بستفتي الشعار وابغى حلها

[مبارك بوشندل]

أيام مرت قلتها في حلها
والحل ماهو صعب ياالحيد الجزيل
بستفتي الشعار وابغى حَلها
واقصد رزين القول لي قوله ثقيل
حد منهم فاهم وحد في قِلها
يصبي ويهمر ماتحمله الرجيل
بسأل وعن عذراء حرامي شلها
خلى اهلها صبحوا وظلوا في عويل
والبنت مسكينه تظنه خِلها
ما تعرف الحبان من لي هو رذيل
راحت مع الغاوي وهو لي علها
وان كان ما طاعت عطاها بالصميل
اقسم يمين الله إنه بعلها
بالعقد هو والنقد ولا بالطويل
والقصد والمقصود وحله فهلها
ما حصلوا مخرج ولا عرفوا سبيل