03-14-2008, 01:55 PM
|
#1051 |
|
حال متالّق
|
يالمخشني وينك وايش اللي جري =في الدان ماشفناك قدنا ليلتين
بين القويره والقرين= عسى خبار الخير من عندك تجي =ويصونك الرحمن من حسده وعين بين القويره والقرين = |
|
|
03-14-2008, 02:10 PM
|
#1052 | ||
|
شاعر السقيفه
|
احوال دنيانا بغت خاطر مدي = وارض اليمن باتمر شفها بمحنتين
بين القويره والقرين = والبحر يتعكر مكانه ماصفي = والموج مادرينا اتجاهه راح وين بين القويره والقرين = |
||
|
|
|
03-14-2008, 03:07 PM
|
#1053 | ||
|
شاعر السقيفه
|
المخشني في حصن عامد معتلي = والحصن له يابو نمر شه سدتين
بين القويره والقرين = سده قدا قبله وسده مشرقي = ولقى حراسه عالسدد من نوبيتن بين القويره والقرين = |
||
|
|
|
03-14-2008, 09:18 PM
|
#1054 |
|
Registered User
|
عاحنت المدروف باجي معتني =من السداره بانجي وحجر الحصين
لما القويره والقرين= تقدير لك يابونمر والمخشني = والبكري كلامه يرجح كفتين بين القويره والقرين= |
|
|
|
03-15-2008, 09:16 AM
|
#1055 | ||
|
نائب مشرف عام قسم الأدب والفن
|
ما ننشغل عنكم وربي والنبي=لا الود ودي ما بغى ألا الشاشتين بين القويره والقرين=... لكن مشاكل حوّطت بالمخشني=الله يفْرجها وهو ذي با يعين بين القويره والقرين=... محمد بن سعيــد بن مخــاشــن
|
||
|
|
|
03-15-2008, 09:24 AM
|
#1056 | ||
|
نائب مشرف عام قسم الأدب والفن
|
ليه الحراسه يا الصديق المبكري =نا ألا بديوي نام تحت الشجرتين بين القويره والقرين=... نخله وألا علب جذعه دائري=فيه الزّبد ريحه ينب من كيلوين بين القويره والقرين=... محمد بن سعيــد بن مخــاشــن
|
||
|
|
|
03-15-2008, 09:33 AM
|
#1057 | ||
|
نائب مشرف عام قسم الأدب والفن
|
يا الطير يا معلّي قوالك طِب لي=هي تطرد الضارب مثيل ( الكافتين ) بين القويره والقرين=... عا حنّة المدروف شف جدّي ربي=ما إهتم بالدنيا لبوها شلّتين بين القويره والقرين=... الكافتيـن = من أدوية الصداع ويشبه للفكس وأبو فاس. محمد بن سعيــد بن مخــاشــن
|
||
|
|
|
03-15-2008, 11:08 AM
|
#1058 |
|
نائب مشرف عام قسم الأدب والفن
|
ما اليوم قل للعكبري جوفي ملي=ما هو فرح ذلا نكد من با حسين بين القويره والقرين=... ولا حسب تالي ولَذْكر لوّلي=يا الله عسى عوده قدا أرض الجنّتين بين القويره والقرين=... من بُعدها لحمي إنبرى يا صاحبي=وحِن لها ... كل يوم ردد عا الحنين بين القويره والقرين=... محمد بن سعيــد بن مخــاشــن
|
|
|
|
03-16-2008, 08:37 PM
|
#1059 |
|
نائب مشرف عام قسم الأدب والفن
|
صوت جديد ( بدوي هذه المرّة )
يا بو نمر لك سلامي عدّما غرّدن=إمدافر العول من فوق الجروب الكبار وعدّما السّحْب في الخرف أبرقن وأرعدن=مشتاق نبغى سمركم ... كيف نطوي القفار؟ بيني وبينك قدَر ألفين لتْمتّرَن=هذي المسافات ... وإبغى طايره أو قطار مقدر أجيكم على ظهر البعير المسن=وألا ركب فوق بغله أو ركب عا حمار محمد بن سعيــد بن مخــاشــن
|
|
|
|
03-17-2008, 08:05 AM
|
#1060 | ||
|
حال متالّق
|
يالذي بدعت القوافي عامعاني وفن =وحييت ذا اللون ذي اوشك على الأندثار
مادام جبته لنا ذلحين دندن وغن =وباتجيك القوافي يامحمد سبار شوقتني للبداوه يوم قد لي زمن =هايم على لقمة العيشه قصعنا بحار قم يامحمد معي نبغي نزور الوطن =بانلصي النور لاعدنا لذيك الديار وللجبل بانرد عوده وشرب اللبن =من ضرع سوده ومانا من سيول المطار والبسط طلي الغصيني ذي عليه الوحن=وقيالنا والضحى ذي تلتقط في الجفار ياخير رحله جميله مالها شي ثمن = لاتحققت باتشل الصايته والخبار وان قد لحقت الخضر في شعب خالي تمن =تصلح بلاد اليمن للعز والأعتبار ماهو في البعد عز اهل اليمن في اليمن =يكفي تشتت ويكفي لامتى في سفار ارتاحت الناس في الأوطان والى الحسن =والحضرمي واليماني دوب في الأنتظار |
||
|
التعديل الأخير تم بواسطة أبونمر ; 03-17-2008 الساعة 01:11 PM |
|||
|
|
 |
| مواقع النشر (المفضلة) |
|
|
|
|
العرض العادي
