مساجلات الزامــــل الشعبي

[طالب النعماني]

الله يفرجها على كل من هتم=لاتعوجت دنياك باترجع تمام
ياشاعر المغوار لاتهتم بهم=داحق على العقرب وعاثعبان هام

[بوطارق]

كل ماجرى كله من افعال القزم = والله نا ماباه يمسك بالزمام
لاماتعاونتو خوه واعيال عم =باتصبحو مره ضحيه للقزام

[مبروك بن ماضي]

كل ماتفرقنا تحدتنا الامم = من ضعـفنا ماشي تقدم للامام
لاقال جورج بوش شي قلنا نعم = نطرق وندفن روسنا مثل النعام

(اللام) في قاموسنا تعني الالم = من قال (لا) ويله يُحاسب عالكلام
حتى اذا بالليل في نومه حلم= ينفث على يمناه من بعض الحلام

قولوا لبو طارق مقدمنا سلم= لانه يدور طول عمره عالسلام
طبعه مناور لادرى ولاعِلم=ان الخطا منّه رفع بيض العلام

احترامي

[طالب النعماني]

اقتباس : المشاركة الأصلية كتبت بواسطة مبروك بن ماضي

كل ماتفرقنا تحدتنا الامم = من ضعـفنا ماشي تقدم للامام لاقال جورج بوش شي قلنا نعم = نطرق وندفن روسنا مثل النعام (اللام) في قاموسنا تعني الالم = من قال (لا) ويله يُحاسب عالكلام حتى اذا بالليل في نومه حلم= ينفث على يمناه من بعض الحلام قولوا لبو طارق مقدمنا سلم= لانه يدور طول عمره عالسلام طبعه مناور لادرى ولاعِلم=ان الخطا منّه رفع بيض العلام احترامي

صح لسانك يابن ماضي
واشكرك على مشاركتك المستمره واحياء تراث الاباء والجدود الزامل الشعبي

[طالب النعماني]

قلوا لبوطارق دحقنا عالقدم=قدها لنا عادات من زام القدام
وانته فيين الان ياذيب الرهم=فالرض اليمن والا دبي ارض العجام

[ابوعامرالنعماني]

مالك وماله من بقاء والاعزم=خلك على شغلك مسك كل يوم زام
رمضان قد جانا طلب ربك وصم=يابخت من صلى في الدنيا وصام

[ابوعامرالنعماني]

نريد فصل جديد

[بن هاشم]

شوفو لنا فصل ياشباب


تحياتي

[ابوعامرالنعماني]

من عندك يابن هاشم

[طالب النعماني]

هذا الفصل الجديد

ياهل السقيفه لامتى هذا الفتور=شونا بغينا قول مبني عالهدف
وان حد يلف في المجتمع والايدور=شعارنا خلوه ضايع في الملف