10-19-2012, 02:16 PM
|
#181 | ||||
|
حال نشيط
|
....... |
||||
|
التعديل الأخير تم بواسطة الجويد حسن باقديم ; 10-19-2012 الساعة 09:24 PM |
|||||
|
|
10-19-2012, 03:45 PM
|
#182 |
|
حال نشيط
|
قصيده قديمه بعنوان
(( الشفاعه ))
نهار يأتون اّدم والامم واقفين= لا قابلوه اشتكوا قالوا تجمل طلاب قم فك علينا من الشده وكثر الدحين=بونا ونحنا عيالك في الحسب والنساب ويقول ماني لهذا الامر ياالقادمين=بتوا لمولى السفينه والدقل والخشاب ويقول ماني لها شوفوا خلافي ضمين=شوفوا براهيم او موسى ونعم الصحاب ويجون ليهم وقدهم في التعب ناجحين=ويرجعوهم قدى عيسى وقدهم تعاب ويقول عيسى اذا بغيتوا الكلام اليقين=شوفوا محمد وهذا الراي عين الصواب هو سيد الانبياء والجذع حن له حنين=وهو صاحب الحوض ذي فوقه يطيب الشراب وهناك مايعتذر طهّ الحبيب الامين=يسجد لربه لحتى يقال ( سل ) تستجاب يقول امتي يارب قد اتوا مذنبين=ذنوبهم والخطايا مثقله عاالرقاب وانت الكريم المسامح ارحم الراحمين = تغفر لمن دك عابيبان فضلك وتاب 
ياهاجسي ياالحذر تنعس وغيرك ذهين=يقطع ويقمع ولا يحسب لقطعك حساب
وانته في القطع لك تاريخ ومورخين=ودلائل اموضحات اسطورها في الكتاب حقك ولك بحر ترطن باالمعاني رطين=ماهو على باب عاخمسه وعشرين باب ان قلت هذه السنين ابوابي امقفلين=بقفول من صنع طلياني قويه صلاب باقول قم وافتح البيبان للساليين=والمندعي قله ابشر واستعد للجواب بايلحق جواب مايلفاه غبره وطين=مثل القراص البغيه من جبوح النواب ذي مايصلها العتب في كل ساعه وحين=عند الذي وفر الحيه وحف الشناب وعمل بسنة محمد سيد المرسلين=وسيد الوقفه الكبرى نهار الحساب نهار يأتون اّدم والامم واقفين= لا قابلوه اشتكوا قالوا تجمل طلاب قم فك علينا من الشده وكثر الدحين=بونا ونحنا عيالك في الحسب والنساب ويقول ماني لهذا الامر ياالقادمين=بتوا لمولى السفينه والدقل والخشاب ويقول ماني لها شوفوا خلافي ضمين=شوفوا براهيم او موسى ونعم الصحاب ويجون ليهم وقدهم في التعب ناجحين=ويرجعوهم قدى عيسى وقدهم تعاب ويقول عيسى اذا بغيتوا الكلام اليقين=شوفوا محمد وهذا الراي عين الصواب هو سيد الانبياء والجذع حن له حنين=وهو صاحب الحوض ذي فوقه يطيب الشراب وهناك مايعتذر طهّ الحبيب الامين=يسجد لربه لحتى يقال ( سل ) تستجاب يقول امتي يارب قد اتوا مذنبين=ذنوبهم والخطايا مثقله عاالرقاب وانت الكريم المسامح ارحم الراحمين = تغفر لمن دك عابيبان فضلك وتاب هذا كلامي ومضموني فطن ياالفطين=لاتغرك احوال دنيا في المجي والذهاب ويغرك العصر هذا واختلاف السنين=والزخرفه في العماير ناطحات السحاب هي فانيه كلها وحلولها فانيين=ماتنفع الشخص لا واروا عليه التراب من لاتزود صبح نادم كما النادمين= الحرص عاالزاد واجب كل شيبه وشاب وواجب المنتبه ينبه الغافلين=كلن من اقداه لما يعمرون الخراب وان عارضوا عاد فوق الناس واحد معين=يصرف الكون هو من فوق سابع حجاب |
|
التعديل الأخير تم بواسطة الجويد حسن باقديم ; 10-19-2012 الساعة 07:33 PM |
|
|
|
|
10-23-2012, 08:30 PM
|
#183 |
|
عميد شعراء سقيفة الشبامي
|
هذه القصيده مرثاه في المرحوم العم عمر بن سالم عمر باقديم رحمه الله واسكنه فسيح جناته حررت بتاريخ 7ذي الحجه 23/10/2012م
