مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة العائد1 [ مشاهدة المشاركة ]

عارف لسانك ما تجيب الزله= والصدق ما تخفيه عندك ظاهر لاقال ابغى خمس منك مهله= قله لنا موعد نهار العاشر ان كان عافل بايرده عقله =وان كان قاصر لا ترد ع القاصر

يا مرحبا بالعائد المتولِّه=غايب سنه ... ظنّي بجاوا إمسافر
با انشده عن رخيه وفيها أهله=يا الله عساه الخير فيها وافر
والخوف لا توقع بها شر قتله=ما بينها ضنِّه معا لِشْنافر

[طالب النعماني]

السلام عليكم ورحمة الله وبركاته

[طالب النعماني]

وين شعار الزامل

[فهد العوش]

سلام عليكم ... مساكم بالخير يأهل السقيفة !

[فهد العوش]

ذا فصل قال العوش جينا عالطلب = في جبركم ذا الليل قد جينا عناه
جينا وحضرّنا الجواهر والذهب = واللول فوق الماس يبرق في سماه

[فهد العوش]

ما دافعوا عالحصن رميان السلب = وقت البلاء كلين روح في خلاه
في راسها والقاع شبينا الحطب = والبن من يافع مركى في دلاه

[محمد سعيد بن مخاشن]

اقتباس : المشاركة الأصلية كتبت بواسطة فهد العوش [ مشاهدة المشاركة ]

ذا فصل قال العوش جينا عالطلب = في جبركم ذا الليل قد جينا عناه جينا وحضرّنا الجواهر والذهب = واللول فوق الماس يبرق في سماه

مرحيب بك يا العوش يا خير العرب=يا من طرح ساس الحجر وأعلى بناه
ظنّي بعير الشِّعْر قد صابه جرب=يا فهد وأصبح ثِلب ما له شي لهاه

[محمد سعيد بن مخاشن]

اقتباس : المشاركة الأصلية كتبت بواسطة فهد العوش [ مشاهدة المشاركة ]

ما دافعوا عالحصن رميان السلب = وقت البلاء كلين روح في خلاه في راسها والقاع شبينا الحطب = والبن من يافع مركى في دلاه

اليافعي ما اليوم ريحه ما ينَب=غشّوه بالزّعتر علي سالم وأخاه
صوبك من إيدك وإنت يا راعي الجلب=الذيب جبته والغنم وِقْعِن عشاه

[فهد العوش]

حيابكم يأهل المعزة والنسب = يالمخشني ترحيب بلغنا مداه
نبغى خبر سيبان لي خلوا الرشب = والمشجري والشيخ لي ضيع دفاه

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

مرحيب بك يا العوش يا خير العرب=يا من طرح ساس الحجر وأعلى بناه ظنّي بعير الشِّعْر قد صابه جرب=يا فهد وأصبح ثِلب ما له شي لهاه

الفين ياحيا بنغمات الطرب=مابن مخاشن عامد الا في سلاه
والناس في زره تنتخها الكرب= من حد بن عيفان لما حد ساه