دارت بي الايام

[غالب باتيس]

دارت بي الايام والعمر استدار=مثل القمر يبدا هلاله ويستدير
ياناس اشكي لمن حائر ومحتار=احزان وسط القلب تعصرني عصير
ضاعت سنين العمر في غربة واسفار=اسفار ماترحم تشيب بالصغير
فكرت بين امرين واصبحت محتار=امرا لقيته صعب والثاني خطير
اصعب من المشي عالاقدام في عز النهار=في ارض صحراء على الرمضاء تسير
ولاسحب تحجب الشمس عنك ولااشجار=ولابشرتشهد ولا طير يطير
واخطر من الموج لاهاج مثناة البحار=لوكنت تبحر على قارب صغير
وان هبت الريح والا هب اعصار=الله يستر ايش بعده بايصير
والله محتار فيما بينهم كيف اختار=لا الشمس ترحمني ولا الموج الغزير
ولعاديرحمك اخ ولعاد يرحمك جار=كلن مع نفسه على دربة يسير
الحاصل ان الزمن خائن والوقت غدار=والناس ماتعرف الطيب من الشرير
الكل يحتال همه الفلس والدينار=استغفر الله ركعوا للدنانير
ماخافوا الله باعوا الصدق بالدولار= هذة هي الانباء ومن بعد التقارير
الامن والعدل لازال تحت الانتظار=والصدق غائب عند معدوم الضمير
ذي مايوفي بحق الجار للجار=لاجاره الرحمن من حر السعير
والحكم والحكام ذا في قبضة التجار=من رتبة الجندي الى رتبة وزير
والناس تشكي وتبكي من الاسعار=من ينقذ الغرقان يصرخ وسط بير
هذا هو الحال فيه العقل يحتار=حد عامد الجنة وحد في الزمهرير
لكن مهما يطول الزمن دوار=مايترك الحلو حالي ولا العلقم مرير
والليل ان طال مهما طال لابد من نهار=يطلع وتشرق شمس للدنيا تنير
كتبت ابياتي ودمع العين قطار=من جور مابي اطعم الحالي مرير
بكتب بكل توضيح مافي الصدراسرار=نيران تلهب فجرت بركان تفجير
خوفي على الجسم بعد الحزن ينهار=وينقطع عنه شهيقه والزفير
يارب حسن الخاتمة تصلح لنا الدار=وخير اعمالنا تبقى لنا في الاخير
والختم صلوا عليه السيد المختار=ماهاجت الامواج في البحر الغزير

[غالب باتيس]

معــــــــــــــذرة 00 تم توجيــــــــه المشاركة بالخطا00وارجو حــــذفهـا اذا امكـن ذلـك

[عليــــــــــان]

هههههههههههههههههههه

استغربت يوم شفت اسمك هنا

قلت شكله منزلنا تصميم

[إبراهيم الجعيدي]

يعطيك العافيه انشالله ينف طلبك عزيزي من الجهات المعنيه بذلك


تحيه عطره

ابراهيم الجعيدي