مجلس الدان الحضرمي

[بن احمد]

اقتباس : المشاركة الأصلية كتبت بواسطة حنطبه [ مشاهدة المشاركة ]

ياخفيف الدم سلم = عاد لي عندك مكانه صدكم بابه مقفل = ماصخا يلفاك شي زاخي وطين ريت لك ضربة معلم = ماتعود ع الخيانه بالمحب ماحد يبدل =قدركم سقفه النجوم الزاهريـن

ياوسيغ العرف قدّم=للحبايب بالزيانه
لوتقع عنهم بمعزل=باتبيت في حبال الزاهدين
هكذا حال المتيم=تفضحه نظرة عيانه
ياصديقي لا تحمل=والثقل كسّر ظهور الموشرين

[حنطبه]

ياصديقي أبن أحمد .
المغني قال : كل فصل وله شطر أخير غير الذي قبله . فماعليش ياغالي لو تتكرم وتصوب مشاركتك الرائعة كما هي في البدع ولك سلام حار مني .

[الواقعي]

اقتباس : المشاركة الأصلية كتبت بواسطة حنطبه [ مشاهدة المشاركة ]

ياخفيف الدم سلم = عاد لي عندك مكانه صدكم بابه مقفل = ماصخا يلفاك شي زاخي وطين ريت لك ضربة معلم = ماتعود ع الخيانه بالمحب ماحد يبدل = قدركم سقفه النجوم الزاهرين

لا قراء كفي المنجم=قال لي بعطي ظمانه
=شفت نور العين مقبل
=ما تبا تنجيم يفهمها الفطين
وان بطا نوره مضلّم=ما ترك عاده كيانه
=من تربا وسط منزل
=تنطبع ذكراه في قلبه سنين

[سالم عاشور حسنون]

يحسبونا بامعلم ...بن حسن يعرف مكانه
كل من يبذل يحصل...يظفر الا كل ذي عقلِ رزين


وعفوا على الانقطاع

[سبع الليل]

اقتباس : المشاركة الأصلية كتبت بواسطة سالم عاشور حسنون [ مشاهدة المشاركة ]

يحسبونا بامعلم ...بن حسن يعرف مكانه كل من يبذل يحصل...يظفر الا كل ذي عقلِ رزين وعفوا على الانقطاع

قل لبن عاشور قدّم= بكرة العيم ضمانه
السُلب بيدك وعقل=قبل ماتحلى المغاني والزفين
لاتقع عالباب مردم=بن علي يملي ثبانه
مال عاده ماتحلل=داخل الغُرفه ومثوى بامتين

[الواقعي]

فصل جديد

يقول الواقعي بالسر هذا اليوم با جاهر=معي شك فالمقدم والحكم حق طاب والا عاب
نبا منّك دواء يالذيب للحالب وللناجر=ونبغى حنطبه يوصف لنا جرعة دواء الاعصاب
مصيبه لا قد القاضي انقلب دلال او تاجر=وترّك شرع ربه والذهب لصفر فتح له باب
أذا كان الحناش الملس يقتل سمها الجائر=لسان لادمي تفعل كما فعل الحنش بالناب

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

فصل جديد يقول الواقعي بالسر هذا اليوم با جاهر=معي شك فالمقدم والحكم حق طاب والا عاب نبا منّك دواء يالذيب للحالب وللناجر=ونبغى حنطبه يوصف لنا جرعة دواء الاعصاب مصيبه لا قد القاضي انقلب دلال او تاجر=وترّك شرع ربه والذهب لصفر فتح له باب أذا كان الحناش الملس يقتل سمها الجائر=لسان لادمي تفعل كما فعل الحنش بالناب