في سبع ذي الحجه وصلني علم من دوعن حزين=
من ( شبو ) سنحي من مغارات الاسود الكاسرين= صبح به العاني عليه قبل خت يوشع تبين= بوفاة بن سالم عمر نعم الرجل بوسالمين= باغتني المرسول بغته باالخبر في طين حين= وانا من البغتات مسقوم المعايش من سنين= ( بغتات تتواتر ) علي من مالك البحث الزبين= خلت عظامي مثل عود الراك وركيك العظين= بكيت واشتقيت عافقد الجمال الموشرين= وحمدت واسترجحت له باالحمد رب العالمين= ذا امر من رب السماء محتوم عاالناس اجمعين= بكيت فوق القبر ودعيت المهيمن والمعين= يجعل ثرى قبره من الريحان والفسحه يزين= روضه من الجنه وداعاً سعف ركب الصالحين= على ثرى بشرون رحمات المهيمن والمتين= عاالسابقين الاهل وحنا عااثرهم لاحقين= راحوا علي الشيبان كل ساعه تجر موزع حصين = ذيهم (مجالسهم )مدارس نافعه ومدرسين = خذته دروسي منهم ودرست عن كم من فطين= موزعي غادر من حصوني والمجالس خاليين= تنعى على الراحل وتسخط عاالبقيه والبنين= لادخلت لامجلس بكت عيني وجريت الونين= كم من محل قد كان يرنف باالوعول الحانيين= واليوم فيه الطاويه خالي واهله ميتين= راح السلف واّتا خلف بطال ومساره مشين= لاعقل راسخ فيه لا حكمه ولا خلقاً حسين= قنفور ولسانه ذلب فيها تشيب باالجنين= عاالعاقل الحاذق لسانه مذلبه ياغافلين= تبعوا هوى الانفس ولهو العصر والنهج المحين = ومن عوايد اهلهم وذبورهم متنصلين= بكيت وتنحبت عامثواي والكنز الثمين= ياصنصله ياشعب شتنه ياالمحاقي والصفين= وين المجالس والمحابي والحروز الاولين= اّنسي طهم والمشبك المصموم يعبر باالرصين= والحمد له والشكر ملبوس العباد الشاكرين= من مقبرة بشرون رديت النظر عاالنايفين= وعلى ديار رحاب وديار الخبه والقاطنين= والناس بطن المقبره ماهم بحالي داريين= ياالحيد يادكمة شبربر والقصور العاليين= مالي اراء قتمه وقتره عامحيلش والعرين= وسواد جاثم عاسيالش والشعاب المفرعين= مالي اراء منش الصفاء منزوع واهلش ضاميين= قالت خلوا مني الاكابر والرجال الخيرين= من بعدهم بدلني المولى بعالم ثانيين= افعالهم قد زادت السقله نكد ومخازيين= البغض فيهم والكراهيه خوه متقاطعين= والجار ماله عطف عاجاره ولا هم سادين= صبحت مساجدهم رياضه بئس فعل الساكنين= والحسد قاطن بينهم والبغض والحقد الدفين= زرعت عداوه بين اخوه واقرباء متناسبين= وتكاشموا باالشين ذي لا عقل يرضى به ودين= هذا جوابك عاخطابك مختصر للسائلين= قالت ازيدك قلت يكفيني صوابي غامضين= قالت اراء فيك البكاء والدمع زايد والانين= ورحيم تنهج باالبكاء مابين امه قاسيين= يجهل مقامك منهم كلين لاتبقى حزين= تسودهم قتره اذا اتيتهم رحمه ولين= قلته كفى يارب سلم ياامان الخايفين= ولا معي غير الدعاء للاهل كل ساعه وحين= درب التراحم والتسامح من صفات المؤمنين= الله يهديهم ويجمعهم على الحق واليقين= من غض على نفسه رضخ راس الحناش السامين= كرهه بفرحه عند نزع الروح قل للصابرين= باتلحقوها حين ماتضوون لاحفره وطين= والختم صلوا عاالنبي طه امام المرسلين= عدد حنين النوب ذي ملقي في جبوحه حنين = |
|
التعديل الأخير تم بواسطة حسن محمد سالم باقديم ; 10-24-2012 الساعة 07:45 PM |
|
|
|
|
10-26-2012, 05:44 PM
|
#184 |
|
عميد شعراء سقيفة الشبامي
