بعض الاسماء ماتجيب الا اليضر...بالدول دحمان وبالساده عوض

[maasher1]

هذي البيت الشعري هو بيت الشعر المفضل عندي ,
واللي يميز اسمين حلوين هما

عوض

ودحمان


قال الشاعر

بعض الاسماء ما تجيب الا اليضر
بالدول دحما وبالساده عوض



المطلوب من كل الحلان الاتي

اشرح البيت التالي وبين سبب اختيار الشاعر للاسمين المذكورين؟؟


المطلوب الثاني الكلام هذا صحيح والا لا؟؟
يعني حد (من الساده) اسمه عوض؟
او هل احد من (السلاطين) اسمه دحمان؟؟

ابغي الاجابه بسرعه الان
وعساه الكبه تكبه اللي يقرا الموضوع وما يجاوب عالسؤال؟؟؟؟؟؟

عوض بن عبدالله بن معاشر

[حاتم الطائي]

لك كبه تكبك ياعوض ...

وشفنا ذا اول واحد دخلت قفاك >>>>> عفوا الثاني

ان بغيت الجواب اندر له تححححححححتتتتت>>>>>











شفه >>>>>>





















مندري .. مانا مداري >>>>> بالعربي ((( الله اعلم )))


لك الكبه غير مانت حسبت نفسك من الساده ههههههههه

[maasher1]

الظاهر يابو الحواتم انت ما تفهم الكلام اللي تقراه
ارجع افهم الشؤال وجاوب يالمبدل

ذالحين اللي ذبحته لضيفك انت متاكد انه حصان
يعني مو حمار

والساده لا ماني منهم ذا شرف ما ادعيه وان كنت اتمناه


ولكني مقتنع باصلي وفصلي واهلي


ولا شئ عندي استحي منه مثل غيري كثير





بعدين وين مساعدة الايجار عساك حولتها والا هو كلام عالفاضي وهدرة مفلسين


علي فكره شف زواجي بعد 45 يوم
بصنعاء يالبتك تحضة وتجيب معك الطرح والذبايح

خلنا نشوف منك شئ





رغم اني عارف ان حاتم ممسوك بمكتب مكافحة المتسوليين


تحيااااااااتي المعاشريه





عوض عبدالله معاشر

[ابوكرامه الشبامى]

لقد اخونا حاتم دخل فانا معه وزواجك على حسابى مع اخونا الطائى حاتم عليه الذبايح وعلى الرز

وباضيف على بيت الشعر
ولا بالقرار والقبائل كرامه

وفسروها حسب ماشئتم
وحقيقة اخونا الاديب الاريب الناقد ابو عوض الشبامى فى ظنى انه بايحل لك السؤال وهذا الا فى رائى والموضوع فى نفس القضية وبدون زعل بعدين يسقطن ضروسى المركبات باقى ثلاثة صاحيات لبستهن ذهب

[حاتم الطائي]

اقتباس :

الرسالة الأصلية كتبت بواسطة maasher1 الظاهر يابو الحواتم انت ما تفهم الكلام اللي تقراه ارجع افهم الشؤال وجاوب يالمبدل عوض عبدالله معاشر

ابغى افهم الشؤال ... ايش معناه ؟؟
شكلك كماي ياولدي بلا شنوووون
علي التركيبه

ياحول حوّاله .. سلامه عرّست .. ياحول حوّاله على عبدالصمد ؟؟!!

عوض .. رجعنا للشحاته من جديد
ماكفتك القافلة لي حولنا بها على رقم الحساب ذا (32647851000104) ... والا باتقول عادها ماوصلت ؟؟!!
شفك انت الغلطان لي ماقلت لي على ايش من بنك
شفنا معي سند فيهااااااااا ... ماعلينا مادام عرسك بعد 45 يوم ... ان ربي طول بلعمار ابشر .. وبو كرامه ماقصر وضرب صدره >>> شهم والله ... وبايقع يعرف يذبح بانوفر حق الذباحة .

وبازيدك من الشعر بيت .

حاتم عليه الذبايح ** وابوكرامه له الرز
ومعاشر عليه يكثر من المعاشر والتباسي والصحون

مبروووك مقدما ياولدي ياعوض .. وعقبال مانذبح لعيالك آمين

والله شو السقيفة باتنقعر الليلة ... شوكم شمرتوا بها ماشاء الله عليكم ..


