المطار=بارك الله في كباتنها وفي طيارها
ماتدوم الحال للظالم اذا جاوز وجار=بايجي له يوم وباتشوفه المذله جارّها
كم امم جارت وذا التاريخ يعطيك الخبار=مال ابوها ذكر .. في ذا الوقت .. وين اخبارها؟؟!!
ذي عبر مايعتبرها ..غير اصحاب البصار=كم امم صالت وجالت.. واعتمت ابصارها
يالسبع ياخوي .. شف ذا الشعف جالك باختيار=بايعايد لك بعيد الخير.. يابن اخيارها
والختم صلوا على احمد عد ما هشلت مطار=واسألوا المولى عدد ذكره يزيد امطارها

[/poet]

عيد مبارك مقدما ياسبع الليل .. وياود البدوي .. والى جميع الحلان

[marque]( كل عام وانتم بألف خير ) [/marque]