|
هذه الابيات لحسن محمد باقديم على صوت مغنى باالعود يغني احمد باقروان وعازف العود محمد باسنبل وهيا كثيره لم نحفظ الا تلك الابيات
يهز من شارع الستين بحري يفرح السالي=وقلب المهتجس بحباط دوعن لا بغا فوه ولا الستين
وقع لي منها وسط المكلا قيد وعقالي=صرومي خاليه ذي كان لي شيبان فيها واهل ومحبين خلوا عقالها تحت المقابر غابوا ارجالي=من القرضه عدمة النار شوني بعدهم لفلف سمر وضبين سلفها في الثرى واّتا خلف منهجه بطالي=يقودون المنيبه للخطر ويرجموها باالحجر والطين صفاها من محاقيها هرب من جور لافعالي=تعالت وارتمت من اهلها في الارض والبار انكشف والخين شناب القوم يتعرض لهم ساني وغيالي=وحد بين الفنن باالعود يقبع ضد بياع العنب والتين حرفت العين والنظره لمولى المنبر العالي=وله فوضت امري منهم ياعين فوقش عين لاتبكين حوادث موسعه وعلوم تتنقل تنقالي=مصادر تقلق المرتاح واعلانات من روما ومن برلين وكابل تنطحن من صوبها ماظهرها سالي=حوادث في تخوم العاصمه دارت رحاها عاجلال الدين ومولى الصومعه مهتم بهم وان صاح يامالي=قصار البخت جينه سيب كل وحده بغت منه ربع وثمين وسيد المملكه خذه السدم والقيل والقالي=مصايب قوم عن قوماً فوائد والتعب والجعث باالمسكين وجابوا الهجن والخيال ياسالم منيبالي=سبب يدعي سبب وتعظمت ربك يساعد فوقها ويعين زمان القرش لاعب دور باالقاضي وباالوالي=دوائر ظالمه كل من دخل بيبانها عبر شهر وسنين وانا ياما بكبدي من ضرر والخصم يرثالي=وظني خاب في حركات جم من ضمنها حركة حمد ياسين امازيقي ربيعش ماسلكتي درب وص صالي= يقود الركب لا بر السلامه والرخاء منه يجي واللين تدهور وضع في وسط الجزائر حكم سركالي=مخطط عسكري منه الهواري حر عنده حبحب السكين |
|
التعديل الأخير تم بواسطة حسن محمد سالم باقديم ; 10-26-2012 الساعة 09:47 PM |
|
|
|
|
10-30-2012, 06:05 PM
|
#185 | ||
|
عميد شعراء سقيفة الشبامي
|
يعيش النادي المشهور عاش الكبتن الماهر=اذا اعتكت يجيب القول مايسجل بلنتي داخل الميدان
ومن قسم الرياضه والشباب الكبتن الشاطر=يوانسني في المجلس محمد نور عاش الكبتن الفنان وانا باالزي لاصفر والسود نمدح ونتفاخر=مشجع اتحادي بحت حبه في شراييني وفي العظمان ( عميد النصر والملعب ) عميد الكوره القاهر=يطوعها وهي تعشقه وتحبه وهو فيها كما حبان ملكناها وسطرنا ملاحم ذكرها شاهر=لقب خذناه ببطولات ( عليا ) في الملاعب بصمة الفرسان وهزينا شبابيك النوادي ( نصر ) يتقاطر=وسجلنا بطوله فائقه بصماتنا تشهد لها الاعيان الى اشتد الوغى يوم القاء والجمع يتكاثر=سعينا في رضاء الجمهور واهديناه كل الشكر والعرفان بيارق رفرفت للنصر في الماضي وفي الحاضر=لنا مايثبت النخوه مراتب في الرياضه عاليه البنيان ستبقى خالده في الذاكره كلن بها ذاكر=ويبقى عند جمهورك شموخك وانتصاراتك كما التيجان دليل انجازنا واضح وضوح البدر والزاهر=( لنادينا ) اداء فني رياضي سطروه ابطاله الشجعان |
||
|
التعديل الأخير تم بواسطة حسن محمد سالم باقديم ; 10-30-2012 الساعة 06:12 PM |
|||
|
|
|
10-31-2012, 10:34 PM
|
#186 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 31/10/2012م مهداه لنادي الاتحاد ( الــــعــــمــــــيـــــد ) ( بعنوان )