رحب باقوال من شاعر كلامه لول وجواهر=كلفني شل بو مقصين واضرب صاب او ما صاب
معه بابلغ الواجب كسب والا طلع خاسر=لانه طيب النيه ويتخبر على من غاب
لسان الادمي علته في الاول وفي الاخر=وهي في الادمي امثال مافي البندق الضراب
دواء الحالب بلذعه ياصليب الراس لا تحاذر=واما الثانيه مالي بها خبره بدون اعتاب
ولكن ايش طب الادمي الكذاب والفاجر=ومن سلمه بندق يعتدي به عا اؤلي الالباب

[ديناميت الجنوب]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

رحب باقوال من شاعر كلامه لول وجواهر=كلفني شل بو مقصين واضرب صاب او ما صاب معه بابلغ الواجب كسب والا طلع خاسر=لانه طيب النيه ويتخبر على من غاب لسان الادمي علته في الاول وفي الاخر=وهي في الادمي امثال مافي البندق الضراب دواء الحالب بلذعه ياصليب الراس لا تحاذر=واما الثانيه مالي بها خبره بدون اعتاب ولكن ايش طب الادمي الكذاب والفاجر=ومن سلمه بندق يعتدي به عا اؤلي الالباب

ترك عندل وخلا مالها والنخل باجابر=ولا له شي طمع في ماذرا والكسب للكساب
بغا في مصنعة عوره على لركان والداير= حراسه بالبنادق ياعمر قنعو من الكذاب
ونا مبغاء كلام الوم والتجريح والناير=نضرنا بعضهم لا ولعت يمسي لها شباب
ولاكن بنتظر مادام حد صاعد وحد حادر=يقولون المنيه واحده وتعددت لسباب

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

رحب باقوال من شاعر كلامه لول وجواهر=كلفني شل بو مقصين واضرب صاب او ما صاب معه بابلغ الواجب كسب والا طلع خاسر=لانه طيب النيه ويتخبر على من غاب لسان الادمي علته في الاول وفي الاخر=وهي في الادمي امثال مافي البندق الضراب دواء الحالب بلذعه ياصليب الراس لا تحاذر=واما الثانيه مالي بها خبره بدون اعتاب ولكن ايش طب الادمي الكذاب والفاجر=ومن سلمه بندق يعتدي به عا اؤلي الالباب

سلام الفين من عندي لكم ياسلوة الخاطر=عمر يالذيب لي حُسبته عندي خيرة الاصحاب
بغيناها تقع سمره وهي سمره الى الباكر=وندارس ونتفاهم ونكسر شوكة الارهاب
علي صالح وربعه لي لقوه في الناس ياساتر=وبالحمر ومن حوله من الزمره ومن لحزاب
لعد خلو ولا بقو من المهره الى صافر=تمادوا ياعمر فينا وخلونا شبه للعاب
ونحن شعب مانعرف سوى الا مرحبا و حاضر=يذمونا يهينونا ونتبعهم كما الطلاب

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

رحب باقوال من شاعر كلامه لول وجواهر=كلفني شل بو مقصين واضرب صاب او ما صاب معه بابلغ الواجب كسب والا طلع خاسر=لانه طيب النيه ويتخبر على من غاب لسان الادمي علته في الاول وفي الاخر=وهي في الادمي امثال مافي البندق الضراب دواء الحالب بلذعه ياصليب الراس لا تحاذر=واما الثانيه مالي بها خبره بدون اعتاب ولكن ايش طب الادمي الكذاب والفاجر=ومن سلمه بندق يعتدي به عا اؤلي الالباب

كلامك ياعمر بلسم لضيق الحال والخاطر=فتح نفسي لقول الشعر يوم اتقفلت لبواب
عرفتك نجم ساطع يهدي الربان لي حائر=ملك وسط العضيده وانت عالمنبر كما السياب
خلل باين في القاسم وكبش الساريه دامر=وقد شفنا الرضّه تنخر في المسلف وفي لعتاب
ولكن مصنعة حبان شف بنيانها فاخر=مهندسها يخُلّ العود ل أرضى بأفخر الاخشاب
ولاهي مثل عرشه فالمطر ما تمنع القاطر=ولو بيتت فيها غصب تصبر عا الوخم والداب