حضارم في قروبات التواصل

[ابو نجود]

حضـارم في قـروبـات التواصـل
بـلا اهــداف كـلّـن مـع فـصـيـلـه

وعود وهنجمه تحصيل حـاصـل
ومـا بـين العـرب كـلـمـة هـزيـلـه

علـى صفحـاتهم جـمـلـةرسـايـل
قصيره بعـضـهـا واخرى طويـلـه

ونـاســه يـوم والثـانـي مشـاكـل
تـصـل احـيـان لا سـب الـقـبيـلـه

حـضـارم والـولاءء لابـيت هايـل
وشيـخ الفيد ذي سـاكن شـميلـه

لـهـم مـن مـالـنـا يـغـرف يـنـاول
وخـلا الجـوع يفـتك بـالعـويـلـه

عسـى يـالله تهـدي كــل غــافـل
يشوف الحـق ودروب الفـضيلـه

نعيش اخوة بلا حاجز وفـاصـل
وذي كـان الـسـبـب لازم نـزيـلـه

نـسـوي بـينـنـا وبـيـنـه عــوازل
ويجمعـنـا هوى ارض المسيـلـه