سلطات ومقبلات شهية للشهر الكريم

[صمتي الخجول]

ه

ذي مجموعة من السلطات والمقبلات عجبتني لنقلتها لكم هنا للإستفادة..









* ملاحظه~ : الخبز المحمص الجاهز راح استخدمه كثير بالسلطات .. بحط لكم صورته بس فيه واحد ماصورته الي من سفن دايز ..

- سيزر بطريقه ثآنيه
- سلطة البآذنجان الـخاقوقيه (1)
- سلطه البآذنجان (2)
- سلطة البيتزا
- سلطة من تخبيصي < تسمعين بالأسمآء
- سلطه لـ بنات اخر الليل (1) < لانها سهله
- سلطه لـ بنات اخر الليل (2)






سيزر بطريقه ثآنيه ..~

المقآدير: خبز توست ..ملعقتين اوريقانو.. فصين ثوم .. ملعقه زعتر ..زبده ..صدور دجاج .. صوص رانش+ صوص فرنسي + ماونيز بالفلفل

الطريقه :

نذوب الزبده مع فصين الثوم + الزعتر والاوريقانو .. وندهن الـ الخبز ونقطعه صغار ونحمصه بالفرن ونتركه يبرد ..

نتبل صدور الدجاج بعد التقطيع بـ فلفل اسود وكمون وعصير لمون وخل وصويآ صوص من كيكومان وفص ثوم وعلبه زبادي .. تتبل مده ساعتين على الاقل ..
بعد كذا نشوحها على النار بـ زبده ونحط بالتاوه الدجاج والتتبيله معه .. ونتركه على جنب ..

الصوص :

صوص فرنسي ورانش ومتبل ثوم + ماينيز بالفلفل بس لاتكثرون مايونيز .. اخلطو لما يطلع الطعم الي ببالكم ..+ رشه اوريقانو


بعد كذا نصف الخس بالصينيه .. بعدين الدجاج .. بعدين الخبز .. واخرتها الصوص ..










سلطة البآذنجان الـخاقوقيه .. ~

المقآدير .. 2 بطاطس .. 2 باذنجان .. علبه حمص .. خس ونص ربطه كزبره وبقدونس ..

الطريقه ..

نقطع البطآطس ونخليه طوال .. ونفس الشي الباذنجان .. ونقليهم .. ونتركهم يبردون
نقطع الخس ..ونفرم الكزبره والقدونس ونتبلهم بـ عصير ليمون وخل وشوي ملح وكمون .. ونصفهم بالصينيه .. وفوقهم الحمص والباذنجان والبطآطس ..

الصوص :
صوص فرنسي + شوي مايونيز وعصير ليمون وخل





سلطه البآذنجان (2) سبايسي ~


المقآدير

: 2 باذنجان مقلي- 2 بطاطس مقلي- معجون الفلفل الاحمر بزيت الزيتون - فلفل هلابينو -خس -

الطريقه :

نقطع الخس صغار .. ونخلط معه الصوص الي هو عباره عن ..:
2 م مايونيز + فصين ثوم + 2 م طحينه + عصير ليمونه + خل + زبادي + 2 م رانش
نخلط الباذنجان بـ معجون الفلفل الاحمر ونضيفه على الخس
نضيف فوق الخس البطاطس المقلي ..
واخر شي الـ الهلابينو





سلطة البيتزا ~


هذي السلطه طعمها يشبه البيتزا .. عشان كذا سميتها سلطه البيتزا


الصوص :

ماادقق بالمقادير اعتمد على حاسه الذوق بالذات
رانش + ملعقتين او 3 شبت مجفف + ملعتقين زيت زيتون + عصير ليمون + شوي بقدونس مفروم +مايونيز +شوي خل
يخلط الصوص بالخس ..واتركيه على جنب .


الدجاج :

صدور دجاج مقطعه شرايح رفيعه احمسيها بـ شوي زبده وملعقتين صويآ + ملعقه صغيره معجون فلفل بزيت الزيتون+ ملعقه خل+ فلفل اسود+ كمون بعد مايستوي الدجاج اضيفي الملح ..
واضيفيه على الخس واضيفي على الدجاج الخبز المحمص الجاهز





سلطة من تخبيصي ~



خس: يتبل بـ زيت زيتون .. ليمون ثوم بودره كمون
بطاطس مقلي
باذنجان ..
جزر مبشور
دجاج محموس بالبهارات والثوم
خبز محمص الجاهز


الصوص ..:

ملعقه كبيره مليانه سآور كريم
صوص رانش ملعقتين او 3 كبار
صوص فرنسي مدري كم بس هو الغالب على الصوص تقريبا نص الكميه كلها فرنسي
نص علبه زبادي.





سلطه لـ بنات اخر الليل (1) ~

خس - صدرين دجاج- خبز محمص جاهز - صوص فرنسي- ليمونه وخل- زبادي

نحمس الدجاج بشوي زبده ونضيف معه صويا صوص وفلفل اسود وكمون وثوم ..
نجهز الخس ونحط فوقه الـدجاج وبعدها الخبز المحمص وفوقهم الصوص ..
الصوص: صوص فرنسي+ ملعقتين زبادي + ملعقه خل + نص ليمونه





سلطه لـ بنات اخر الليل (2) ~


خس - صدر دجاج مقطع قطع رفيعه - خبز محمص جاهز من سفن دايز-
نصف الخس في الصينيه .. ونحمس الدجاج ونضيف الـ الفلفل الاسود والكمون والثوم ورشه اوريقانو وصويا صوص من كيكومان
واخر شي الملح بعد مايستوي الدجاج ..
نضيف الدجاج على الخس .. وفوقهم الخبز المحمص من سفن دايززز

الصوص ..

: زبادي-3 ملاعق طحينه- فص ثوم- نص ليمونه- شوي خل- مايونيز

وبصحه وعافيه

[الزين يفرض نفسه]

الله الله ي صمّوتــة

مااء الله عليكي شكلك شطورة في المطبخ

اش رايك تعيشي معاي في رمضان ،، يمكن تربحي سيارة ^_^

يسلموووو صموتة بصراحة صور شهية يعطيكي الف عافية

[الصمصومة]

يعطيك العافيه
حياتي
ع الطرح