قصيده ( بانت حقيقتنا )

[جمال العطاس]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="double,2,gray" type=0 line=200% align=center use=sp char="" num="0,black"]
بانت حقيقتنا لخلق الله ظهرت للعيان=وكل واحد شاف نفسه مننا ماحد كماه
مادامنا قدّام بوش النذل ياعُربان (ضان)=ليه الزعل والضيق خلو بوش يلقي لي بغاه
وان كان معنا قبوَلِه من صدق ماهي باللسان=مسكوه في خورته صك لمّان يتقمّر قفاه
أُمه ضعيفه استباح الغرب هيبتها وهان=ماحد يفكّر مننا الا بلبسه او شواه
تهِمنا العيشه ندوّر بس على لحم السمان=وكل واحد مننا يبحث على ثروه وجاه
حد مننا قاعد في الديسكو وحد يمضغ لبان=قِلِه تبيّت مننا في ليلها وِرد وصلاه
وحديبيّت في المغاني طول ليله دان دان=والبعض ماسيبه بحد يسرح ويضوي في خلاه
من يوم ماركّت عقيدتنا وترّكنا القران=وبوش يتعتور وفي الضبره لنا سنّد عصاه
ماكن لهذا الدين دين الله لنا عزّه وشان=ولانقول الله بايغضب علينا في سماه
مابيننا الفتنه سرت مسرى كما نار الدمان=ماحد يكفّر خوه في ذا الدين او يسفك دماه
يامسلمين ان كان شي مهرب لدين الله حان=قيموا فرايضكم ولابد تخرجوا حق الزكاه
ولاتهابوا الموت طعم الموت واحد حيث كان=وان حداستشهد منكم مامات يبقى في حياه
ماشي قصر في عُمر شاجع قط ولايخلد جبان=والله مايكره لقاء المؤمن اذا المؤمن بغاه
وختمها ياربنا صلي على بدر الزمان=محمد الهادي شفيع اهل الكباير والعصاه
[/poet]

[Bakkar]

لا فض فوك يا جمال و كما يقال حطيت يدك على موضع الداء

[سالم محمد بلفقيه ((الشرقاوي))]

صح لسانك اخونا جمال العطاس ,,, قصيده بمنتهى الروعه
ومثل ماقال اخونا بكارشفك حطيت يدك على موضع الجرح يالحبيب
وقصيدتك لاتخلو من شحذ الهمم والعوده الى الله سبحانه وتعالى
وتحذير من الغفله 0

اشكرك شكرا جزيلا ولك جل احترامي0

اخوك الشرقاوي 0