خسارتنا مكاسب امر عادي=تزيد ابطالنا عزماً وعضدا وتعليق المعلق شل رقادي=وشد القلب والاعصاب شدا خساره فاذحه والقهر بادي=ولا يمكن يكون السيد عبدا وجف حبري وغلقته مدادي = غدت حالتي عاالتلفاز نكدا شراره حارقه وقت العنادي=نرد الخصم للخسران ردا نصبح نار من يجهل رمادي=سلاماً ( جمرة القلعه ) وبردا
مشجع انتمائي اتحادي=لي الحق افتخر به واتحدى
عميد النصر حبه في فؤادي=انا مرهون له قلباً وجسدا ومن ذمه كأانه شل زادي=وشل كل مامعي ذبراً ونقدا نمور النصر وعميد النوادي=ولاله في النوادي قط ندا غرسنا الخوف بنفوس الاعادي=في الملعب وقبل الشوط يبدا لنا جمهور لانادى المنادي=جموعاً غافره تااتيه وفدا منصات المدرج باالايادي=تصفق له وباالالحان تشدا وهو باالحانها مطرب وشادي=يبادلها الفرح يداً بيدا ثقه متبادله تكتيك هادي=حساباتاً لها جزراً ومدا لنا التلفاز يزجل والروادي=لنا هيبه لنا مركز وودا لنا اهداف ذهبيه تقادي=وضرباتاً تهد الشبك هدا لنا خبره لنا كبتن قيادي=وتشكيلات ودفاعات سدا لنا ولنا وحققنا المرادي=لنا الاستاد والتاريخ سندا مراتب خالده مركز ريادي=بطوله اتحاديه ومجدا ونيل المجد له بر واجتهادي=وكاساً ( قار ) ( مر ) تعباً وكدا خسارتنا مكاسب امر عادي=تزيد ابطالنا عزماً وعضدا خساره فاذحه والقهر بادي=ولا يمكن يكون السيد عبدا وتعليق المعلق شل رقادي=وشد القلب والاعصاب شدا وجف حبري وغلقته مدادي = غدت حالتي عاالتلفاز نكدا شراره حارقه وقت العنادي=نرد الخصم للخسران ردا نصبح نار من يجهل رمادي=سلاماً ( جمرة القلعه ) وبردا |
||
|
التعديل الأخير تم بواسطة حسن محمد سالم باقديم ; 11-01-2012 الساعة 06:11 PM |
|||
|
|
|
11-06-2012, 07:08 AM
|
#187 |
|
حال نشيط
|
يامن خزينك ملانه باالعطايا تجود=غثنا من الخير والرحمات في كل حين عبدك قرع باب فضلك ياالرحيم الودود=رافع يدين الطلب يامكرم الطالبين نطلبك غبشه ومغرب والخلائق رقود=وساعة يقول النداء ياارحم الرحمين نقول يارب رحمنا واعطنا في الجسود=صحه وتقوى ومضغه طيبه ماتخين تصلح عمال المحدر مننا والصعود=وبها يتم الحصاد الزين دنيا ودين زين العمل ذي يورد عاالقوافل ورود=عاحوض مولى الشفاعه سيد المرسلين ذي حن له الجذع والكفره رمدهم رمود=ولعاد خلى لهم مصباه ترشن رشين ياباسط الريش والجنحه فردها فرود=بعطيك مكتوب للحد المنيع الزبين صبح بضه حيث ماسوس وحل بوعمود=بوعبدرحمن ذي جوده ملا كل صين شرق وغرب على الوديان وعلى الريود=وعلى اليمن كلها من حيس لما العنين ان خبت الناس عالف الذهب والنقود=ولا على الؤل ذي له قيم غالي ثمين مايعتبر كنز كنز الادمي والفيود=معاملة طيبه واخلاق عليا ودين ذي باتصون القوافل في الوطى والسنود=من اّخر ازمان ذي فيه الدواسر دحين ان جيت بتسوق حنبه وان خطمته تقود=حنبه كما مثلها بتصيح ياغافلين محد تسمع صياحك والخلايق شدود=من جول لا جول صبحوا شدود ومحملين رجعت يارجل شلي في الزمان النكود=ذي صادم الناس صبحوا فيه متناشبين كلين عاصب قشوشه والسقاء باالزنود=يايروح العصر ياسرح معا السارحين من حيث ماتشط بعينك ماتحصل برود=ولاتحصل نسم خاطر ورحمه ولين عدى زمان التراحم وانقضت له عقود=وسنين فيها السلا ياخيرها من سنين فيها السليين لقوا نقش في كل عود=والصفوا راضي على اهله وهم راضيين واليوم وين الرضاء في وقتنا والهجود=ولا السكون التحق ونبيت امسكنين عسى برحمه من العين الرحيمه وجود=يصلح بها الشان والنيات معنا تزين زين العمل ذي يحادي عاالودود الولود=ذي انجبت كم وكم من جيد عاقل رزين ذي يحسب القارعه والمسأله في اللحود=وفي غواط الحفر من تحت تربه وطين
