مرثاة في المقدم الشهيد / سعد بن حمد بن حبريش رحمه الله

[الجوهي*]

مرثاة المقدم الشهيد/ سعد بن حمد بن حبريش العليي للشاعر / عوض علي الجوهي
================================================
ابـدي كلامـي بذكـر الله عــزّ وجـل=خالقي فيه الرجاء وحده ومنه الخلاص
ذا فصل والفصل الآخر كل شامخ رقل=من هول مابه تزحزح من مكانه وحاص
من وقت ماجاء خبر بن عَلي سبع الجبل=والهجس يدوي كما لي هو في البحر غاص
ياحضرموت الحضارة - في المصاب الجلل-=الأجر قادم مقامش مايصله انتقاص
وين القبائل ووين القبولة والعول=نبغى رجاجيل كل سبعة على ظهر شاص
وآساد يعدون في الهيجاء وكم من جمل=لي يحملون الثقيلة ساعة الارتصاص
يمشون عامنهج اللي بالعدال استقل=نوّش بها في المداحن ما سعف للبقاص
لي قال شِل الثقيلة لا تشط للخبَل=رقّص وخل من تراقص بعدها بنتقاص
شفوا الشرف والكرامة بالزون والعجل=وعلى دروب المخاطر بذل الأنفس رخاص
لا عاش من عاش خائف من حلول الأجل=الموت منهل ولا شي من وروده مناص
اليوم يوم الجسارة يارجال القبَل=اليوم يوم الكرامة والوفاء والقصاص
عقدين تكفي صبرنا عانواع الخلل=وعلى البلاء والمصائب والوباء والقباص
واليوم عهد التراخي قد مضى والكسل=شفوا الأسود الكواسر ماتقر في القفاص
وانته سمعني وحمّل لا بلادك رحل=وان فيك همّة توجّه للهدى والنماص
ولعاد حاجة لقاتك عندنا والفجل= ولعاد حاجة لموزك والعنب والإجاص
ولعاد حاجة لغشك والفتن والحيل=ولعاد نبغى تفاهم أو لجان اختصاص
هذا مقالي و وخّر من طريقي ومل=وان مافهمته يترجم لك هدير الرصاص
وختام قولي سلامي عاختام الرسل=جاء بالهدى والقنا والسابغات الدلاص

عوض علي الجوهي 1435/1/29هـالموافق2013/12/2م