قصيدة بن مجاديع في مقتل صديقه الشاعر بن حبيش

[وليدبن الشيبه الجعيدي]

قصيده بن مجيديع في مقتل صديقه الشاعر بن حبيش:

ابديت بك يالي بحالي تعلم=وتنطلع باسراري المكنونه
تغفر ذنوبي ليلة اظوي فلهم=والنفس عهده للأجل مرهونه
ثم قال بوسالم قهد واتحلم=والنوم ماقارب دفوف اعيونه
لاهم من الدنيا ولاقل اوجم=الافراق الود من مضنونه
ولامعي شي ظيم حتى اظيم=ماخلفولي شي عصا مدفونه
وبعد يالعاني عليها اتزلم=في ظهر بكره طيبه مجنونه
لاشرقت البيضاء عليها اترسم=في حد غلمه نائفات ازبونه
مرماك لما الجدفره لاتهتم=في الجور لعلى مثل مرسا البونه
غلوبهم الزينه ومأهم لدهم=كل من ضمي عالشرع بايسقونه
وانشدعلى سالم وقله يفهم=شوعندكم ثيرانه المقرونه
ولعاد حد بونقح بايتقدم=يطلق عقال الهيج لي مرصونه
:عليك يابونقح دمعي ديم=لاهوعلى وادي حجل يسقونه
يانمريالماخ ياذئب الدم=وكل شاجع قد قصر من دونه
كل من تحاجوه العدا مايسلم=ذلا نبا جودات له مسهونه
لاهوبرك من فوق راس المعلم=ان كان راحت حبوته مطنونه
من فوق خنفر غيثهم مادلهم=بايرعضونه لي خصيب الغونه
يسمعه بن شملان يوم يتنمنم=واهل المطالب صفهم يحيونه
يلحق بن الشيبه مع بن لجذم=ولي بوادي تبرعه يزحونه
ألميد بانشرب كرع من زمزم=بسقيش ياذ النفس يالمحنونه
ذولابني مرضاح يسقون السم=ذلا بلي فوق الحنك يعطونه
والفي صلاه الله عليه وسلم=وعد ماغرد بروس اغصونه

{مـع تحــــــــياتي}
))))بن الشيبه الجعيدي ((((

[طالب النعماني]

تسلم اخي بن الشيبه
وبارك الله فيك وابقاك

[خالد بن مهنا]

ياحيا الله وليد..ايش هذا الابداع..ماشاء الله عليك..تم نقل احدى مشاركاتك..الى سقيفة عذب الكلام للعلم..
ونرجوا ان توضح لنا اسماء الشعراء المذكورين..بن حبيش وبن مجيديع..الاسم الثلاثي ..عشان التوثيق..والفائده ..واضافة المعلومه..
بارك الله فيك ياوليد...ولاعدمناك ياالنشمي..
تم التنسيق...
ولك مني كل التقدير والاحترام
اخيك/خالد بن مهنا

[عمر الذيب]

ماشاء الله على قصيد اول تسلم يابن الشيبه