لا الولايات باترحم ولا الروس يرحم=
والفرنسي من السابق علومه رديه= |
|
|
|
11-08-2012, 03:03 PM
|
#188 |
|
حال نشيط
|
هذه القصيده للشاعر الكبير احمد باعجره المشجري
في رضا عمدة الشعر الاصيل المفضل = عندنا منطقه مثل العقيق اليماني باتقدم على شانه وبنشد وبسأل=دامه استاذ وحنا صف أول وثاني في مدارس حسن باقديم كل صعب يسهل=دامه الدرس من شاعر غزير المعاني ونما نا هنا تلميذ افهم وأجهل= بعض لحيان مانا بولفرج لصفهاني مبتدي اعتبر نفسي ولنقد اقبل =كل حرفاً في المجلس نطقبه لساني وأخر القول بالفرد الصمد باتوكل=دامه الوقت في الحسبان والعمر فاني وهذا الجواب من الشاعر حسن محمد باقديم
كل وادي بحلانه سكينه ومنهل=والطبايع عين وجنوس هي والمعاني عاالقدح والحفيره والطهور المنزل=من سبقني سونه شل خاتم يماني من سقاني من السنه وقسم وعدل=يؤخذ الذبر والخزنه وذي في ثباني وان بغاني جلس بين المذاهب مكبل=مابغيته يقاربني ولا يجي مكاني والشجن والفرح لاطار من كل محفل=لا عبر قوت في حلقي ولا نوم جاني عاضميري فرح باالغيث لا صب وسبل=ياالمطر لاتغب يبعث سقه من سقاني هذه القصيده للشاعر حسن محمد باقديم
دعوك يامن خزينك فاتحه للطلب=والملك والشان شانك يالعزيز القدير يامسقي الضامي ال ذيهوا مساء في التعب=وبفضل رحمتك يصبح كل وادي خضير والفي صلاتي عدد ماالنود نسنس وهب=تغشى النبي صاحب القبر الشريف النوير واّلال والصحب اهل المجد واهل الرتب=عند الصغير لهم شهره وعند الكبير سلام في كفة الميزان مثل الذهب=ذي ترغبونه وشتت باالغني والفقير سلام شامل على شيبانكم والشبب=عاالمغترب والوطن ردده مني كثير فروا عياله وراحوا كل حد في جنب=صبحت مطارح من الحلان تصفر صفير حد لاقف الهند يتنزه وحد في حلب=وحد بجاوه بغا الجاوي وعود الكسير وانا توصلت ليكم يوم ممعي سهب=ولا معي نحر للبحر الغويط الغزير وهذا جواب الشاعر الكبير احمد باعجره المشجري
خو يوسف إقول ياحيا رمات السلب =حي الله الجيد عمدة مجلسه والمشير تعداد ماهل في القبله وشيب وشب =ومساء يضاهي بنوره في السماء مستدير ورضيت بالحق والمقضي وكل مانكتب =من خالق الكون ذولقول السميع البصير والثانيه حط لومي والهون والعتب=ع حاكم القوم دي مافيه للقوم خير جمع وفرق وكل أمر انقضى وحتسب =محمود يعصر وعبدالله يشل العصير وش عادني قول من وقتي عجيبي عجب=ولعاد ذمه ولاصحوه ولاشي ضمير ماغير بدعوك ياربي عسا تستجب = دعوتي من وقت خلا كل حالي يقير يالله بعوده لديرة عاصرين اشنب =ذي عدهم ضل لاحرت شموس الهجير ( لي الفخر ان اوضعها في متصفح والدي انت شاعر فحل يااحمد باعجره المشجري اقولها عن صراحه )
|
|
التعديل الأخير تم بواسطة الجويد حسن باقديم ; 11-08-2012 الساعة 05:57 PM |
|
|
|
|
11-08-2012, 03:05 PM
|
#189 |
|
حال نشيط
|
هذه القصيده للشاعر حسن محمد باقديم