مساهنين حد يجيب الجواب >>> شونا من صدق مشغوب ومانامداري بشي ;baw

[maasher1]

عيب عليكم يا شباب ما شفتم وش كتبت الاداره حق المنتدي تحت الاسم حقي
ماليوم بيض الله وجهك يالمشرف العام
رقيتني الي مرتبة (حال قيادي) عسي ماني قيادي بالحزب الاشتراكي
.................

الاخ الكريم \ والا الوالد الكريم (ابو كرامه الشبامي) شفك ماتعرفني
تراني كما لصقة الجونسون يعني مادام دقيت صدرك بالرز شفني بغيته بنجابي المهيدب وتنقله صنعاء علي حسابك وتطبخه كمان
والا شوفني بفضحك وباسفل بك
اذا ما وفيت بالوعد
تري وعد الحر دين

بالنسبه لموضوع بيت الشعر الوالد دايم يسفل بي بهالبيت من الشعر
وياليت صدق يكون حد من الساده اسم عوض
علشان ارد كيد الوالد الي نحره(الله يطول عمره)

كن ابو عبدالله الشبامي ما دخل المعمعه ولا العطاس ولا الشبامي بو

صالح

...........حبيبي حاتم الطائي
اولا الله يبارك فيك مقدما ثانيا

شوفني صدق بغيت الجواب حق سؤالي
ما سيبي
دور للاجابه

قدك الوحيد اللي يسايرني علي خبيط الرماد هههههههههه

وحسابي بالبنك الاهلي التجاري
وشوفه له 7 شهور مصفر عسي ما يلغونه لابوهم راعه

وين الحلان
تري كل من قرا الكلام ولا رد عليه
باتجيه كبه تكبه

وقد اعذر من انذر
وانتم بكيفكم

بعدين ياحاتم شفني بشنون ولنها تمضغ لبان العفو منك
اصلا النتدي الشبامي عطلان
كل مالقينا (س) وقعت(ش)


وتحياااااااااااااااتي للجميع
وعساه الكبه اللي قرا وما رد


عوض بن عبدالله بن معاشر

[المدودي]

كنك يا معاشر تدعي بالكبة للحلان

آه لقوا بك

يا خوي ليش تحمل نحن ذنب قائل البيت

دع بالكبة للشاعر يومه ما طرح هامش يفسر قوله :p

على كل حال .. مبروك مقدماً >>>> و إن كنت ما عزمت الا بو كرامه و بو عدي

و اقول معي طسوس كبار و شول .. ان احتجت شي لا تستحي حتى بلا عزام با اعطيك اياهن لو تحتاج









المدودي : تعقب العافيه

[جمال العطاس]

لك كبه تكبك يامعاشر
مواضيعك تفطس من الضحك يااخي
منين تلفلف ذه الكلمان كلها
كل ساعه تطمر بنا في وادي .

انا باقول لك قول في هذا البيت:
عندنا في الوديان ينقال هذا البيت بطريقه اخرى وساشرحه :
يقولون :

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/3.gif" border="double,2,gray" type=0 line=200% align=center use=sp char="" num="0,black"]
دحمان في الساده وفي الدوله عُوَض
بعض الاسامي تلحق الا بالمرض
[/poet]

( عُوَض ) بضم العين وفتح الواو

يعني احسن اسم في الساده دحمان
واحسن اسم في الدوله يعني السلاطين عُوَض
ودحمان اسم الدلع حق ( عبدالرحمن )

هذا معناه جهتنا . عسى نحن ذلحين في المعمه يامعاشر
المهم الله في البنجابي

[maasher1]

حياك الله يالمدودي
يالشيبه الصالح
.....................................
ياجمال
بغيت اجابه صريحه
حد من جماعتكم اسمه عوض
وبيت الشعر حقك عكس اللي انا قلته

والسلاطين اللي اسمهم عوض ياكثرهم
الله يعيد عز ال القعيطي




عوض عبدالله معاشر

[احمد العطاس]

انا باقول لك يامعاشر عندنا في السادة مبارك اما عوض ماسمعت حد اسمه عوض في جهتنا على الأقل0

والظاهر انهم لهم رأي او نظر في الإسم وقدك تشوف اللي يقع0
وانا عادنا فزعان تصيبك عين منه يوم الزواج حقك 0

وإن كان الزواج في صنعاء شفه على حسابي كله والوعد عند بارجاش والآ بن مالك في الصافية وأن بغيت الوجبة صنعانية با نلقيها كدم وسلتة

واللحم بعد الغداء هو وبنت الصحن0

ومبروك عليك مقدماً 0