صدام هو اللي شفوز في الانتخابات الرئاسية القادمة

[حد من الوادي]

[التاريخ : 05/07/2006 , الساعة : 03:26:59]


عندما يغدو المستقبل دربا مظلما وموحشا ..مليئا بالدموع والآلام.. في واقع لا يجد فيه العطشان ما يروي ظمأه من الحرية غير كؤوس مليئة بالمرارة والبؤس والحرمان.. واقع يعبر فيه الحفاة على أشواك ظل يزرعها على مدى عقود من الزمن ذوو المطامع والمصالح الشخصية.. في واقع كهذا يكون الإنسان هو الضحية .
في ميدان التحرير في العاصمة صنعاء كان لنا هذا اللقاء مع أحد هؤلاء.. فإلى الحوار..
حاوره: عبد الكريم سيف حاشد




* أيش اسمك ؟
- محمد محمد جابر..
* كم عمرك؟
- مية وعشرين سنة .. أنا بعد حمود بثلاث أربع سنين.
* من أين أنت ؟
- من همدان .. ما معيش جهال.. حمود ما زوجني..
* أنت مجنون ؟
- أيوه..
* كيف لما جننت ؟
- كنت أجالس حمود.
* من حمود هذا ؟
- عملوا هناك باب السباح حصان ..
* قبل ما تجنن أيش كنت تشتغل ؟
- كنت أخزن وأبيع قات.. شلوا علي القات أصحاب البلدية وحبسوني.
* ليش شلوا عليك القات ؟
- تشتي الصدق.. هذا علي سالم البيض شيطان لعب بالدنيا وأخذ حقي القات وهرب.
* أيش هوايتك ؟
- هوايتي أخزن..
* أيش من قات يعجبك ؟
- الصوطي والهمداني..
* أنت تحب الرئيس علي عبد الله صالح ؟
- أحب المشبك والحلاوة.
* كيف تشوف مستقبل اليمن ؟
- مش هوه حالي.
* ليش ؟
- الكدم بايت.
* إذا الرئيس رشح نفسه في الانتخابات القادمة تفكر أنت ترشح نفسك ؟
- خليه يرشح وأنا بعده.. ذلحين إن شاء الله بتية السنة أنا بارشح بعده.. يدو لي قيمة القات والسجارة بس، وحمود عيقع له حل.
*لكن أحزاب المعارضة يشتوا يعملوا لهم مرشح جديد ينافسكم ؟
- مش قول آبتهم .
* من تتوقع يفوز بالانتخابات الرئاسية القادمة ؟
- صدام هذا با ينجح.
* صدام الآن يحاكموه.. هل تتابع المحاكمة حقه ؟
- هذا الله يشله مات من زمان كان.. يزيد الهدار .. هوه عاده بخير أو مع ؟
* ليش تكره صدام ؟
- كان ما يدي لي حق القات.
* بأيش تنصح الرئيس قبل الانتخابات الرئاسية ؟
- أنصحه يخزن لليمنيين يدعو له.
* أنت تحزبت أو لا ؟
- ما فيش معي حزب يا ذاك .. أنا آكل حلاوة وأرتاح.
* أنت تحب المؤتمر ؟
- المؤتمر باهر.
* أيش الذي أعجبك فيهم ؟
- الجرايد حقهم.
* هل تقرأ جرايد ؟
- قريت ألف باء وبطلت.
* أيش رأيك بالحزب الاشتراكي ؟
- نشتي نقتل أبتهم حمود عيضيعك قَلَبَك حمار يشتي يدخلك المؤتمر.
* الإصلاح أيش تطلب منهم ؟
- أشتيهم يقتلوا حمود يدفخوا أبوه وادّي لهم ما اشتوا.
* أيش من حزب تحب ؟
- الاشتراكي
* ليش ؟
- فيه بنات حاليات..
* هل مريت بتجربة حب ؟
- لا
* ليش ؟
- ما شي بنات حاليات هذي الأيام.
* وياسين سعيد نعمان ما رأيك فيه؟
- مدري.. تقول عاده بخير.
* والناصريين ؟
- شوعة هم بيزيدوا القات ويربشوا الدنيا.
* مجلس النواب أيش رأيك فيه ؟
- هذا سعما محمد جابر صاحب ضلاع.. هذا مجلس ما أعرفه ولا حصلته.
* من هو أحسن واحد يعجبك بمجلس النواب ؟
- واحد أعرفه قده شيبة محمد علي الحبابي.
* قد سرت تعز أو عدن ؟
- ولا سرت مكان.
* تتابع تلفزيون صنعاء ؟
- صنعاء كبير أسمع إذاعة صنعاء.
* أيش أحسن برنامج يعجبك في إذاعة صنعاء ؟
- برنامج الثورة حق الحليب ذياك اللي يسكب الشاهي ويشرب.
* التعليم في اليمن أيش رأيك فيه؟
- باقي اليهودة.
* أنت تخزن كل يوم ؟
- كل يوم أخزن خيرات.
* كم تنام ساعات باليوم ؟
- قليل.
* وكم تخزن ساعات ؟
- ساعة ساعتين وأشرب حبة من الصيدلية.
* أيش من حبة ؟
- من الصيدلية للنوم..
* ما اسم الحبة اللي يدوها لك ؟
- أسير الصيدلية أقول له أشتي أرقد بدي حبة حمراء.
* طيب أنت فين تنام ؟
- بالبقعة حق حمود بالمزرعة عند الدكان.
* أيش رأيك بالرسوم المسيئة للرسول (ص) ؟
- ما بش رسوم كذابين يكذبوا على الناس بالفيديو حقهم .
* أنت تصلي ؟
- برمضان أصلي خيرات.. أخي حمود نصحني بالصلاة أنا رجعت أتخيبل.
* الغشمي أيش رأيك فيه ؟
- الله يرحمه كان يدي لي زلط.
* والحمدي ؟
- أعرف عبد الله الحمدي ، كان بطل يدي لي قات من جهران .
* أيام الحرب 94م فين كنت ؟
- كنت في صعدة .. وأيام اختلفوا اليمن والسعودية .. هربوا.
* منهم ؟
- هولا الإرهابيين الوسخين.
* أنت أتعسكرت ؟
- كنت أتبع المدرعات من بيت جابر.
* حرب 94 منوه كان الغلطان ؟
- اللي حاربوا.
* من هم ؟
- هولا اليمنيين اللي رموا على السعودية.
* والفلسطينيين ؟
- هولا ربشوا الدنيا ربيش أو مع؟
* وإسرائيل ؟
- يدوا صاروخ نحرق أبتهم.
* من أين ؟
- العسل أنواع ..
* والحبة السوداء تنفع؟
- تنفع للأمراض كلها..

منقووووووووووووول