عيني على ارض حاميها حراميها

[حسن محمد سالم باقديم]

عـيـنـي عـلـى ارض حـامـيـهـا حـرامـيـهـا
تـعـبـت ومـنـقـذ اتـاهـا مـن بـعـيـد الـمــاح

كـل مـن لـفـيـهـا جـلـس فـتـره يـكـل فـيـهـا
وعـقبه ثاني وخس والعــن من الـلـي راح

وخـرابـهـا والــمـضــره مـــن اهــالـــيـهـا
ومـوظـفـيـهـا خــبــب عـالـمـال والاربـاح

غــيــاتــهــم ذاتــهــم ذي عـاكــراســيـهـا
ومـحـبـة الــذات مـعــول هــدم لـلاصـلاح

لا روح وطـــنـي ولا اخــلاص كـاسـيـهـا
امـراض فـيـهـا كـبـيـره تـعـجـز الـجـراح

والشعب في فقر يـحـصــد عـامـااســـيها
مـن عـهـد قـحـطـان والـرجزات لـلـفـلاح

واليوم نخبة حـضـارم جـيـش حــامـيـهـا
وحـلــف عــابـاب داره نسـمـع الـصـياح

لا جــاب قـاتــــل ولا فـك فـي مـثـاويـهـا
مـسـجـون واحـد دعـايـة كـذب وتـمـداح

والـيـوم لا قــصـر حـاكـمـهـا ووالـيـهـا
طيران جابــه .. وقـوة ضـاربـه وسـلاح

محشور في جـزو والـصحراء وواديـهـا
مـاهـم بـسـربه ولا هم ريـش له وجناح

والـشـرع يـحـكـم عـلـى الظاهر ويفتيها
والـظـاهـر الـوضـع مـامـنه ذكي مرتاح

مـن واقـع الارض سـطـرنـا مـعـانـيـهـا
ومـفـاجـئـات اللـيـالـي للـعـكـي مـفـتـاح


الـشاعـر حـسـن مـحمـد بـاقـديـم
الـخمعـي الـسـيـباني