دارت بي الايام

[غالب باتيس]

دارت بي الايام والعمر استدار=مثل القمر يبدا هلاله ويستدير
ياناس اشكي لمن حائر ومحتار= احزان وسط القلب تعصرني عصير
ضاعت سنين العمر في غربة واسفار=اسفار ماترحم تشيب بالصغير
فكرت بين امرين واصبحت محتار=امرا لقيته صعب والثاني خطير
اصعب من المشي عالاقدام في عز النهار=في ارض صحراء على الرمضاء تسير
ولاسحب تحجب الشمس عنك ولااشجار=ولا بشر تشهد ولا طير يطير
واخطر من الموج لاهاج مثناة البحار=لوكنت تبحر على قارب صغير
وان هبت الريح والا هب اعصار= الله يستر ايش بعده بايصير
والله محتار فيما بينهم كيف اختار=لا الشمس ترحمني ولا الموج الغزير
ولعاد يرحمك اخ ولعاد يرحمك جار=كلن مع نفسه على دربة يسير
الحاصل ان الزمن خائن والوقت غدار= والناس ماتعرف الطيب من الشرير
الكل يحتال همه الفلس والدينار=استغفر الله ركعوا للدنانير
ماخافوا الله باعوا الصدق بالدولار=هذة هي الانباء ومن بعد التقارير
الامن والعدل لازال تحت الانتظار= والصدق غائب عند معدوم الضمير
ذي مايوفي بحق الجار للجار= لاجاره الرحمن من حر السعير
والحكم والحكام ذا في قبضة التجار= من رتبة الجندي الى رتبة وزير
والناس تشكي وتبكي من الاسعار=من ينقذ الغرقان يصرخ وسط بير
هذا هو الحال فيه العقل يحتار=حد عامد الجنة وحد في الزمهرير
لكن مهما يطول الزمن دوار= مايترك الحلو حالي ولا العلقم مرير
والليل ان طال مهما طال لابد من نهار=يطلع وتشرق شمس للدنيا تنير
كتبت ابياتي ودمع العين قطار=من جور مابي اطعم الحالي مرير
بكتب بكل توضيح مافي الصدر اسرار=نيران تلهب فجرت بركان تفجير
خوفي على الجسم بعد الحزن ينهار= وينقطع عنه شهيقة والزفير
يارب حسن الخاتمة تصلح لنا الدار= وخير اعمالنا تبقى لنا في الاخير
والختم صلوا عليه السيد المختار= ماهاجت الامواج في البحر الغزير

[مجمل]

الله يكفيك ويحميك من جور الزمن اخي غالب والصبر فالدنياء يابن عوبث على الحلو والقار
قصيده معبره ورايعه لاهنت بارك الله فيك

[غالب باتيس]

مشكور اخي مجمل على مرورك..........كفانا الله واياكم جور الزمن

[علي فدعق الهاشمي]

غالب باتيس

لاهنت لاهنت لاهنت يالعزيز

وصح الله لسانك ملااااااااااااااايين ع الابيات الجزله الاجمل من روعه

وماهو بغريب عليكم ياال باتيس شعراء اب عن جد وفيكم الخير والبركه دوووم في مقدمه الصفوف .

اسجل اِعجابي بماسطرته اناملك الطيبة .

دمت بخير وعافية .

علي بن حامد فدعق الهاشمي

[عيون المكلا]

السلام عليكم ورحمة الله وبركاته

اللهم صلي علي سيدنا محمد وآل محمد
تسلم ويعطيك العافيه
اعتبرتها قصيدة معاناه اليس كماتوقعت ؟
الله يعينك ويساعدك وتخرج من ماانت فيه منتصرا مستور الحال !