العمره

[الواثق بالله]

اخواني
رواد سقيفة الشبامي اليكم هذه الابيات المتواضعه
الذي ارجوا ان تنال اعجابكم
والسموحه على كل تقصور

يالله يارب العطاياوالكرم = تجعلنا سعفه مع الناس الكرام
واكتب لنا عمره عسى العمره تتم=والاجر كامل والفضليه بالتمام
بازور مكه حبها في الناس عم=كل البشر تهوي اليها كل عام
باقوم باشوف الحطيمه والحرم=وباتنعم في ربا البيت الحرام
وباشكي ذنبي ويعصرني الالم=في كل ماقدمت في دنيا الملام
سالت دموع العين ذي تبكي بدم=والجرح وسط الجوف هو غاير ودام
بكيت ثم بكيت مايفيد الندم =عدت علي ليام ماحسبت الختام
ضاعت وانا اشكي بهم فوق هم= الهم مثل السم من افعى وهام
جمعت مابين المنازل والقمم =وحسبت ان نفسي كما القايم مقام
جمعت ماحسبت الليالي تنقسم =ولا الزمن باينقسم سبعة اقسام
خمسة قسمها عالملذه والنعم=واثنين باتعبر وانته في هيام
وهكذا الظلمات تعقبها الظلم =وصاحب الظلمات دايم في ظلام
الظلم بايعقبه غم من فوق غم =والطير مابايحوم فوقه والغمام
هذه فعول ابليس مامنه سلم =مسلم ولاعدت حياته في سلام
واليوم باحاسب بتبراة الذمم=والعمر منه مابقى اللا الذمام
باسامح اصحابي وخالي وابن عم=والخو له واجب واجب للعمام
يالله بتوبه قبل تعطيل الكلم=وفوقها خير الكلم ختم الكلام
ذافصل بالميقات يالزاير حرم=ولب بالعمره وكبر بالحرام
واقصد الى مكه ولاتخشى ونم=محروس باذن الله عينه ماتنام
ساعة تشوف البيت ذكر ربك وسم=وللحرم ادخله من باب السلام
ولاوصلت الصحن طف سبعه وقم=من حيث ماصلى خليل الله وقام
واقبض بركن البيت لسعد بايتم=قصدك ومقصودك عساء المقصود تام
ولاتزاحم خل كل من قد زحم=ولاتضر مسلم بدحنات الزحام
واطلب كريم الوجه عند الملتزم=والزم بنيه صادقه بالالتزام
واقسم على عهدك ولاتخون القسم=إن عاد شي في في العمر مافيه انقسام
توحيد للخالق وسجل ياقلم=ذي هو كلامه ماتنفذه القلام
واشرب على زمزم وزمزم ماه زم=وبايتمي زام كل عصرا وزام
بركة ذبيح الله صدق بالحلم=وصدق ابراهيم رؤيا بالمنام
وادخل الى المسعى عليه النور عم=والنور شارق دوب عالمسعى وعام
وبالصفاء تبداء وهي شفها علم=والمروه اقبالك وخذ سبعه علام
وبعدها حلق وخذ راحه نسم=عساء تحط اوزار عن ظهرك جسام
والختم صلى الله عدد مسلم سلم=وازكى صلاته عانبيه والسلام