11-12-2017, 05:41 PM
|
#1 |
|
شاعر السقيفه
 
|
جديد با عكيم .
جديد باعكيم بو عهد 1
"""""""""""""""""""""""" غن يالمغني لا تقول الأمن في الوادي فلت .. إحنا السبب بسكوتنا زاد اللعب والإنفلات .. كلما سقط ميت سكتنا ما تحرر من سكت .. ماشي جماله با تقع وأمات رتبة ساكتات .. لعيان والوجهاء حشاء ناموسهم ما قول حت .. أو قول عنهم من قفى الحمراء يضفون الحتات .. ما قول عنهم يتبعون اللي في الغدراء سرت .. أو شفت سياراتهم في خط مارب ساريات .. ذلا دعاية عالجماعه ذيك قالت ذي حكت .. والوقت ذا زادن وكثرن في القروب المحكيات .. """""""""""""""""""""""" أنا السبب وليت خصمي عا قفولي والكبت .. وألقيت له ضيفه اذا ضلا في الوادي يبات .. وكشفت له لسرار من سرحت وهومن لي ضوت .. ولا دريت إن المصائب فوق راسي ضاويات .. وأنا عطيته سر داري يوم عقلي توهت .. وهو حرامي يستغل ضعف العقول التايهات .. أصبحت له جاسوس عا داري وقصتي إنتهت .. والعار طاردنا وجانا اللوم من كل الجهات .. """""""""""""""""""""""" |
|
|
11-12-2017, 08:41 PM
|
#2 |
|
شاعر السقيفه
|
🔴 شعر جديد باعكيم
"""""""""""""""""""""""" ذا فصل مجلس إنتقالي والأمور تغيرت .. لا تقول بتت يالتريسي قل حكومة سعد جات .. في كل محل رايات مجلسنا السياسي أعلنت .. إلا في الوادي الملغم ما نطقن المعلنات .. وقريب با نعلنه إن راحت عويضه وإن بقت .. وبعد إعلانه شكع با يشل ريش الباقيات .. هبوب في راس الذي با تفصل الوادي نوت .. وإللي معاها سبع عا بيع السيادة ناويات .. ساحل ووادي حضرموت تحالفو ضد الشتت .. ولي با يشتتهم مغالط يا شتاته بالشتات .. قولو لهم مهما سعيتو في مجيكم والمبت .. خبتو وخاب أمر المسقي لي يخبخب جاج بات .. والله ما نفصله فصله موت عا بالي طرت .. لو جبتو صواريخ هتلر كلها والطائرات .. """""""""""""""""""""""" لا تشتغب ذلا سعيده عا سعيد عرست .. قالو لها نغنغن لي قبلش ثلاث معرسات .. قعدت مع لقبع سنه والأمس منه إطلقت .. خواتها غرينها لي في الرياض مطلقات .. بعض الدول في الشارده والبارده ما قصرت .. فتحت فنادق فاخره للفاسده والقاصرات .. وتضم لي سقطت من إعيون البشر وتكسرت .. يهوين ما يوم الدول صارت زروب مكسرات .. أيام صدام البطل ما شفت شيعيه طغت .. واليوم سيف الحكم يشكي من ظهور الطاغيات .. """""""""""""""""""""""" واللي سرت بالليل شردت لا تقولو سافرت .. وعاد جم با يصبحن من حضرموت مسفرات .. ذلا على بيضه غرابية سعييييد قفقفت .. لو كان حي الديك ما خلا الثلاث مقفقفات .. ولا ترك السوداء عمد بين القسوم تخيرت .. توخذ ولا تعطي عليها في الملف متأخرات .. عجوز ملقوفه وفيها حس مبعد خرفت .. لكنها تمشي على جدول ثلاث مخرفات .. لعبت في الأوراق والتزوير برضه زورت .. كمن ملف تحت إيدها فيه الختوم مزورات .. تلعب علي وعليك باطل وان تهمناها أنكرت .. لحقت زمن مضوح يستر عالخباث الماكرات .. أنا ومولى الدار ألغتنا وإسمي ما إلتغت .. ما تدري إن هاجسي يعرف رطنت السبع اللغات .. نكرت حقوقك لي لها البدوي ضوى غمس وفت .. دقه وكل دقه بتعليمه ترك ما فات فات .. الله يستر عا عباده لي يلعبون الثبت .. وعسى ثبات القول يا حمدون في يوم الثبات .. والتاليه بطن المريضة والسقيطه ورمت .. وعاد جم بطون با يصبحن ظلم مورمات .. """""""""""""""""""""""" |
