من عادات اسلافنا

[باغوزه]

شكرا اخواني الكرام . بن سلم , بوحسن . بنت شبامية على اضافاتكم الرائعة للموضوع وعتبي على بقية الحلان والاعضاء اللي مايشاركوا ويجودوا بمافي ذاكرتهم من السنين الماضيات .

نتفق في كل ماورد يابن سلم وبوحسن بالنسبة لسالفة التننننننننننننننننننن هههههههه بس يختلف من بلد الى بلد الانشودة او الطقوس لهذه المناسبة حق التنتنه اما عندنا يقولون .. يافاسو فاس الدود والمقطعة والحندود بودكيس المدكس لي قال بها ( تننننننننننننننننن ) لكم راعة الحرمه تشوفنا ونا اكتب قعدت تموت من الضحك ) لما قلت تنننننننننننننننننننننن .. ورب الكعبة باتفطس من الضحك وقاعدة ترشخ لي تننننننننننننننننننننننن .

اختى بنت شبامية
قصة رائعة وسالفة حقيقية من سوالف زمان وايام زمان وليالي زمان وفعلا حاصل عندنا من العصر والبنات مترقبات لالقاء القبض على العروس واذكر بنت خالتي قالوا لها نزلي هاتي الصحن من تحت الغنم في الزرب وهناك قد ثلاث حريم متخبيات ومعهن الشال حق ابوها . ودخلت البنية مسكينه على نيتها وشوي يهجمن عليها المتمردات ومن الفجعة لمان ذلحين البنية ماتعرف تتكلم جاتنا صدمه لكنها بخير وعادهم يقول لها اول مايطرحون الشال على راسها : شوفيش مربوطه لصلاح باغوزه . وكرفتوها في الشال وحملوها ياكبدي وهات ياخيبعان .. وهي تبكي ماهي عارفه ايش لي حصل .. طيب معقول ماتعرف وهي كانت واحده من المتربصات للعروس اللى قبلها ؟؟؟
سالفة جدا رائعة من حبابتك الله يحفظها يا اختنا بنت شبامية وخليش قاعدة بركبتها قولي لها بغينا سوالف اول وعاداتهم ..
حفظك الله ورعاك وتحية لاخواني الكرام بن سلم وبوحسن