مساجلات الزامــــل الشعبي

[الواثق بالله]

حياء بقول الصدق والشاعر عمر=وللوله يسمر على القماري
ريته دعاني قبل يعزم عالسفر=بعطيه مني القصف هو والناري
وان قد عزم يقنص سراء وديان سر=هو والهلالي يسبقون الساري
عساه يتجمل ولايوصله شر=وان حد سعيفه لا يشله جاري

[مجمل]

قانص ولد قانص وسده لي مقر= والصيد يسقط قبل يوصل ناري
الوثق جاهز غير تصريف القدر = وعين حاسد ذي جلس بيساري
وفر كما الشاعوف ذي قبل المطر = وابقيت فالمرباه درج كاري
لكنني بصبر ويظفر من صبر = عالعود باركب انا منشاري
ماشي عسر لنويت شو ماشي عسر = لكن باخطط انا بافكاري

[الواثق بالله]

حاولت ثم حاولت قصدك باتضر=لكن على مانويت قدني داري
غيرك دخلت اليوم لاسوق النجر=بعد القناصه عالفناء نجاري

[طالب النعماني]

خل القناصه لهلها خل القور=الضاهر انك ماسمعت اخباري
قانص وروعي في القناصه قد بدر=حذيت بوعطفه وبوكراري
وامسيت لي سده معه فيها زمر=سبعه مهندسهم ذكي معماري
وعاد في الشرقي دلاعيس العسر=يقضون شفي لاطراء لي طاري

[طالب النعماني]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

حاولت ثم حاولت قصدك باتضر=لكن على مانويت قدني داري غيرك دخلت اليوم لاسوق النجر=بعد القناصه عالفناء نجاري

ذلا من اول كان مثل البابحر=واليوم مثل الهيج والعماري
لا يارعى الله وقت قد عداء ومر=مقدار له وافي كما مقداري

[طالب النعماني]

اذا امتلا الفصل غيرووووووووووووووووه
بغينا وله الليله

[طالب النعماني]

ياقانصين الصيد ويش اخباركم=ماحد تصدر للغزاله يوم جات
يهوين ياقهراه كاشت ناركم=وين الشجاعه والهروج الفاضيات
مرن ومر الوعل من قدامكم=وامسى قبلكم في المهاذر جاي بات

[يسلم باكتيفه العكبري]

قولو لطالب لو تبعنا شاركم = ان كان عاد الشمل متشتت شتات
واليوم قد عدنا وزرنا داركم = لي منها مبعد قطعت الحنيات
يالله عسى المولى يكثر خاركم = يشرب حجلكم من مخايل مقبلات
والعام ياصاحبي هذا عامكم = بعد الصبر بسقيك شغل الجانيات

[مجمل]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

ياقانصين الصيد ويش اخباركم=ماحد تصدر للغزاله يوم جات يهوين ياقهراه كاشت ناركم=وين الشجاعه والهروج الفاضيات مرن ومر الوعل من قدامكم=وامسى قبلكم في المهاذر جاي بات

والله فالح بس في اشعاركم = وراك ماشفت القرون الحانيات
ماصاب شاري يوم وافق شاركم = ماشي مضابي فالصيود الرابظات
ضاعة قناصه يالفتى ع جاركم = ولعاد باشلك معي فالجايات

[طالب النعماني]

اقتباس : المشاركة الأصلية كتبت بواسطة مجمل [ مشاهدة المشاركة ]

والله فالح بس في اشعاركم = وراك ماشفت القرون الحانيات ماصاب شاري يوم وافق شاركم = ماشي مضابي فالصيود الرابظات ضاعة قناصه يالفتى ع جاركم = ولعاد باشلك معي فالجايات

وين الجماله وين صيت اجدادكم=ذي يهم يجيبون القشاع الموفيات
ماحاني القرنيين ذي قد جالكم=روّح علينا والعيون امركزات
مانا حسبتك صدق مثل اجداكم=رامي وترمي عالصيود الجافلات