لامقام الذي حبه وصلنا وجينا=مابنا شي شطن بانعطي الراس طوله والفرح والنكد مصدره منا وفينا=ذاك مزمن وذا مرحوم فاضت سيوله والونيس العمل عند البلا لا بلينا=والتقاء والنقاء تاج الشرف والرجوله وان نزف جرح من بركة نزيفه حضينا=قلتها للذي دلوه يقطر وشوله من نكدها ومن غثرانها ماسلينا=صبر به اّجر من ظهرك تخف الحموله هذه القصيده للشاعر حسن محمد باقديم
نحمدالله ماشي بايخالف علينا=لاعملنا بقول الله وسنة رسوله
في اليمن خير بايزغر على كل ميناء=والمدن والقرى والشعب عرضه وطوله مسقط الراس ذي فيه الكدر مايجينا=وان تكدرت بن اّدم كثيره شغوله عندها ماغبطت القاهره هي وسيناء=والحبش كلها والهند كنزه ولؤله |
|
|
|
11-09-2012, 07:27 PM
|
#190 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 9/11/2012م مهداه للمدير العام بتسجيل حضوره نتمنى له الخير والصحه والعافيه ( قصيدة بعنوان )
نفسي لمحياكم فداء ياالمصطفى بدر البدور= هذا شعاره والشعار الزين معيانه سبور= وعذب صافي حلو يتذلح على يابس قفور= هذا الملاذ الزين ذي راحته تكمن في الصدور= يلحق بها المخلوق مخرج من عكلها والعسور= طبته وطاب الخلق والثمرات طابت والزهور=
حيا بقائد ركبنا حيا بتسجيل الحضور=
نورت مجلسنا بنورك زادك الرحمن نور= في الدين والدنيا ويوم البعث من وسط القبور= ندعي لكم غبشه ومغرب باالعوافي والخيور= وانتم دعوا لي والدعاء فيه الفضيله واّلاجور= باب التراحم له في القران والسنه سطور= من قام فيها واستعد حصل تجاره ماتبور= يحصد ثمرها في نهار البعث ونهار النشور= نفسي لمحياكم فداء ياالمصطفى بدر البدور= هذا شعاره والشعار الزين معيانه سبور= وعذب صافي حلو يتذلح على يابس قفور= هذا الملاذ الزين ذي راحته تكمن في الصدور= يلحق بها المخلوق مخرج من عكلها والعسور= طبته وطاب الخلق والثمرات طابت والزهور= يجني ثمرها من غرسها في عشاء ولا بكور= يامرحبا باالغائب الحاضر وتسجيل الحضور= غائب وحاضر في قلوب الناس ياصقر الصقور= شرفتنا يابن ربيعه بعد غيبات الشهور= حيا بدار العدل والميزان والفهد الجسور= ذيهوا حظي باالصيت والشهره وزينات الامور= وباالخصال الطيبه نعم السلاله والذبور= لا الذبر طيب طابت الزرعه وبركه في البذور= وحلت البركه من الله في الشيابه والزقور= وانته ذبورك والمحاسن طيبه هي والجذور= الله يحرسها ويغمرك الفرح هو والسرور= ماتشوف شر في العظم والصحه وفي العذب الطهور= ويطول عمرك والرضاء عند القضاء رحمه ونور= والذكر حسنه والمرض رحمه من الرب الغفور= ورحمة المولى على الشاكر قريبه والصبور= وذكر بعده عافيه من مجزي العبد الشكور= ابشر برحمة عاجله من عند جبار الكسور= شرف على ايوب وتباخر من اّفات الضرور= رده قمر بازغ في الجلبوب من بعد الثبور= هذا وثم قال الذي يمسي يكالفها كدور= كلن غفت عينه وهو ماينام وعيونه قشور= هموم ومشقات ومشاكل تديف عاالفقور= وظروف تتخطفه في الديره تخطاف السعور= على خريف الباسقات النخل زينات النحور= والعفو من نقصان في قولي بدر ولا قصور= الفتها والعكس والغثران يعصف باالفكور= |
||
|
التعديل الأخير تم بواسطة حسن محمد سالم باقديم ; 11-10-2012 الساعة 08:07 AM |
|||
|
|
 |
| مواقع النشر (المفضلة) |
|
|
|
|
العرض العادي
