(((((الدان)))))

[ابوهارون]

[ثابت بن ماضي]

خرج ذا فصل والثاني تسٌلب خرج ستعشر=لحد اليوم مامثله ظهرفي السوق يالرميان
صواته ثانيه يعجبك زين المعنقه والجـر=ووقت الضيق مامثله مميز حاكم اللمـان
زمان الطيش ضيعته ولما اليوم نتحسر=ولكن ماتفيد الاَه او يهويـن يالخـوان
تخايل كل ليله منظر المشواف والشنبر=انا ترجاك واتوسلك رده ياعظيم الشان
أبومقصين والبلجيك تعجب كنهن قُصر =وبو شبه يهيض كن ماشي يشبه العلمان
ولكن لا نعم ربي على الانسان واتبطر=يعض صبع الندم قد عضها عل الخاتم اسليمان
نفذ صبري نفذ لكن غصبا عل الضنا ء نصبر=ولاتعطف علىٌ لاني السبب من صدق ياوزران

[ابوهارون]

[ثابت بن ماضي]

انا شايلك للعوزه وكن لانسان يتبصر=يمكن بالكلام الزين با جيبه وبالاحسان
انا عارف رفيقي عاطفي بالطف يتأثر=وأبسبة عناده عادني عاني الين الان
وأتلذذ بماساتي ولو يرضيه بتبعثر=شريطه ان يلملمني وينسا ما مضاء أو كان
ونرجع مثل ما كنا ونقراء ما كتب عنتر=وما سطره في العشق الملوح في قديم ازمان

[الوزيري]

كذا عاداتها الخيل الاصيله دوب هي تنفر =من الفارس اذا جاها وهذه متعة الفرسان
تمراشهرفي الترويض وانته لي بها اخبر=لاني اعرفك تعشق فرس مادخلت الميدان
وعندك صبريالباشق لمدة عام اواكثر= ومادام انت بها مغرم وفي ترويضها حبان
يجيها يوم تتماشى على كيفك وتتأمر=وعا دقة طبولك يفقع الحافرمع السيقان

[ابوهارون]

[ثابت بن ماضي]

من حيث الوجع دقيت لكن عل الوجع بصبر=وباكابر ويمكن قولك انسيت كل ماكان
ولكن لاتصدق من طلع في حصن بايندر=وهو راضي ولكن با يحن لاناظر الروشان
ونا من قصر ماهو حصن قلي ايش تتصوًر=اذا مريت واسواره عليها الليم والرمان
وأمحرم علي حتى بعيني لاقداه انظر =ثمان اسنين ذي صابر وبردف عا الثمان اثمان
وببقى عل الأمل عايش واخشى العمُر لايعبر=ولكني اجد متعه بماساتي وبالحرمان
لأن طيفه يسليني ويشقيني اذا قد مرٌ=ولو مامر طيفه حصله في داخل الوجدان

[ثابت بن ماضي]

ضرب خلفه وقدامه ولانبغاه يضرر=وحتى الضرب خايف لايصوعه لانني الخسران
ولو با اللحم شفني باضرب برصاص متفجر=ولكن مابغيت الذايبي لقايد الغزلان

[الوزيري]

وحتى لا اعتلا سوره مع الاشجار لي تزهر=شعاعه يفضحه مابينها الاوراق والاغصان
وماشفت الشجرلجله بطول العام هو يثمر=ويتودد اذاقد مرمن جنبه في البستان
يدني بالثمروالشوك هويخجل من المنظر=ويتمنا عسى يقطف وهويرجف كما البردان

[الوزيري]

وحتى لا اعتلا سوره مع الاشجار لي تزهر=شعاعه يفضحه مابينها الاوراق والاغصان
وماشفت الشجرلجله بطول العام هو يثمر=ويتودد اذاقد مرمن جنبه في البستان
يدني بالثمروالشوك هويخجل من المنظر=ويتمنا عسى يقطف وهويرجف كما البردان