سراااااااااااااااااااااااااااااااااااب الجول

[يمامه]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

عمر الذيب في سراب الجول يقول الذيب بو طارق عمر يهل الهوى العذري=معي قصه حقيقيه لكم ماهي من المجهول شهر وسنين كاتمها وصاح الهجس من صبري=يباني قول ما عندي او اسمحله وهو بيقول وبعد انقاش هذا اليوم حانت ساعة النشري=وبانطرح لكم قصة هوانا بعرضها والطول عرفته في سنة اربعمايه واثنعشر الهجري=وعاده خيب ما يدري بخلق الله ويش اتقول احبه واعشقه يهل الهوى والعشق من بدري=وربيته على يدي مسي حرك به الهندول ازوره كل يوم الصبح واجي الظهر والعصري=وكم قد سرت عارجلي لشانه في نصاف اليول بلغ في العمر ستعشر عطيته سري وجهري=وعام ونص خذ خط الهوى مابيننا مشغول اسرني طرفه الناعس ونا سلمت له امري=وفي بحر الهوى غصنا الما قاعته واللول هو الاسر ونا الماسور وتمتعت في اسري=وفي اسر المحبه كل ما جاب المحب مقبول معاه ابسط صباح الخير كيف اصبحت ياعمري=ونتغدى ونتعشى كلام السانه المعسول بدون امبالغه عشقه بشراييني مسا يجري =مجاري الدم لي يجري بجسمي طلوع والا نزول اشوفه في سما عشقي وشوفه بري وبحري=وحسه الاكسجين اللي بها يتنفس المعلول ولكن ذي السنه جاني خبر عالبال مايطري=برى لحمي من اعظامي ومنه عادني مذهول تفحصت الخبر وكتمت غيضي في وسط صدري=ثلاث ايام وليالي رهيبه شي مش معقول حجزت التذكره في بن معمر قبل مايسري=وصبحت الوطن من حيث لا كافل ولا مكفول لحقت الامر جد والمال هو والنخل يالبكري=معاده حسب خبري فيه لا طلعه ولا شي سبول تعبت انهارت اعصابي ولاحد شد من ازري=تحملت الاذيه والوجع عدلي امل مامول وكن الصبح من بدري غبش ياخالد المري=عبر جنبي ولا سلم علي المحبوب ياللهول عبر شاخط ولكنه رمى بسلاحه الذري=بطرف العين ودعني ونا لا حي ولا مقتول تمنيت الكفن والمغتسل والنعش والقبري=ولكن قبل دفني تركوني ها هنا مزقول الما يمر ويشوف الذي سببه من امري=ويترحم علي ونا بنعشي بينكم محمول حلم كله ونا نايم ولما اذن الفجري=تبين لي الحلم انه فصيله من سراب الجول

ياسلام عليك ياذيب صح لسانك بجد رائع جدا الله يعطيك العافيه استاذنا الكبير دايما مبدع

[خالد بن مهنا]

للاطلاع.!

[صقر الديس]

صح لسانك

[يمامه]

صح لسانك قصيده رائعه جدا تقبل مروري

[المسافر @]

صح لسانك يابو طارق كلمة مبدع في حقك قليل الله يعطيك العافيه

[ثابت بن ماضي]

تعاطفت معك كثيراً ومن شدة انفعالي ماستوعبت البيت الاخير . وما ان كررت قراءته وعرفت انك تحلم تمنيت ان ذي سار فيك حقيقي . برغم أني اشك ان هذه رؤي وليس حلم ( لانك من الصالحين)
تقبل ارق التحايا
اخوك ابومرعي