مجلس الدان الحضرمي

[الرقيب]

حمد ربك على الموجود خل عندك امل شمعه = وبعض الناس مايقنع ويحسب انه المحروم
حسب ان السعاده مال بايجلب له الرفعه = كما التاجر اذا مازاد ماله يحرمه النوم

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ترى من مات راس المشكله هو وابنه القصعه=غبي يالواقعي مايعرف الحبحب من الزقوم ونا ملقي لها شده وعده وافرض المنعه=وضوي من تعدى حد باقطمي يون مهزوم

عمر شوفك هنا تمطر لنا ساعات بالشقعه = وشل هبرتك احسن لك وترك جول باكرشوم
عمر لاضاقت الدنيا تضلل تحت ضل قلعه = وحافظ قال بوفيصل حمد عاتمرك المرزوم

[عمر الذيب]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

سمر ذا الليله اعجبني ذكرت الصوط والنقعه = وذكرني ليالي ماضيه ماذقت فيها النوم ليالي ريتها ترجع ولكن صعبه الرجعه = صبر ياقلبي السالي صبر عالواقع المحتوم

صبرنا مثل ماصبرو على القفقف وعا الرصعه=ولكن صبرنا ما فادنا يالشاعر الدمدوم
تعبنا من تقلاب الزمن واهله في الخشعه=لان كلن على كيفه يشق في منجرة برهوم

[أحمد العمودي أبوفيصل]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

سمر ذا الليله اعجبني ذكرت الصوط والنقعه = وذكرني ليالي ماضيه ماذقت فيها النوم ليالي ريتها ترجع ولكن صعبه الرجعه = صبر ياقلبي السالي صبر عالواقع المحتوم

وانا بنشد وبتخبر ورى صوبك ابه لكعه = وكم مثلك في الدنيا مسى ياصاحبي محروم

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

صبرنا مثل ماصبرو على القفقف وعا الرصعه=ولكن صبرنا ما فادنا يالشاعر الدمدوم تعبنا من تقلاب الزمن واهله في الخشعه=لان كلن على كيفه يشق في منجرة برهوم

وكل ماجاك هومنك تركت اسهيل والهنعه = ولافكرت في وادي بطى ياصاحبي مرحوم

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

عمر شوفك هنا تمطر لنا ساعات بالشقعه = وشل هبرتك احسن لك وترك جول باكرشوم عمر لاضاقت الدنيا تضلل تحت ضل قلعه = وحافظ قال بوفيصل حمد عاتمرك المرزوم

ظلالي ياحمد اهلي وناسي في القرى السبعه=كنان الراس من كل طاغيه او عربجي مزعوم
وقوتي من خريف النخل والفاروح والطلعه=ومن قارب خريف النخل بقبضله في الحلقوم

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

صبرنا مثل ماصبرو على القفقف وعا الرصعه=ولكن صبرنا ما فادنا يالشاعر الدمدوم تعبنا من تقلاب الزمن واهله في الخشعه=لان كلن على كيفه يشق في منجرة برهوم

تركنا دار بن زيمه وهبينا لبارفعه =لعل الله يتمي سرنا بين العرب مكتوم
خذونا بالليونه لكن المهيون قل شرعه=ندمنا قال سبع الليل عالوافي وعالصمصوم

[ابوشحوف]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

وانا بنشد وبتخبر ورى صوبك ابه لكعه = وكم مثلك في الدنيا مسى ياصاحبي محروم

حمد في شانهم شفنا وصلنا وادي السبعه = ولكن ذا الزمن مافيه حد باينصف المظلوم
سرحت السبت وانثرهم تخلو عني الجمعه = وصلت السوق قالو لي بعد مالك هنا مقسوم

[ابوشحوف]

المعذره لم اشاهد التكرار الابعد ان وضعت مشاركتي العفو

[المطلع]

كلام الناس يكثر للأسف ويقل في نفعه =اذا هو عالمصالح مبتني وعلى العتب واللوم
ولو صاحبه عانيه تكلم صادقه بقعه = معه ان جات او راحت معد بايخلق المعدوم

كان اخر الفصل الأخير (معه ان جات او راحت قنع بالحظ والمقسوم) وتجنبا للتكرار وملاحظته فيما بعد تم التعديل