محضــــاريات

[سالم علي الجرو]

-1-
" الهوى " و " الحب " وفلسفة الشاعر المحضـــار
منذ صغره جرّب تبعات " الهوى " .
" الهوى خابي حنش في جرابه ..
اختبرته من زمن صغري وجرّبت تجريب "
" أ "
الهوى حاكم مسلّط عانفس غصب وقلوب
لاحكم مافي حكامه شي انقلابه
كم وكم خرج صاحبه من رواشين وغلوب
بعد ريح النصر حسوا بالغلابه
راحته والله تشبه عذابه ..
فيه ياكم شفت من راحه وكم شفت تعذيب
باصبر والصبر اولى ماوقع لي حظ ونصيب
الهوى والناس والدنيا عصابةْ
لا شكيت الحال قالوا لي مقدّر ومكتوب
لي كتب مَبْعَد رضي يمحي الكتابةْ
عاد شي دعوة من الله مجابةْ
لي بها في الحُب بانقضي جميع المواجيب .
وقت يسقيني عسل من جبح ماغبّه النوب
لارضي واوقات يجرحني بنابه
تمضي الايام ناواياه ركضه بقيروب
لا مني المبعد ونصحوني القرابةْ
الهوى خابي حنش في جرابه ..اختبرته من زمن صغري وجربت تجريب

" ب "
تريم فيها كم وكم صالح ولي
والنهر فيها عالعمل والي
والحب باقي للحبيب الأوّلي
مازال وهو المتصدّر الوالي
ولا أظن يتغلّب التالي
عاالحب القديم .

" ج "
وأن شفت حد بيده شعَقْ شاله
بهجره ، باقاطعه ، مابسقيه من شولي
وإيش قدّر الإنسان يأخذ كل ليلة شال .

-2-
الصداقة والحلم والغضب
غلطات جم نتقبّله فيها ونغض عنها البصرْ
وعمايله السوده نغطّيها وذنوب ما تُغْتَـــفَرْ
قصده يحمّل فؤادي = فــوق ما لا يطيــق
خائن ولا له مبادي = كيف انا با احسبــه
يا ناس عندي صديق

- 3-
شعور الصوفي
إلـى طـيـبـه ومـافي الكون بقعه مثل طيبه
بها قلبي يطيب
إلـى الـشباك والمحراب والروضه الرحيبه
ومسجدها الرحيب
مـنـازل أنـزل الـقـرآن فـيـهـا وروح الـقدس جبريل
يـعـود الـحـي لـي كـتـبـت لـه العوده وتيسيرالسبيل
ووقفة يا لها والله من وقفة مهيبةْ=لدى طه الحبيب
قلوب الناس من خلاقها فيها قريبة=وهو منها قريب
عليها تاج من أثر عفوه ومن رحمته اكليل
هنا يرتاح عرف المصطفى ونشم طيبه=عسى حسن النصيب
هنا نور السماء لي تنطفي فيه أنوار القناديل