|
|
|
11-22-2017, 12:22 AM
|
#3 |
|
شاعر السقيفه
|
#مبارك باعكيم
أبوي ربّانا على العز .. والشرف .. والنومسه !! ما قال لي اسرق وغش والا شهد باطل وزور والعائلة لي ما لها عاقل تقع في المهيسه .. والبير لي ما فوقها شرحان تأكلها الطيور !! والمدرسة لي ما تزيدك علم ما هي مدرسة والآدمي لي ما يحس بالناس .. ما عنده شعور ومدرسة الايام هذي طلفسة .. في طلفسة الزقر يلعب والمدرس ما يواظب عالحضور والتربية إصلاح .. ما هي قبيلة أو غطرسة والجهل عدوى، لا عتدى عمار با يعدي عمور بداية العشق الهوى .. وبداية الطب عسعسه ونهاية اللفات عا السيكل متاهات وغرور !! راقب عيالك ياعوض .. وحيا حياه مقدسة من قبل ماتندم .. وترجع ياقهوري بالقهور !! لا تحسب انه من سرى للمصيعة والمهجسة با يعبر الغدراء .. وبايسلم من الكلب العقور فكك من الي صرص الخوره وزرزر ملبسه الاصل يبقى أصل .. واللفلوف والباير يبور حياة نكدة ناس مبسوطة .. وناس امجرّسه الله يستر .. لانقع في نوف وألا في حدور غن بارك الله فيك كثرت في البلاد الهلوسة لا تقولي زاد الغلاء والغش فيها والفجور ما دامه الشيبه مهلوس، والعجوز ملهوسه لا عاد تتعجب وتستغرب في افعال الزقور !! طبيعي .. أولاد الفلس يتعلمون المَفلَسه !! وانت فهمها وحزها .. يا با المعاني والفكور لا تقول لي ما تبينت .. قم فوق ذريك وافحسه وادفنه .. لا تتركه للجرذان لي وسط الجحور وادري على الماطور لا شفت البلود ملوسه من قبل لا يخرب .. ويحنبن البساتن والقيور واذا حنب هت له مهندس محترف في الهندسة وان كانك الا عا المهندس لولي .. مابيثور !! ما كل من لقى محل وكتب عليه مؤسسة .. يعني مهندس، قد عرفنا هندسه صيعر خمور بدوي مهندس !! ليه يا سر بالطرب والقنبسة !! وليه يا وادي جيعيمه بالحدايق والزهور !!!! وليه يا بدوي القِزه بالميكله والخنفسه !!!! صدق انها تداول الأيام والدنيا تدور !!!! … باعكيم مبارك *عدنان مقرم* كدنا فهمت القول وعرفت الخفا والطلمسة كم صيحوا العقال في الجهال بس ماشي حضور اصلاً عيال اليوم شافوا من هليهم تملسة قاموا وبطروا بالسياكل مادورا حق المرور تلزلزوا وتحزقوا والشعر ناعم ملمسه ياخوي راح الخرف كله لا سقط بابك وسور كله كذا يلمع تقول الا عروس معرسة والعطر ماتعرفه هو حق بدر والا حق بدور كل الاهالي عارفة لكنها متعامسة كم ضاع من (سايق) ولكن ماعتبر واحد وقور والناس تعرف من حفظ و من اموره معكلسة لامايفيد السر والاحداث تعطينا خبور مادام هذا "الواتس" يسري والصور و "الفسفسة" شكله بنبطي هكذا نسبح وباتفر "الطيور" واللي تفكر باتجيه الهدرسة والهلوسة واللي يقول الحق كل الناس من عنده نفور احفظ عيالك لا كبر ابنك ضروري تسايسه لا لاتخلي الشر ياكل فيه وانت ماتحور الاصل يبقى اصل لازم من تعب في المدرسة لكن عقبى الصبر مضمونة وصاحبها شكور بالدين بالاخلاق حصنهم مهو بالوسوسة رتب امورك بعدها لو قلت دوري .. باتدور *عدنان مقرم* |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
|
العرض العادي
